Mt 3
3
Yôanes Babtist
(Mk 1:2-6; Lk 3:1-6; Yo 1:19-23)
1Melu mete, Yôanes Babtist a nga lôt, a kele a yôtan afan-afan, e si ya Yudé 2a jô'ô na: Kôñela'ane minlem amu éjôé ya yôp é ntoo bebé. 3Nye a ne môte Nkulu Mejô Ezayi a nga jôô nye na: Tyiñe ñyôtan afan-afan ja jô na: Kômane zene Nti, sô'ane mezene mé *zôsôô ne tiññ. 4Yôanes émien a mbe a be'e éyé é too ntiñan a mimvot mi kamel, kandé ékôp é tii nye angeteñ; bidi bié bi mbe bitandak a wôé ya mefan. 5Eyoñe te Yérusalém a mbe a kele be nye a Yudé ase a afôla si ese ya Yordan, 6be memek minsem miap a duban e mo mé e mendim m'ôsôé Yordan.
Kôñela'ane minlem!
(Lk 3:7-9)
7Ayene a nga yene befarizieñ a besadusieñ abui be za'ak e nduane bôte wé, a nga jô be na: A Mvoñe mekpwele nyô! Za a nga ye'ele mia na mi tub ayaa da zu' 8Wumane ñhe ébuma ja yiane *nkôñelane nlem, 9a te mia bo zezé énguñ e be mia bebiene na: Abraham a ne ésaa wongan! Amu ma kate mia bebela na, Zambe a ne soo Abraham *bon e meko'o ma. 10Amu ôvôn ô mbôô tine bilé a élé ése ja ye bo te wume bibuma bi ne mvaé, ba ye ba'é je a wua je e nduan.
Mbaptizô mendim a wu nduan
(Mk 1:9-11; Lk 3:21-22; Yo 1:29-34)
11Ma ma du mia e mendim asu nkôñelane minlem, ve nyô a zu ma mvus a ne ngul a dañe ma: me nji bo nyô a yiane vaa nye besilefas; nye a ye du mia e Mfufube Nsisim été a e nduan été. 12Esobelé ja se'ese biôm é ne nye wo, a ye bale afôla si dé a kôane nlisi angun; ve a ye di'i bikumba e nduan é ne te dim été.
13Ane Yésus a nga so Galilé na a ke Yordan e be Yôanes na a du nye. 14Nde Yôanes a nga tyi'i nye ôsu a jô nye na: Ke ma ma yiane duban e be wo, ye wo wo viane zu be ma' 15Ane Yésus a nga yalan a jô nye na: Tame jô'é éyoñe ji, amu avale di nde da yian asu dangan na *zôsôô ase a jaléban. Eyoñe te a nga jô'é nye. 16Nné ane Yésus a nga mane duban, a nga kôlô mendim été été a dañ e kindik, ateme na yôp e nga yombô asu dé a Nsisime Zambe ô nga sise be nye ane zum; 17ateme fe na *tyiñ é nga so yôp é jô'ô na: Nyôna a ne mone wom ma dañe nye'e me bili mevak e be nye.
اکنون انتخاب شده:
Mt 3: BDCB
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Bible en langue Bulu © L'Alliance Biblique du Cameroun, 2007, 2015.