Kaaroma 7
7
ONTOPORUA 7.
Aakriste itaa pangerua kotshipango tsha Moses.
1Kamu tshi tshi jamuameme, — ote popi ku mboka ja nongera ompango, — nokutja ompango ohahi pangere omuntu manka e nomuenjo?
2Otsho uo omukiintu omuhokanua okua kuatakana mompango manka omurumentu e nomuenjo. Ndere omurumentu nge ta si, okua kuatunuka motshipango tshomurumentu.
3Ot’icanua omuhonderi, nge ta hi komurumentu gurue, manka omurumentu gue e nomuenjo. Ndere omurumentu nge okua si, okua kuatunuka motshipango tshomurumentu, ke shi omuhonderi, nge t’okanua komurumentu gurue.
4Otsho jamuameme, mune uo mua si ompango moru’orutu rua Kristus, ne mu game ku gurue, okutja ku ngoka ngu a jumuka kuusi. Nena ano ss’otua ara tu imikire Karunga iihimati.#7:4 Ompango ha Moses oha sa meso rja Jesus Kristus. Ndere shoka itatshi ti nokutja itatu hi guanica ue, itatu rongo ue iironga iihanaua jompango, aaue, ompango ha si meso rja Jesus Kristus okutja epangero rjompango rjoku tu geera kari neenkondo ue musse, oshoka Jesus Kristus muene oku’umbata egeero ndika peshara rjetu, he te tu pe oshenda ohindji tu sinde uurunde, mbu tau zi mompango.
5Manka sse tua kara po pangama,#7:5 Ngija katua ri moshenda ha Jesus Kristus. omahuru guuru nde go miikuarutu jetu, oga pendurua kompango, ga ninga sse tu imikire eso iihimati.
6Nena ss’otua mangururua kompango heso, ndji he tu kuaterera. Ss’atu karere Karunga mombepo ompe,#7:6 Ss’atu karere Karunga mombepo ompe hohore ng’aana ja Karunga. ha kenongero rjondanda onkuru.#7:6 Ondanda onkuru hompango ndji he tu tirica, ndji he tu farica orundji muurunde.
7Atu ti ngiini ano? Ompango oho uurunde? Nandodiro! Ndere mompango ngaje onda dimburura uurunde. Ngeno okua ompango inahi tja: “Ino aruka,” ando ngaje inandi tshiua okaaru.
8Uurunde ou’oroka moru’ompango, nde ua penduca mungaje uuharu keshe, oshoka otshipango, sho tsha ri katshi po, uurunde ua kara meso.#7:8 Ompango hohene kahi shi uurunde. Ndere ompango ohe tu urukira uurunde nenongero rjauo. Uurunde ou’oroka sho tu’iteera neharo rjetu shoka tsh’indikirua mompango.
9Nare ngaje onda kara kandi nompango. Ndere otshipango sho tshe ja, uurunde ou’oroka.
10Ngaje onda si. Otsho ngaje onda mona nokutja otshipango tsh’eterandje eso, nanto tsha turua po okufara komuenjo.
11Oshoka uurunde mbu ua zi motshipango, ua kotokerandje, nde ua farandje meso morua shi.
12Ano ompango ondjapuki notshipango otshijapuki, otshijuki, tsh’otshaanaua.
13Otshaanaua shika otsha faricandje ano meso? Nandodiro! Uurunde tuu! Uo opo u oroke ng’uurunde ua eterandje eso kotshaanaua, uo u dimburukue muuhinejerera ue moru’otshipango.
14Ss’otu tshi tshi, ompango oho pambepo. Ngaje omuntu guopanjama#7:14 Omuntu ngu ta pangerua kuuharu uuhineji. ndi ri mepangero rjuurunde.
15Kandi tshi tshi naua shoka te rongo.#7:15 Uuharu uuhineji otau ruudike orundji uujerere ueendunge dandje. Kandi ronga uuhanaua mbu nda ara, aaue, ote ningi uuhineji, mbu nda tonda.
16Ndere nge te rongo shoka kandi ara, ngaje ote hiteere nokutja ompango oho ombuanaua.#7:16 Onda ara okuguanica otshaanaua tshompango. Ndere uuharu uuhineji otau ciminikendje okuronga uuhineji okutja uurunde.
17Nena nduno ha ngaje#7:17 Okutja eharo rjetu ehanaua. Omuapostoli ota joorora musse eharo rjetu ehanaua neharo rjetu ehineji, nga taga kondjicacana orundji. te rongo ue, aaue, uurunde mbu hau kara mungaje.
18Oshoka ondi tshi tshi mungaje, nokutja monjama handje kamu nuuhanaua nando oua tsha. Tshiri onda ara uuhanaua, ndere itandi u guanica.#7:18 Uuharu uuhineji ou vure eharo ehanaua meenkondo.
19Kandi ronga uuhanaua mbu nda ara, aaue, andi ningi uuhineji, mbu inandi ara.
20Ndere nge te rongo shoka kandi ara, ha ngaje tii tshi rongo, aaue, uurunde mbu tau pangerendje.
21Ond’ihuvite ano otshipango, nokutja nge nda ara uuhanaua, ngaje ond’endekera kuuhineji.
22Kombinga homuntu guomenimeni, ngaje andi njanjukirua ompango ha Karunga.
23Ndere ond’uvite miikuarutu jandje ompango hirue, ho hi nondumbo nompango hopambepo#7:23 Mompango hopambepo handje omua zi eharo ehanaua. Eharo ehineji rja zi mompango hopanjama, ho hahi tiua uo otshipango tshuurunde. handje, ho ha kuatandje, ndi kare motshipango tshuurunde, shi tshi ri miikuarutu jandje.
24Jaje, ngaje omuntu omuniishuna! Ore ta kurirendje korutu ndu taru farandje meso?#7:24 Paulus it’ipopi he muene, aaue, okeshe omuntu ngu ke na oshenda ha Jesus Kristus.
25Oshenda ha Karunga morua Muene guetu Jesus Kristus.#7:25 Oshenda ha Karunga, oho ike hi neenkondo dokusinda eenkondo duurunde momarutu getu. Okombinga hopambepo ngaje andi karere ompango ha Karunga. Okombinga hopanjama ompango huurunde.
Omission Heklesia Ekatolika, 1951. Namibian Catholic Bishops Conference.