रोमियो 16
16
व्यक्तिगत अभिवादन
1गेह जुंज़ातग कि, केरे फिबेऊ आदर लंहि, अंऊ ञेंहतु विशवासी रिंङ ए किंख्रिया शहरो कलीसिया ओ सेविका तोह, 2दंङ केतिंङ जुंज़ा कि दोऊ प्रभु रिंङ स्वागत लंहि; दंङ अंऊ ला गप्पो थल्जी दोबि केहतु मदत जूंशी तोह, दोऊ मदत लंहि। छना कुचे दोई महसे तु ए गिऊ ला महस मदत लहरी।
3रिंङ प्रिस्किल्ला ए दोऊ गगसा अक्किला अंऊ यीशु मसीह रिंङ गिऊ साथी तोतोर, दोतिंङ गिऊ नमस्कार। 4दोच़ी गिऊ जहान बचाएच़िमी थल्जी एनोह जहान मुसीबता रिंङ केहच़ी च़रतिर; सिर्फ गेह माह शुह, पर ऊईजाति तु भत्ते झुण्ड ला दोतु धन्यवाद लहज़ा। 5दंङ दू विशवासी तु मंडली बि ला नमस्कार अंऊ दोतु घरबारंङ ठ्रोहका शवात। गिऊ प्यारे इपेनितुस बि, अंऊ आसिया प्रदेशो मसीहू टोहकठे विशवास लहज़ा मुण्डो मीह शुह, दोबि ला गिऊ नमस्कार। 6मरियम ला अच़ि केहतु थल्जी महसे मेहनत लहरी, दोबि ला गिऊ नमस्कार। 7न्वा अन्द्रुनीकुस ए रिंङ यूनियासा बि छना गेह यहुदी तोतोग, ध्वांए दोरे ला तोतोर, दंङ गेरंङ साते जेलारिंङ तोईरे, दंङ प्रेरित दोतिंङ रूठे रंङ ञेंहच़ातोर, दंङ गिहबे ला तुहई मसीहू शिष्य बणेक्तिर दोतिंङ ला गिऊ नमस्कार। 8अमप्लियातुस बि, अंऊ प्रभुरिंङ गिऊ प्यारे साथी तोह, दोबि ला गिऊ नमस्कार। 9उरबानुसा बि, अंऊ मसीहरिंङ गिऊ साथी तोह, दंङ गिऊ प्यारे इस्तखुसबि ला गिऊ नमस्कार। 10अपिल्लेस बि परखेक्च़िमी थल ला अतु विशवास मसीहरिंङ लगातार बणेंके इलि, दोबि गिऊ नमस्कार। अरिस्तुबुलुस ए दोऊ टबरातिंङ गिऊ नमस्कार। 11गिऊ ठ्रोह यहुदी जातिऊ न्वा हेरोदियोन बि गिऊ नमस्कार। नरकिस्सुस ओ टबरातिंङ अंऊ मीहरे प्रभु रिंङ तोतोर, दोतिंङ ला गिऊ नमस्कार। 12त्रूफैना ए त्रूफोसो रिहंङ अंऊ प्रभुरिंङ महसे मेहनत लहज़ातोर। प्यारे पिरसिस रिहंङ अच़ि प्रभु रिंङ महस मेहनत लहरी, दोबि ला गिऊ नमस्कार। 13रूफुस अपि प्रभुज़ि खास कमो थल्जी अंङषी तोह, दंङ दोऊ याहबि, अंऊ गिऊ याहो ठ्रोह तोह, झुल्लाकु तिंङ गिऊ नमस्कार। 14असुंक्रितुस ए फिलगोन ए हिर्मेस, पुत्रबास, हर्मास ए दोरंङ साते ओ विशवासी न्वातिंङ गिऊ नमस्कार। 15फिलुलुगुस ए यूलिया ए नेर्युस ए दोऊ रिहंङ, दंङ उलुम्पास ए दोतु साते भत्ते परमेश्वरो मीहतिंङ गिऊ नमस्कार। 16इदि-अई दिरंङ साते ग्वाक्षा ते नमस्कार लंहि। केतिंङ मसीहू भत्ते विशवासी मंडली बि गिऊ तरफे नमस्कार।
