Ester 7
7
Phqilun ka Haman
1Madis Haman mosa uqan mqaras Ester mqedil qbsuran paru ka qbsuran paru. 2Tg2 ali uqan mqaras mimah sino ciida, rmengo Ester ka qbsuran paru: “Ester mqedil qbsuran paru! Maanu ka pgsaun su, bege mu sunan. Ani maanu ka pnesa su, ani dmeka qlhangan we bege mu sunan uri.” 3Cmiyuk ka Ester mqedil qbsuran paru: “Qbsuran paru! Nasi saku srwaun ma, malu mesa su we cyuki ku hiya ka pnesa mu, kiya we knuudus mu we pbrnahi ku hiya. Pnesa mu, kiya ka mesa ku dseediq mu. 4Ado wada sbege ka yaku ma klegan seediq mu. Mpkuuka, pphqilun ma pqhdeun. Nasi wada sbaruy mtnqliyan rseno ma mqedil ka yami we mpgmelux ku. Kiya de we, pntnaun ta wada sliqan qbsuran paru ka mqraqil miyan we, uka ani maanu kiya.” 5Smiling Ester mqedil qbsuran paru ka Axasreros qbsuran paru: “Ima ba ka mkmoda so nii? Seediq nii we gaga inu?” 6Cmiyuk ka Ester: “Pais mptraqil we Haman naqah seediq nii!” Pkrkerang bale berah qbsuran paru ma berah mqedil qbsuran paru hiya ka Haman. 7Mseang paru bale ka qbsuran paru, asi latac peeyah uqan mosa nganguc gaga phmaan phepah. Klaun Haman ida mpkdira heya ka qbsuran paru de, meniq sapah Ester ma, lmabu ppkuudus heya. 8Mpbrinah peyah phmaan phepah meyah uqan mqaras hiya ka qbsuran paru, gisu na taan nii tgtemaq tlengun sbangan Ester hiya ka Haman. Rmengo ka qbsuran paru: “Betaq su so nii mpkmhemuc mqedil qbsuran paru berah mu sapah qbsuran paru hini ho?” Rmengo so nii kari ka qbsuran paru ciida, asi daha bungi dqeras ka Haman. 9Rmengo ka 1 gmbgaxan Xarbona kesun: “Qtai! Smnalu 50 sese knbragan eruc qhuni gaga phyegun sapah na Haman, ddooyun na Mardakay wada pgkela ma, pkuudus knuudus qbsuran paru.” Rmengo ka qbsuran paru: “Sai qmeya eruc qhuni hiya ka Haman.” 10Kiya de wada qyaanun eruc qhuni pnsramal na Mardakay ka Haman. Kiya ka hani wada malix ka seang qbsuran paru.
The Bible Society in Taiwan, 2020
© 台灣聖經公會版權所有，2020