रोमियो 2
2
बोगवानान न्याय
1हे दोष लागाडणार, तू कूण काहा नाह रेत, तू निरूतर हि; काहाकाय कि जी वातू तू दिहीरा पोर दोष लागाडणेति वातिमय तू स्वताह भी दोषी ठरिनील हि, जानकेरता कि तू जो दोष लागाडणे स्वता ती काम करने. 2आमूह मालूम हि ओहला ओहला काम केरनारापूर बोगवाना फायरीन खेरला दण्डान आज्ञा एने. 3हे माणहा, तू जो ओहला-ओहला काम केरनारापूर दोष लागाडणे एने तूच ता काम करने; तू काय सोमजीह कि तू बोगवानान दण्डान आज्ञा से वोच जाही? 4काय तू तान कृपा, एने तान सहनशीलता, धीरपणाह तुच्छ जाणीह? काय ज्यो समजात का कि बोगवानान कृपा तुवाह मोन बोदलणेन हिकाडीह? 5पुण तू आपणो कठोरपणाने एने हटीला मोनान कारण ता रागान दिहान केरता, ज्यामाय बोगवानान खेरो न्याय प्रगट एय, आपणे केरता राग कामाविह हि. 6तो आखाह ज्यान तान कामानबद्द्ल फोल आपी: 7जो सुकर्मामाय स्थिर रेयीन, महिमा, एने आदराने, अमरता होदमाय हेते, तो ताहा अनंत जीवन आपी; 8पुण जो वाद केरणार हेते एने सत्याह मानते नाहं, पुण अधर्म मानतेह, तापोर राग एने कोप आव पोळी. 9एने क्लेश एने संकट प्रत्येक माणुह जीव जो वाईट करने तापोर आवी, पेल यहूद्यावर ओवतो यूनानी पोर; 10पुण महिमा एने सन्मान एने केल्यान आखाह जुडी, जो पुण हाजो करने पेल्ला यहूदी ओवतो यूनानी पोर, 11काहाकाय बोगवान कुणाचने पक्षपात केरतीन नाहं.
12जानकेरता तान केरता व्यवस्था नाहं पुण पाप किरील, ते बिना व्यवस्था नाह पुण हेते; तान केरता व्यवस्था पोडीन पाप किरील, तानकेरीन दण्ड नियमामाय नुसार एय; 13काहाकाय कि बोगवानान व्यवस्था नुसार होमलणारे धर्मी नाहं, पुण शास्त्रा नुसार चालणारे खेरो ठेरायेल जातीमाय. 14ओवतो ताहेरया दिहरी जातीनी माणहे ज्यानस उगे व्यवस्था नाहं, पुण स्वभावमाय शास्त्रान वातू नुसार चालणु तर व्यवस्था ताहेऱ्यो नाह एता, पुण ते आपणे केरता खुदेन व्यवस्था हि. 15ते व्यवस्था वातू आपणो आपणो हृदयामाय लिखील देखाडतलू एने तान विवेक बुद्धी पुण गवाही आपती, एने तान चिंता परस्पर दोष लागाळ नाहं तर निर्दोष ठराविलु. 16ज्या एक दिह बोगवान मारो सुवार्तान अनुसार यीशु मसीहान द्वारे माणहान लिकाडील वातुहू न्याय केरूह ता एक दिह हे देखाईल आवी.
यहूदी एने व्यवस्था
17जर तू यहूदी केवडाविह, एने व्यवस्था पोर विश्वास मेलीह, एने बोगवानान विषयाम घमंड मेलीह. 18एने तान ईच्छा जाणीह एने व्यवस्थाची शिक्षा मेलावीन हाजो हाजो वातुहू माणने; 19एने आपणेपूर विश्वास मेलीकि मी आंधला वाटाडी, एने आंधाराम पोडजानारा प्रकाश, 20एने ज्ञानाना हिकाडनारो, एने आतल्या गुरु हि एने ज्ञान एने सत्यान नमुना जे व्यवस्था हि, माहु जुडील हि. 21सेवट; काय तू दिहीरा हिकाडणे; स्वताह हिकाडी नाहं काय? काय तू चोरी नाहं केरणेन हिकाडील? एने खुदेन चोरी करने? 22तू ज्यो किथे, “व्यभिचार केरूह मां” काय तू भी व्यभिचार केर्ने? तू जो मूर्ती से विटालू केर्ने, काय खुद मंदिराह लुटणे? 23तू जे व्यवस्था माय खत करने, काय व्यवस्था माय नाहं मानीन बोगवानान अपमान करने? 24“काहाकाय तुमरे कारण दिहरी जातीम बोगवानान नावान निंदा एय जाणे” जीही लिखील पुण हि.
25केध्दीह तू व्यवस्था नुसार चालूह तर सुंतेने लाभ रेंय, पुण केध्दीह तू व्यवस्था माय मानणनये नाहं तर तारी खतना बिना सोतान दशा ठेरणू. 26जानकेरता केध्दीह सुनते रीथीह माहाजाती व्यवस्थाची दिहरो जाणाह मानत, जातीमाय तर तान काय बिना खतनान दशा सुंतेच्या बरोबर नाहं तोली जाहू. 27एने जो माणुह शारीरिक रुपान बिना खतनान रेंय. केध्दीह हे व्यवस्था माय पुरो केरहेतू, काय तुवाह जो लेख जुडील एने खतना किरीत, तेभी पुण व्यवस्था पालाण नाहं दोषी ठेरणार नाहं? 28कारण यहूदी तो नाहं जो प्रगटात यहूदी हि; एने नाहं ते खतना हि जे प्रगटात हि एने शरीराम हि. 29पुण तू यहूदी तो हि, जो हृदयाम एने आत्मा माय हि, नाहं कि तोच खतना हि, लिखील इही कि: वाहवा माणहा उगेरीन नाहं पुण बोगवाना फायरीन एने जुवी.
Nahali (नाहाली) Bible by The Love Fellowship is licensed under Creative Commons Attribution-ShareAlike 4.0 License.