Romans 2
2
De hagamodu heohi a de Maadua
1Deenei ai, koe, tangada e hagabaubau ina laa tangada ange laa, koe e deai donu soo heohi e hagabaubau ai dahi dangada. Koe e hagaduasala naa donu i dau hagabaubau dahi dangada, aagai koe e haisala hogi i mee nei.#Mat 7.1; Luke 6.37 2Gai gidaadeu e iloo bolo de hagamodu a de Maadua e heohi, gai ia e hagaduasala naa donu gilaadeu e haia mee nei. 3Gai koe, tangada e hagabaubau ina gilaadeu e haia hegau bee nei, aagai koe e hai donu hogi mee nei, koe e maanadu naa bolo koe e maua gi ola mai i de hagaduasala a de Maadua? 4Aabe koe e hagangadi mee naa donu de abodonu laumalie o de Maadua, ma tee moolau ono lodo aama de golomagi ono lodo? Koe e dee iloo laa donu bolo go de abodonu o de Maadua e haia ga maua gi dahuli oo lodo?
5Aagai de makaga o oo lodo ma tee dahuli oo lodo, ne hai gi laumalie de lili e hagadabena adu gi de goe i de laangi o de bole, go de masavaa a de Maadua e hagasula mai ai dana hagamodu heohi. 6Gai ia e hagamodu naa muna o dahi ma dahi gi bei dagodo o ana hegau:#Psa 62.12; Pro 24.12 7gilaadeu ne duudagi de hai mee danuaa gi maua ai e gilaadeu de tuhi, ma de hagadubu, aama de angaanga e dee magau laa, gai ia ga gaavange ai gi gilaadeu de mouli e dee ngado mai. 8Aagai gilaadeu e dee anga ange gi dangada, ma tee hagallongo ange gi de mee abodonu, gai e hagallongo ange gi de mee dee heohi, e tuu ange donu gi de bole ma de lili ⌊o de Maadua⌋. 9Gai e dae mai naa de hagaduasala ma de hai ngadaa gi dangada alodahi e haia de baubau, ange gi de gau Ssuu i mua aama ange hogi gi denga Gentile, 10gai gilaadeu alodahi e haia tanuaa e kave naa de mahamaha, ma de hagadubu, aama de baba, ange gi de gau Ssuu i mua aama ange hogi gi denga Gentile. 11Go hiidinga de Maadua e dee vae dangada.#Deut 10.17
12Dangada alodahi gu haisala gai tee iloo e gilaadeu de hainga e maakau naa hogi, e dee galemu delaadeu dee iloo de hainga; gai dangada alodahi ne haisala gai e iloo e gilaadeu de hainga e hagamodu naa hogi olaadeu muna i de hainga. 13Gai e dee go gilaadeu e iloo laa de hainga e heohi i mada luu mada o de Maadua, aagai go gilaadeu e daudali i de hainga e hagaheohi ai. 14(De masavaa naa huu o denga Gentile, go gilaadeu e dee iloo laa de hainga a Moses, e daudali ai i mee gu sisi i de hainga, gai de hainga laa gu se mee ange donu hogi gi gilaadeu, e dee galemu donu delaadeu de iloo de hainga. 15Gai gilaadeu e hagaago mai bolo de hainga gu sisi donu i olaadeu lodo, gai tagi o olaadeu lodo e tala hagadonu hogi mee nei, gai alaadeu maanadu e hagabaubau aabe e hagaheohi gilaadeu,) 16De mee nei e hai naa donu, i de laangi a de Maadua e hagamodu ai maanadu e dee iloo laa, i daho Klisdo Iesu, bei de hai gu tala ai i de longo danuaa oogu e agoago ai nei.
De gau Ssuu ma de hainga
17Aagai noo koe e hagadaba bolo koe se dangada Ssuu e lango ange gi de hainga, ma de tala hagasoenga bolo koe se dangada niio de Maadua, 18gai koe e iloo ono mee e lodo ai ma de buni ange gi de mee e heohi, i hiidinga koe gu agoago i de hainga; 19gai noo koe gu iloo abodonu bolo koe se dangada e dagina gilaadeu e dee kide, gai se dangada e hagamaalama ina gilaadeu e nnoho i lo te gohu, 20gai se dangada e hagaheohi ina ange gilaadeu e llodo ssenga ma de agoago ange denga gauligi, go hiidinga koe gu iloo de hainga alodahi ma de muna abodonu — 21gai koe tangada e agoagona ange dangada, gu aha goe gu dee agoago iho ai naa donu huu goe? Koe e agoago ange dangada gi dee gaiaa, aagai koe e gaiaa? 22Koe e hagadaba, “Aude dagodo haisala,” aagai koe e dagodo haisala? Koe e kino i denga diinonga, aagai koe e gaiaa mee i lodo hale daumaha? 23Koe tangada e duuhia laa donu huu goe i dau iloo de hainga, koe e dee hagangadi mee laa de Maadua i dau oha de hainga? 24Gai gu sisi e hai ange, “De ingoo o de Maadua gu hagangadi mee ina i daho denga Gentile i oodou hiidinga.” #Isa 52.5
25De tuu dagaholiage e hanu donu ono haigamaiana noo koe e daudali i de hainga; aagai noo koe e oha de hainga, gai doo tuu dagaholiage gu bei donu tee tuu dagaholiage. 26Deelaa ai, noo tangada tigi tuu dagaholiage e daudali i muna o de hainga, gai e dee dau ai naa dono dee tuu dagaholiage laa gi se tuu dagaholiage? 27Gilaadeu e dee tuu dagaholiage laa gai e daudali i de hainga e hagabaubau naa de gau Ssuu ne gaavee laa de hainga gu sisi ma de tuu dagaholiage aagai e oha de hainga.
28Gai tangada Ssuu abodonu e dee se Ssuu donu huu i de baasi gi de angaanga, gai de tuu dagaholiage abodonu e dee se mee donu huu e hai laa daha o de angaanga. 29Aagai tangada Ssuu abodonu se mee mai i de lodo, gai de tuu dagaholiage abodonu se mee e hai i de lodo o tangada, i ssauaa o de Hagasaalunga ⌊Dabu⌋, e dee go hiidinga o de hainga gu sisi laa. Gai dono tuhi e dee se mee mai i daho dangada, aagai mai i daho de Maadua.#Deut 30.6
اکنون انتخاب شده:
Romans 2: DBD
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2022, Wycliffe Bible Translators, Inc. All rights reserved.