Matthïeu 7
7
1 #
Wo 14:10,13 “Pa jije pou nou menm pa vin jije. 2Paske menm jan ke nou jije a, nou menm tou, nou va vin jije; #Mc 4:24pa menm mezi ke nou sèvi a, yo va mezire bay nou. 3E poukisa nou #Wo 2:1gade ti kras poud ki nan zye frè nou an, men nou pa wè gwo bout bwa ki nan zye pa nou an? 4#Luc 6:42O kijan nou kapab di frè nou an: ‘Kite m retire ti kras sa a ki nan zye ou a’, epi gade, gwo bout bwa nan zye w? 5Ipokrit! Premyeman, retire gwo bout bwa nan zye ou a, e konsa w ap kapab wè byen klè pou retire ti kras ki nan zye frè ou a.
6 #
Mat 15:26
“Pa bay sa ki sen a chen yo; ni pa jete pèl nou yo devan kochon yo, sinon yo va foule yo anba pye epi vire pou chire nou an mòso.
7 #
Luc 11:9-13
“Mande, e nou va resevwa. Chache, e nou va twouve. Frape nan pòt la, e l ap louvri. 8Paske tout moun ki mande ap resevwa. E sila ki chèche yo va twouve. E a sila ki frape yo, pòt la va louvri. 9O ki moun pami nou lè Pitit li mande yon moso pen, l ap bay li yon wòch? 10O si li mande yon pwason, èske l ap bay li yon koulèv? 11Si nou menm ki mechan, konnen kijan pou bay bon kado a pitit nou yo, #Sòm 84:11konbyen anplis, Papa nou ki nan syèl la ap bay sa ki bon a sila ki mande Li yo. 12#Luc 6:31Pou sa, menm jan ke nou vle moun aji avèk nou, fè yo menm bagay la, paske #Mat 22:40sa se Lalwa, ak Pwofèt yo.
13 #
Luc 13:24
“Antre pa pòt etwat la; paske pòt laj la, e chemen byen gwo ki mennen nan destriksyon an. Gen anpil moun k ap antre pa li menm. 14Paske pòt etwat la, e chemen piti ki mennen a lavi a. Ni pa gen anpil moun k ap twouve l.
15 “Veye nou ak #Mat 24:11,24fo pwofèt yo, ki vin kote nou ak vètman brebi; men anndan se lou visye yo ye. 16Nou ap #Mat 7:20konnen yo pa fwi yo. Rezen pa janm soti nan raje pikan, ni fig frans nan move zèb. 17Menm jan an, #Mat 12:33,35chak bon ab ap bay bon fwi, men yon move ab ap bay move fwi. 18Yon bon ab p ap kapab bay move fwi, ni yon move ab p ap pwodwi bon fwi. 19#Mat 3:10Chak ab ki pa bay bon fwi ap koupe jete nan lanfè. 20Konsa, nou ap konnen yo #Mat 7:16pa fwi yo.
21 #
Luc 6:46
“Se pa tout moun ki rele ‘Senyè, Senyè’ k ap antre nan wayòm syèl la, men sila yo ki fè volonte a Papa M ki nan syèl la. 22#Mat 25:11Anpil ap di Mwen nan jou sa: ‘Senyè, Senyè, èske nou pa t pwofetize nan non Ou? Èske nan non Ou, nou pa t chase move lespri yo e nan non Ou, nou pa t fè anpil mirak?’ 23Konsa, nan moman sa a, M ap deklare: #Sòm 6:8‘Mwen pa t janm konnen nou. Kite Mwen, nou tout ki pratike lenjistis.’
24 “Pou sa, #
Mat 16:18
tout moun ki tande pawòl sa yo ke Mwen bay yo, e ki aji sou yo, y ap tankou yon nonm saj ki bati kay li sou wòch. 25Lapli te tonbe, inondasyon te vini, van te soufle e te frape kont kay la, men li pa t tonbe paske fondasyon li te sou wòch. 26Tout moun ki tande pawòl sa yo ke Mwen pale yo, e ki pa aji sou yo, y ap tankou yon moun sòt. Li te bati kay li sou sab. 27Lapli te tonbe, inondasyon te vini, van te soufle e te frape kont kay la. Li te tonbe, e tonbe sa a te byen gwo.”
28Lè Jésus te fin pale mo sa yo, #Mat 13:54foul la te byen etone pou jan Li te enstwi yo a. 29Paske Li te enstwi yo tankou yon moun avèk otorite, e pa tankou skrib yo.
اکنون انتخاب شده:
Matthïeu 7: BSA
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Copyright © 2017-2023 Ron Smith