Kaaroma 4
4
ONTOPORUA 4.
Ehiteero rjometestamente ekuru
1Natu tje tshike ano? Tate hetu Abraham okua mona tshee panjama?#4:1 Panjama okutja oneguanico rjiipango jaaisraeli nde oniironga je iihanaua, mbi inaji pamba kehiteero.
2Oshoka Abraham, nge oku’ucirua uujuki moru’iironga je#4:2 Iironga mbi inaji za mehiteero. he ota vuru okuitanga muene, kotshipara tsha Karunga, aaue.
3Oramata otahi ti ngiini ano?: “Abraham oku’iteera Karunga. Rjo rje mu jarurirua uujuki.”#4:3 (1 Moses 15:6)
4Ngu ta rongo iironga, ota peua ondjambi hi cike piironga je, ha moru’esiroshenda.
5Ndere ngu ke niironga, nde a hiteera ngoka t’ucire aarunde uujuki, ehiteero rje otari mu jarurirua uujuki, keharo rjesiroshenda rja Karunga.
6Otsho David t’amberere omuntu omunerago, ngu t’ucua ku Karunga omujuki, nanto ke niironga:
7“Aanerago mboka ja diminua po omajonaguro gauo, ja siikirirua eendjo dauo.”#4:7 (Ps 31:1)
8Omunerago omuntu, Muene ine mu jarurira ondjo he.
9Ehamberero ndika orja tsa ike pu mba ja fukarekua, nenge orja tsa uo pu mba inaa fukarekua? Ss’atu ti: “Abraham okua jarurirua ehiteero rje uujuki.”
10Rjo orje mu jarurirua unake? Sho a fukarekua, nenge ongija ina fukarekua? Sho a fukarekua, aaue, ongija ina fukarekua.
11Efukareko okue ri peua ng’edidiriko rjuujuki mbu a ri e na moru’ehiteero ngija ina fukarekua, opo a ninge she haahiteeri ajeshe, mba inaa fukarekua, rjo ri ja jarurirue uo uujuki.#4:11 Efukareko rjonjama itari gandja uujuki, aaue, ehiteero rjomutima.
12He a ninge uo she haafukarekua, ha mboka ike je nefukareko#4:12 Okutja efukareko rjonjama. aaue, ha mboka uo haa hende meempadi dehiteero ndjoka tate Abraham a ri e na ngija ina fukarekua.#4:12 Abraham a ninga she haahiteeri ajeshe, haajuda aahiteeri, mba je nefukareko rjonjama, he she uo haapagani aahiteeri.
13Ha moru’ompango Abraham noruvaro rue a peua omarobuerero nokutja ota ningi omucigururi guevi, aaue, omoru’uujuki mbu ua zi mehiteero.
14Ngeno okua mboka jomompango ja ningire aacigururi, ando ehiteero kari notshironga, nomarombuerero oga tshunicua.
15Oshoka ompango oha tukura egeero. Mpo kapu nompango, kapu na uo nodino haho.#4:15 Ompango ndji kahi nehiteero. Odino hompango ndji itahi dimi omarombuerero ga Karunga, oshoka omarombuerero ga Karunga oga za mehiteero.
16Ano omoru’ehiteero, nokutja okesiroshenda. Otsho omarombuerero oga tsa poruvaro arushe, ha mboka ike jomompango,#4:16 Aajuda, mba je nehiteero. aaue, ha mboka uo jomehiteero rja Abraham, h’otate hetu atushe.
17Ngashi tsha tshangua: “Onde ku tura po she hiiguana ojindji,”#4:17 (1 Moses 17) oshoka oku’iteera Karunga, ngu ta jumuda aasi, nde t’icana shoka katshi po, opo tshi kare po.
18Nanto kapua ri ue etegerero, he okua tega h’a hiteera, nokutja ta ningi she hiiguana ojindji, oshoka okua rombuerua: “Oruvaro ruohe otaru ningi ru cike pu do.”#4:18 Ru cike peenjoci dokeguru.#4:18 (1 Moses 15)
19Ina nengena mehiteero rje, nanto a dimburura nokutja orutu rue rua kuka, — okua ri a ninga konjara eemvo ecere, — otsho a tshiua nokutja otshivarero tsha Sara otsha kuka.
20Ina rimbirirua komarombuerero ga Karunga nokukara ke nehiteero, aaue, okua koro mehiteero rje, nde ta pe Karunga esimano.
21Okua ri e tshi tshiririre naua nokutja shoka a rombuerere, ota vuru uo oku tshi guanica.
22Rjo rje mu jarurirua uujuki.
23Ndere ha morue ike kua tshangua: “Rjo rje mu jarurirua uujuki.”
24Aaue, no moruetueni uo, oshoka orje tu jarurirua uo uujuki, nge tu’iteera nguka a jumuda kuusi Jesus Kristus Muene guetu.
25Ngu a gandjua moru’eendjo detu, nde a jumuka kehuco rjuujuki uetu.
Omission Heklesia Ekatolika, 1951. Namibian Catholic Bishops Conference.