अन्तिम निर्देश
17हेंतेग हे विशवासी न्वारे, गेह केतंङ साते बिनती लहज़ातग, कि केरे दुह मीहतंङ साते खबरदार ए शत्ह बंङज़ेंई, दंङ दू शिक्षा ओ खिलाप तोह, अंऊ केतिंङ खोकसी तोह, दंङ अंऊ ऊई मीहतु विशवास रिंङ कमज़ोर शुहबी ए झगड़ो वहज़ा शुहबी। 18छना कुचे झांह ठ्रोह मीहरे हेंदु प्रभु मसीहू माह शुरे, पर एनोह फायदा ओ थल्जी सेवा लहज़ातोर; दंङ दिरे मीहरे मीठे-मीठे गप्पा लहज़ी सीधे-साधे सेहमो मीहतिंङ बहकाके चरच़ातोर। 19भत्ते ज़ि ञेंहच़ातोर कि केरे अंयों रूठे रंङ प्रभु हुकुमो भाषे लहज़ातंई। झांह लेह गेह केहतु पाहठी सोचेके खुश शवाहतग; पर गेह दि जुंज़ातग कि, केरे भलाई लहज़िमी थल्जी बुद्धिमान, पर बुराई लहज़िमी थल्जी शरीफ बणेंके तोंई। 20परमेश्वर अंऊ शांति ऊ दाता तोह, दू शेतान बि नाश लेह च़रपोतो दंङ दोबि केहतु अधीन लेह च़रपोतो। हेंदु प्रभु यीशु मसीहू मोह्ड़े दाह केहतु टोहकठे शुहवा लोहतो। हेंदु प्रभु यीशु मसीहू मोह्ड़े दाह केहतु टोईच़ी शुहवा लोहतो। 21गेरंङ साते प्रभु सेवा लहज़ा तीमुथियुस ला, दंङ गिऊ ठ्रोह यहुदी जातिऊ मीहरे लूकियुस ए यासोन ए सोसिपत्रूस बि ला कनिंङ नमस्कार। 22गेह, तिरतियुस अंऊ पोलुसो थल्जी दिह डाक चेहच़ातग, घेंङौ नमस्कार चरच़ातग। गेह ला प्रभु इच्च़ा चेला शुगाह। 23गयुस अतंङ साते गेह बंङज़ातग दोई ला केतिंङ नमस्कार कुट्रा। भत्ते विशवासी तु मंडली देर दोतु घरबारंङ दोआतोर। इरास्तुस अंऊ दि शहरो भंडारी तोह दंङ कारतुस हेंदु न्वा ला केतिंङ नमस्कार कुट्रा। 24गेह प्रार्थना लहज़ातग कि, हेंदु प्रभु यीशु मसीहू मोह्ड़े दाह केहतु टोहकठे शुहवा लोहतो। आमीन।
परमेश्वरो स्तुति
25हेंतेग केतिंङ गिऊ रूठे खबर यीशु मसीहू पाहठी तोह, केतिंङ प्रचार लहज़ा विशवास रिंङ पक्का लहज़ा। छना कुचे दि रूठे खबर महस जुग बेहच़ी प्याक्सी तहरेर। 26पर हेंतेग परमेश्वरो हुकुमो हिसाबे परमेश्वरो रूठे खबर भविष्यवक्ता तु कताबो दोरच़ी भत्ते जातिऊ मीहतिंङ कांहषी तोह, कि विशवासा रंङ साते हुकुमो भाषे लहज़ा बणेंके इलांई। 27यीशु मसीहू दोरच़ी दू इच्च़ा ए प्रजापति बुद्धिमान परमेश्वरो महिमा हमेशा-हमेशा शुहवा लोहतो। अमीन।
Lahuali Bible (लाहौली) by The Love Fellowship is licensed under Creative Commons Attribution-ShareAlike 4.0 License.