रोमियां 3
3
नरीकारा चे वायदे ते यहूदी
1बल्ति यहूदी हुवणे ची का बढ़ाई, जा खतने चा का फायदा? 2हर-हेक नजरीये लारे ब़ोहत कोच्छ। सबकनु पेहले तां नरीकारा चा वचन यहूदिया नु सोंपला गेला हुता। 3अगर कोच्छ वांचे महु विश्वासयोग ना निकड़ले तां का हुले? का वांचे विश्वासयोग ना हुवणे लारे नरीकारा ची विश्वासयोगता खत्तम हुती जई? कङी वी ना। 4बल्कि नरीकार सच्चा छै ते हर-हेक बन्दे कूड़े छै, जिसड़े कि पवित्रशास्त्रा मां लिखले पले कि,
“जाये कनु तु आपणीया बाता मां धर्मी ठहरी,
ते न्यां बेले तु जय पावे।”
5ऐवास्ते अगर अम्चा अधर्म नरीकारा ची धार्मिकता ठहराती ङिये, ते अम्ही का किहुं? का ईं कि नरीकार जको क्रोध करे अन्यायी छै? ईं तां मैं इन्साना चे नजरीये लारे किहे पला। 6कङी वी ना! ना तां नरीकार किवें संसारा चा न्यां करी?
7कुई इसड़े वी केह सग़े, “अगर माये कूड़ा ची वजह नरीकारा ची सच्चाई ओची महिमा वास्ते ज्यादा करती कर प्रकट हुली, तां बल्ति कां पापीया आलीकर मैं ङण्ड चे लायक ठहराला जाये?” 8तां अम्ही कां बुराई ना करु, कि भलाई निकलो? जिसड़ा कि अम्चे उपर हाओ दोष लाला वी जाये, ते कोच्छ किही कि ओचे ईं केहणे छै। पर इसड़ा नु दोषी ठहराणे ठीक छै।
कुई वी धर्मी कोनी
9ते बल्ति का हुले? का अम्ही वांचे कनु आच्छे छिऊं? कङी वी ना, कांकि अम्ही यहूदिया ते यूनानिया उपर ईं बावड़ती चुकले कि वे सारे चे सारे पाप चे वशा मां छी। 10जिसड़े कि पवित्रशास्त्रा मां लिखले पले,
“कुई धर्मी कोनी, हेक वी कोनी।
11कुई वी समझदार कोनी,
कुई वी नरीकारा नु सोधणे आले कोनी।
12सारे चे सारे भटकती गेले,
सारे चे सारे निक्कमे बणती गेले,
कुई वी भलाई करने आला कोनी
हेक वी कोनी।”
13“वांचे मुँह खुड़ली आली कब्र छै,
वाणे आपणीया जुबाना लारे छल करला।”
“वांचे होठा उपर नाग़ा चा जहर छै।”
14“ते वांचे मुँह श्राप ते कड़वाहट लारे भरीले पले।”
15“वांचे पग़्ग़ हरदम लुहीं बाहवणे वास्ते उतावले रिही।
16वे जिठे वी जई नाश ते क्लेश आणी।
17वानु शान्ति चे मार्ग़ चा पता कोनी।”
18“वांचीया आंखीया चे सामणे नरीकारा चा ङर कोनी।”
19अम्ही जाणु कि व्यवस्था जको कोच्छ किहे, वा वानु ही किहे जको व्यवस्था चे अधीन छी। ताकि हर-हेक चे मुँह बन्द करले जाओ, ते सारा संसार नरीकारा चे ङण्ड चे लायक ठहरो। 20#गला 2:16व्यवस्था चे कामा लारे कुई वी इन्सान नरीकारा चे सामणे धर्मी ना ठहरी, कांकि सेर्फ व्यवस्था चे जरिये पापा ची पिछाण हुवे।
विश्वास चे जरिये धार्मिकता
21पर हमा बिना व्यवस्था, नरीकारा ची धार्मिकता उजागर हुली, जाई ग़वाही व्यवस्था ते भविष्यवक्ता ङी, 22#गला 2:16यानिकि नरीकारा ची वा धार्मिकता जको वां सब वास्ते छै, जको मसीह ईशु उपर विश्वास करी, वां सब विश्वास करने आला वास्ते बिना कुई भेद-भाव लारे छै। 23कांकि सब ने पाप करला ते नरीकारा ची महिमा कनु दूर हुती गेले, 24पर ओचे अनुग्रह लारे, ओ छुटकारे चे जरिये जको मसीह ईशु मां छै, सेंत मेंत धर्मी ठहराले जई। 25नरीकारा ने ईशु मसीह नु, ओचे मां विश्वास चे जरिये पापा कनु छुटाकारा ङिवाणे वास्ते लौका नु ङिला। ओणे ईं काम ईशु मसीह चे बलिदान चे रुप मां करले। इसड़े ईं पक्के करने वास्ते करले गेले कि नरीकार सहनशील छै। कांकि ओणे पेहले लौका नु वांचे पापा चा ङण्ड भुग़तणे बिना छोड़ती ङिले हुते। 26बल्कि ऐ समय ओची धार्मिकता प्रकट हो, कि जाये मां ओ आप ही धर्मी ठहरो, ते जको ईशु उपर विश्वास करे, ओचा वी धर्मी ठहराणे आला हो।
27तां घमण्ड करने किठे रेहले? ओची तां जग़हा ही कोनी। किसी व्यवस्था ची वजह लारे? का कर्मा ची व्यवस्था लारे? ना, बल्कि विश्वास ची व्यवस्था चे वजह। 28ऐवास्ते अम्ही ये नतीजे उपर पुज़ु पले कि, बन्दे व्यवस्था चे कामा लारे ना, पर विश्वास लारे धर्मी ठहरे। 29का नरीकार सेर्फ यहूदिया चा ही छै? का नेरीया जातिया चा कोनी? हव्वे, नेरीया जातिया चा वी छै। 30#गला 3:20कांकि हेक ही नरीकार छै, जको खतना आला नु विश्वास लारे ते खतनारहित नु वी विश्वास चे जरिये धर्मी ठहरावी। 31तां का अम्ही व्यवस्था नु विश्वास चे जरिये बेकार ठहराऊ? कङी वी ना। पर व्यवस्था नु पक्के करु वी।
CC BY-NC-ND 4.0