Suu 18
18
1Min mɛn bɛ́ giɛ̃ tìãlɛa
ǹ miãn ganaa,
a n giɛ a dinsɔɔ̃ a bǐɛ̃ kɔ li.
A nə n piɛ̃ ka yiri kɔmala nɛ.
2Màn mɛn bɛ́ kɔɔ̃n baãnaa ganaa,
sii giala ma bie wa,
sɛnɛ a din a taasiɛ pɛsiɛ̃ nɛ.
3Baraabaa n min tìĩ boe.
Sɔ kɔ n die ka sìi ni.
4Minbuiinin boo n zuzulu
ka yìsi mu bɛ́ lɔn;
Sii-doɛ̃ n ka mu yala bɛ́ lɔn
á pã á pisi.
5Sonbore kɔ min baraa la
a siĩn wa.
Mɛnaa min pepere la
kiri wɔ ǹ bǎã nɛ,
bɛ dɔ n sii bɔnɛɛ lɛa.
6Baãnaa a boon man zia yiɛ.
A bɛ́ boo mɛn diɛ,
bɛ n die ka mandɛ nɛ.
7Baãnaa a boon man
a din papaɛ̃.
A lɛ n kan lɛa a dinmaa ganaa.
8Lɛ-fuubaali a boon lɛn
man kɔɔ̃n ka màn paparɛ bɛ́ lɔn.
Maǹ lɛ koe ǹ ganaa fufuu.
9Min mɛn bɛ́ a ba n tele dí li wa,
ka min mɛn bɛ́ ziziɛ̃,
maǹ nə́ bɔ kɔn li
ka dɔɔ̃nɔn bɛ́ lɔn.
10Dɛnaa Lawa n duru ǹ bǎã
kaka lɛa.
Min peperen man woe a li,
ǹ kirisibaa.
11Pàãma foo n doa nɛ
a naforo ganaa.
A n tamɛɛ ka kungɔn sasa
bɛ́ lɔn a lɛnpɛnɛ
12Din gole kɔ n die ka papaã nɛ.
Bɛ̀ n tá zoɛ̃ gugurubaa li,
yǎa n nə n din boɛɛn koe bɔrɔ.
13Min mɛn bɛ́ boo lɛ sii
a tɔn nə n too kɔ,
gàãnaa nɛ.
A wɔ n ka sìi ni.
14Foo tãbaa nə n doe busulə lɛ.
Sɛnɛ, bɛ̀ a foo ziziɛ̃,
die n siɛ a da lon?
15Min yiridɛnaa n giɛ doɛ̃ li,
sii-dɔ̃li too n zoɛ̃ li.
16Min a bǐɛ̃baa n toɛ a sii yɔrɔ yɛ,
a wo yǎa min dadaran li.
17Min mɛn bɛ́ boo diɛ
bibinaa nɛ kiri wɔ ǹ bǎã nɛ,
a n ka sonbore n bɛ lon.
Sɛnɛ, bɛ̀ ǹ miã kɔsɔ kɛ daa
boo saa,
bɛ n woɛ̃ a zumu.
18Maǹ nə n piɛ̃
bɛ̀ ǹ zia nya pàãdɛnan bii ni.
19Dɔɔ̃n mɛn bɛ́ ń sii la la,
a dɔmali á kaka
á la kiwi mɛn bɛ́
ǹ nə́ kungɔn pɛnɛ a ganaa.
Zia dɔ n foo soɛ,
ka goo nɛ á ke kiɛnlɛ soɛ lɔn.
20Didie á boe la a màn bii
a boon paã ganaa.
A bɛ́ boo mɛn diɛ,
bɛ lɛ nə n doe lɛ a yii goã koo.
21Gɛ̀ laanka
yiikoonaabaa n boe da ǹ boo li.
Min mɛn bɛ́ boo narɛ,
a doamaa nɛ a lɛ kɔ
a mìi gɔ́ɔ̃ nɛ ǹ siin ganaa.
22Bɛ̀ min mɛn lɔ yɛ,
a na á là nyantoro yɛ.
Dɛnaa Lawa na á bǐɛ̃ baa nɛ.
23Doobaan man boo diɛ
ka din boɛɛn kɔ nɛ,
sɛnɛ, pàãman manə ǹ lɛ sii
ka boo kaka nɛ.
