Suu 23
23
1Bɛ̀ n tá màn bii kun ka
min yii guguru-a nɛ,
min mɛn bɛ́ n nyɛɛnɛ,
n yiri kɔ bɛ li.
2Bɛ̀ ń tá màn bii á la yii ni,
màn bɔ lɛ.
3N nyan toa n yii bɔ
bɛa màn-bii kɔɔ̃n li wa,
á boe la a kan baa n ganaa.
4N nyan nə n din nɔmaa
n ga naforo li wa,
a taasiɛ lɛ da.
5Bɛ̀ ń nə n yii saa ń ga-a
lɔn gɔrɔ a woo á ke.
A nə n nyàan dii doɛ̃ ka
sia bɛ́ lɔn yui woe.
6Min mɛn foo bɛ́ wuu pii
ǹ miãn li,
n nyan màn-bii kun ni wa.
Ń yii nyan bɔ
a màn-bii kɔɔ̃n li wa.
7Taãn nɛ, a bɛ́ boo mɛn diɛ,
a taasiɛ bie bɛ-n wa.
A n pii n ni:
«A bii n kã»,
sɛnɛ, a parsii bie wa.
8Bɛa kiɛ̃ kio,
n màn mɛn muĩ,
n tá re pisii ni.
N boo kɔɔ̃n lɛ là yɛ wa.
9N nyan boo kɔɔ̃n da
baãnaa-n wa.
A giala, á re barka boe a nɛ.
10N nyan gèlè la ǹ kɔlɔ zɔ̃ wa,
n nyan tán si nɛ toenən la wa.
11A giala,
pàã tá ǹ tamaali wole lon.
Á re ǹ kanbiɛ n ganaa.
12Ń foo bũ daraa li,
ń nə n too da doɛ̃ wolen lon.
13N nyan nyɛ́ɛ baa
nɛnyaan doroo-n wa.
Ta n dɛ, a giɛ̃ wa.
14A dɛ lɛ din nə die toɛ
a kirisibaa gɛ̀ ganaa.
Díi a nɛ doroo ǹ boon
15Maa nɛ, bɛ̀ n sii-dɔ̃li baa,
bɛ n masɛ foo kɔɔ̃n koe.
16Bɛ̀ ń tá sonbore pii,
man die n nyɛnyɛɛ.
17Ń foo nyan wuu pɛ
sii baraa-zɛnaalin li wa.
Sɛnɛ, nyɛ́ɛ baa Dɛnaa Lawa yii ni.
18Ka bɛ nɛ, n biɛ̃ ǹ tá re bǐɛ̃ koe.
Ń foo sii á re ziziɛ̃ wa.
19Maa nɛ, n too kɔ ma lon.
Ń ta re sii-dɔ̃li biɛ.
Ń ta re koe zii pepere lɛ.
20Min mɛnɛn bɛ́ yɔ mii á la yii ni,
ǹ nə́ siĩ soɛ̃ á la yii ni,
n nyan koa kun ka bɛn nɛ wa.
21A giala, doobaabaa n die yɔ-mili babaraan
laanka màn-bii a la yii-n wolen yii.
Ǹ yoobaa á lɛa
maǹ mɔnaa kunun we.
22Ń di mɛn nə n yɛ á n da kanaa,
n too kɔ a lon.
Bɛ̀ n náa zizi kɔ,
n nyan na a puusə kɔ wa.
23Sonbore pii, n nyan sã wa.
Ga sii-doɛ̃ li,
doɛ̃ nɛ ka yiridɛnaabaa nɛ.
24Min pepere n di n nyɛnyɛɛ la.
Bɛ̀ min mɛn sii-dɔ̃li yɛ
n da kanaa,
a foo n kɔɔ̃nɛ.
25N di laanka n náa foo kɔɔ̃n kɔ!
Lɔ mɛn bɛ́ á n yɛ,
bɛ parɛ ka foo kɔɔ̃n nɛ!
26Maa nɛ, n foo doa ma ganaa.
Kɔ maa giã ǹ gɔn lɛ ka
foo kɔɔ̃n nɛ.
