Acts 24
24
Paul i mada i mua o Felix
1Dua e lima laangi, gai tangada haimeedabu maolunga go Ananias ma hanu dagi, aama dahi daane e donu ange gi de hainga, dono ingoo go Tertullus, gu loomai i Caesarea. Gai gilaadeu ne tala ange gi de goobenaa alaadeu mee e hagabaubau ai a Paul. 2Gai de masavaa huu ne hagahi ai a Paul gi humai, gai Tertullus ga daamada de hagabaubau ange ia gi Felix, ga hai ange, “De goobenaa maolunga go Felix, gimaadeu gu nnoho paba i dahi masavaa daulooloa, i doo masavaa ne dagi ai nei, gai dau hagatau gu hagadanuaa honga de huaahenua nei. 3Gimaadeu gu malangilangi i mee alodahi ma mommee alodahi, ma de hagaahe adu de abodonu gi de goe. 4Aagai au e dee lodo e hakoso goe i dahi masavaa daulooloa, gai au e dangidangi adu koe gi dee haihaia hagalaangona amaadeu muna.
5Gimaadeu ne iloo bolo taane nei se daane e hagahai ngadaa ina dangada, gai se daane e haia gi hellumi de gau Ssuu i henua i lalo alodahi. Ia se dagi hogi niio dangada e hagabinga laa bolo go de hagabuulinga hai daumaha o de gau Nazareth. 6Ia ne hagatale donu hogi de hai gi dee dabu de temple, deelaa ai, gimaadeu ne poo ia. [Gimaadeu ne hagatale de hagamodu ono muna i amaadeu hainga. 7Aagai tagi o denga daane hebagi go Lysias ne humai ga hai gi de mahi ia, ga kave gee mai i omaadeu daha, 8ga hai mai gi gimaadeu e hagabaubau ina ia, gi loomai gi oo daha.]#24.8 Muna e nnoa nei e dee daakodo i lodo hanu beebaa Greek ange laa. Mee nei alodahi e odi naa donu i dau iloo, i dau masavaa e ssili gi iloo de muna abodonu, i mee alodahi amaadeu e hagabaubau ai ia.”
9Gai de gau Ssuu alodahi ne buni ange hogi gi ana muna, ga hagataba bolo muna alodahi a taane laa ne tala ni muna abodonu.
Paul e tala dono heohi i mada i mua o Felix
10De masavaa a de goobenaa ne dugu ange ai a Paul gi daalaa ana muna, gai a Paul ga basa ange ga hai ange, “Go hiidinga au e iloo bolo gu lagolago ngadau aau ne dagi ai de huaahenua nei, deenei ai, au e malangilangi donu i de tala adu dagodo o dogu heohi. 11Gai koe e maua donu i de hai gi too donu, bolo tigi kii ange i de madaangahulu ma lua laangi, i dua dogu hano ga daumaha i Jerusalem. 12Gai de gau nei tee gidee bolo au ne hagadaumee ange gi dahi dangada i de temple, be ne hai ga hellumi dangada soa i lodo synagogue, aabe go hanu mommee i lo te aduhale. 13Aagai ogu hagadaumee e dee maua hogi i de hai gi too donu mee alaadeu e hagabaubau adu ai nei au gi de goe. 14Aagai au e tala adu gi de goe, bolo au e daudali i de Haiava, alaadeu e hagaingoo ange laa bolo se hagabuulinga daumaha gee, au e daumaha ange gi de Maadua o omaadeu dubuna madagidagi. Gai au e hagadonusia mee alodahi gu sisi i de hainga aama daho denga pelaabisi, 15gai au e tali hagalodolodo ange gi de Maadua bei olaadeu dagodo, bolo e dahi donu mouli age olaadeu e heohi aama gilaadeu e dee heohi. 16Deenei ai, au e hagaduu ngae e hai gi heohi tagi i ogu lodo ange gi de Maadua aama ange gi dangada.
17Dua hanu ngadau, gai au ne ahe mai gi Jerusalem e gaamai hanu mee ngadi gaavange aama ssigidaumaha gi dogu huaahenua.#Acts 21.17-28 18Gai de masavaa aagu e hai ai mee nei, aagai ogu hagadaumee ne gidee au i dua de lava dogu hagagilimalali i de temple, gai e deai hogi dangada soa i ogu daha aabe se hellumi e hai. Aagai e hanu hogi dangada Ssuu mai i Asia i kilaa, 19go gilaadeu donu e heohi de tuu i oo mada i mua gi hagabaubau ina ai au, noo e hanu alaadeu mee e hagabaubau adu ai au. 20Aabe koe e dugu ange denga daane nei gi daalaa adu, be se haisala aha alaadeu ne gide i ogu daha i de masavaa oogu ne duu ai i mada i mua o de hagabuulinga hagasaele, 21aagai de mee donu huu oogu ne hagabaubau ai, go dogu duu ga hagaleo laumalie i olaadeu magavaa ga hai ange, ‘Go hiidinga o de mouli age oodou gu hagamodu ai nei ogu muna.’ ” #Acts 23.6
22Aagai Felix se daane e iloo danuaa e ia dagodo o de Haiava, ga hagalava de hagabuni laa, ga hai ange, “Au e hagamodu naa oo dagodo i de masavaa o tagi o de hebagi go Lysias e dae mai ai.” 23Gai Felix ne hai tagi o de lau gi gaavee a Paul gi hagaloosia ange, gai gi dugua ia gi ilaage, ma de dugu ange ono soa gi balea ange ia i mee oona e duasala ai.
Paul i mada i mua o Felix ma Drusilla
24Dua hanu laangi gai Felix ma dono bodu go Drusilla, ia se hine Ssuu, gu tae mai gi kilaa. Gai Felix ga aalu ga gaamai a Paul gi daalaa dagodo o de gai ange gi Klisdo Iesu. 25Gai de masavaa a Paul e basa ange ai i dagodo o de heohi, ma de golomagi lodo, aama de hagaduasala gu dai dae mai laa, gai Felix gu madagu, ga hai ange, “Gu lava au muna e tala, hannoo, gai au ga ssala adu ange ai goe noo gu dahi ange ogu masavaa.” 26Gai Felix ne tali hagalodolodo bolo a Paul e hagao ange naa ia hanu sseene hagasenga. Deelaa ai, tee modu donu dana aalu a Paul gi humai e madaangudu gilaau.
27Aagai dua huu e lua ngadau, gai Porcius Festus gu kave tuulanga o Felix. Gai go hiidinga Felix ne lodo e hai gi malangilangi de gau Ssuu, deelaa ai, ia ne dugu donu huu a Paul i lo te hale pono.
اکنون انتخاب شده:
Acts 24: DBD
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2022, Wycliffe Bible Translators, Inc. All rights reserved.