27Ka boo taãn nɛ,
lɔ kɔrɔbaali n nyankɔrɔ zuzulu lɛa.
Lɔ naarɛbaali n tù lɛa
a lɛ n toen ne.
28A n gɔn diɛ ka waa zii
ganaa wole bɛ́ lɔn,
a n giĩn kiɛ
bɔlɔgoonbaãdɛnaabaa ganaa.
Yɔ a sii zɛnaan
29Die n nɔmaa-wɔle lɛa?
Die n gɔ́ɔ̃ bii gɔ́ɔ̃ nɛ?
Gungunun sii n die wɔ lɛa?
Zia n die wɔ lɛa?
Die n mandɛ yii
mìi ná a ba la wa?
Die yii nànan man tãtaã nɛ?
30Yɔ mi bɛ́ min mɛn a dí lɛa,
a n yɔ kakaarɛn lɔlɛkɔn,
bɛa dɛnaa nɛ.
31N nyan ga duvɛ̃ a yii tãbaa
kɛ ganaa wa,
kaã boe n paan nɛ, a mii ń kɔɔ̃nɛ.
32Á pii mà a nə n giala nyɔmiɛ̃,
a n sɔn doe ka miɛ̃ bɛ́ lɔn,
a nə n yagaɛ ka kɔrɔkan bɛ́ lɔn.
33Mànan tá re kiɛ̃ n yɔrɔ-a
siɛ̃saã siɛ̃saã,
ń tá re boo tɔrɔ tumaa diɛ.
34Ń tá re taasɛ mà nsɛ n yìsi
mu gole la,
waa-n tán mu la ǹ goo
giala wɔlɔ-a.
35Ń tá re taasɛ mà maǹ nə́ n dɛ,
sɛnɛ mà n paǹ kɔn ba busi wa,
mà maǹ nə́ n məə sɛnɛ,
mà a wɔ n ganaa wa.
N yii á re kiɛ fufuu,
n wusoo n nɔ̀n da duvɛ̃ li, n mi.
اکنون انتخاب شده:
Suu 23: SBPE2011
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
San Bible Protestant Edition © Bible Society of Burkina Faso, 2011.
Suu 23
23
1Bɛ̀ n tá màn bii kun ka
min yii guguru-a nɛ,
min mɛn bɛ́ n nyɛɛnɛ,
n yiri kɔ bɛ li.
2Bɛ̀ ń tá màn bii á la yii ni,
màn bɔ lɛ.
3N nyan toa n yii bɔ
bɛa màn-bii kɔɔ̃n li wa,
á boe la a kan baa n ganaa.
4N nyan nə n din nɔmaa
n ga naforo li wa,
a taasiɛ lɛ da.
5Bɛ̀ ń nə n yii saa ń ga-a
lɔn gɔrɔ a woo á ke.
A nə n nyàan dii doɛ̃ ka
sia bɛ́ lɔn yui woe.
6Min mɛn foo bɛ́ wuu pii
ǹ miãn li,
n nyan màn-bii kun ni wa.
Ń yii nyan bɔ
a màn-bii kɔɔ̃n li wa.
7Taãn nɛ, a bɛ́ boo mɛn diɛ,
a taasiɛ bie bɛ-n wa.
A n pii n ni:
«A bii n kã»,
sɛnɛ, a parsii bie wa.
8Bɛa kiɛ̃ kio,
n màn mɛn muĩ,
n tá re pisii ni.
N boo kɔɔ̃n lɛ là yɛ wa.
9N nyan boo kɔɔ̃n da
baãnaa-n wa.
A giala, á re barka boe a nɛ.
10N nyan gèlè la ǹ kɔlɔ zɔ̃ wa,
n nyan tán si nɛ toenən la wa.
11A giala,
pàã tá ǹ tamaali wole lon.
Á re ǹ kanbiɛ n ganaa.
12Ń foo bũ daraa li,
ń nə n too da doɛ̃ wolen lon.
13N nyan nyɛ́ɛ baa
nɛnyaan doroo-n wa.
Ta n dɛ, a giɛ̃ wa.
14A dɛ lɛ din nə die toɛ
a kirisibaa gɛ̀ ganaa.
Díi a nɛ doroo ǹ boon
15Maa nɛ, bɛ̀ n sii-dɔ̃li baa,
bɛ n masɛ foo kɔɔ̃n koe.
16Bɛ̀ ń tá sonbore pii,
man die n nyɛnyɛɛ.
17Ń foo nyan wuu pɛ
sii baraa-zɛnaalin li wa.
Sɛnɛ, nyɛ́ɛ baa Dɛnaa Lawa yii ni.
18Ka bɛ nɛ, n biɛ̃ ǹ tá re bǐɛ̃ koe.
Ń foo sii á re ziziɛ̃ wa.
19Maa nɛ, n too kɔ ma lon.
Ń ta re sii-dɔ̃li biɛ.
Ń ta re koe zii pepere lɛ.
20Min mɛnɛn bɛ́ yɔ mii á la yii ni,
ǹ nə́ siĩ soɛ̃ á la yii ni,
n nyan koa kun ka bɛn nɛ wa.
21A giala, doobaabaa n die yɔ-mili babaraan
laanka màn-bii a la yii-n wolen yii.
Ǹ yoobaa á lɛa
maǹ mɔnaa kunun we.
22Ń di mɛn nə n yɛ á n da kanaa,
n too kɔ a lon.
Bɛ̀ n náa zizi kɔ,
n nyan na a puusə kɔ wa.
23Sonbore pii, n nyan sã wa.
Ga sii-doɛ̃ li,
doɛ̃ nɛ ka yiridɛnaabaa nɛ.
24Min pepere n di n nyɛnyɛɛ la.
Bɛ̀ min mɛn sii-dɔ̃li yɛ
n da kanaa,
a foo n kɔɔ̃nɛ.
25N di laanka n náa foo kɔɔ̃n kɔ!
Lɔ mɛn bɛ́ á n yɛ,
bɛ parɛ ka foo kɔɔ̃n nɛ!
26Maa nɛ, n foo doa ma ganaa.
Kɔ maa giã ǹ gɔn lɛ ka
foo kɔɔ̃n nɛ.
27Ka boo taãn nɛ,
lɔ kɔrɔbaali n nyankɔrɔ zuzulu lɛa.
Lɔ naarɛbaali n tù lɛa
a lɛ n toen ne.
28A n gɔn diɛ ka waa zii
ganaa wole bɛ́ lɔn,
a n giĩn kiɛ
bɔlɔgoonbaãdɛnaabaa ganaa.
Yɔ a sii zɛnaan
29Die n nɔmaa-wɔle lɛa?
Die n gɔ́ɔ̃ bii gɔ́ɔ̃ nɛ?
Gungunun sii n die wɔ lɛa?
Zia n die wɔ lɛa?
Die n mandɛ yii
mìi ná a ba la wa?
Die yii nànan man tãtaã nɛ?
30Yɔ mi bɛ́ min mɛn a dí lɛa,
a n yɔ kakaarɛn lɔlɛkɔn,
bɛa dɛnaa nɛ.
31N nyan ga duvɛ̃ a yii tãbaa
kɛ ganaa wa,
kaã boe n paan nɛ, a mii ń kɔɔ̃nɛ.
32Á pii mà a nə n giala nyɔmiɛ̃,
a n sɔn doe ka miɛ̃ bɛ́ lɔn,
a nə n yagaɛ ka kɔrɔkan bɛ́ lɔn.
33Mànan tá re kiɛ̃ n yɔrɔ-a
siɛ̃saã siɛ̃saã,
ń tá re boo tɔrɔ tumaa diɛ.
34Ń tá re taasɛ mà nsɛ n yìsi
mu gole la,
waa-n tán mu la ǹ goo
giala wɔlɔ-a.
35Ń tá re taasɛ mà maǹ nə́ n dɛ,
sɛnɛ mà n paǹ kɔn ba busi wa,
mà maǹ nə́ n məə sɛnɛ,
mà a wɔ n ganaa wa.
N yii á re kiɛ fufuu,
n wusoo n nɔ̀n da duvɛ̃ li, n mi.
San Bible Protestant Edition © Bible Society of Burkina Faso, 2011.