24Giaára gigiã á boe la
ǹ bɔ̀n da min ganaa.
Sɛnɛ, giaára sonbore la dɔɔ̃n nɛ.
اکنون انتخاب شده:
Suu 18: SBPE2011
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
San Bible Protestant Edition © Bible Society of Burkina Faso, 2011.
Suu 18
18
1Min mɛn bɛ́ giɛ̃ tìãlɛa
ǹ miãn ganaa,
a n giɛ a dinsɔɔ̃ a bǐɛ̃ kɔ li.
A nə n piɛ̃ ka yiri kɔmala nɛ.
2Màn mɛn bɛ́ kɔɔ̃n baãnaa ganaa,
sii giala ma bie wa,
sɛnɛ a din a taasiɛ pɛsiɛ̃ nɛ.
3Baraabaa n min tìĩ boe.
Sɔ kɔ n die ka sìi ni.
4Minbuiinin boo n zuzulu
ka yìsi mu bɛ́ lɔn;
Sii-doɛ̃ n ka mu yala bɛ́ lɔn
á pã á pisi.
5Sonbore kɔ min baraa la
a siĩn wa.
Mɛnaa min pepere la
kiri wɔ ǹ bǎã nɛ,
bɛ dɔ n sii bɔnɛɛ lɛa.
6Baãnaa a boon man zia yiɛ.
A bɛ́ boo mɛn diɛ,
bɛ n die ka mandɛ nɛ.
7Baãnaa a boon man
a din papaɛ̃.
A lɛ n kan lɛa a dinmaa ganaa.
8Lɛ-fuubaali a boon lɛn
man kɔɔ̃n ka màn paparɛ bɛ́ lɔn.
Maǹ lɛ koe ǹ ganaa fufuu.
9Min mɛn bɛ́ a ba n tele dí li wa,
ka min mɛn bɛ́ ziziɛ̃,
maǹ nə́ bɔ kɔn li
ka dɔɔ̃nɔn bɛ́ lɔn.
10Dɛnaa Lawa n duru ǹ bǎã
kaka lɛa.
Min peperen man woe a li,
ǹ kirisibaa.
11Pàãma foo n doa nɛ
a naforo ganaa.
A n tamɛɛ ka kungɔn sasa
bɛ́ lɔn a lɛnpɛnɛ
12Din gole kɔ n die ka papaã nɛ.
Bɛ̀ n tá zoɛ̃ gugurubaa li,
yǎa n nə n din boɛɛn koe bɔrɔ.
13Min mɛn bɛ́ boo lɛ sii
a tɔn nə n too kɔ,
gàãnaa nɛ.
A wɔ n ka sìi ni.
14Foo tãbaa nə n doe busulə lɛ.
Sɛnɛ, bɛ̀ a foo ziziɛ̃,
die n siɛ a da lon?
15Min yiridɛnaa n giɛ doɛ̃ li,
sii-dɔ̃li too n zoɛ̃ li.
16Min a bǐɛ̃baa n toɛ a sii yɔrɔ yɛ,
a wo yǎa min dadaran li.
17Min mɛn bɛ́ boo diɛ
bibinaa nɛ kiri wɔ ǹ bǎã nɛ,
a n ka sonbore n bɛ lon.
Sɛnɛ, bɛ̀ ǹ miã kɔsɔ kɛ daa
boo saa,
bɛ n woɛ̃ a zumu.
18Maǹ nə n piɛ̃
bɛ̀ ǹ zia nya pàãdɛnan bii ni.
19Dɔɔ̃n mɛn bɛ́ ń sii la la,
a dɔmali á kaka
á la kiwi mɛn bɛ́
ǹ nə́ kungɔn pɛnɛ a ganaa.
Zia dɔ n foo soɛ,
ka goo nɛ á ke kiɛnlɛ soɛ lɔn.
20Didie á boe la a màn bii
a boon paã ganaa.
A bɛ́ boo mɛn diɛ,
bɛ lɛ nə n doe lɛ a yii goã koo.
21Gɛ̀ laanka
yiikoonaabaa n boe da ǹ boo li.
Min mɛn bɛ́ boo narɛ,
a doamaa nɛ a lɛ kɔ
a mìi gɔ́ɔ̃ nɛ ǹ siin ganaa.
22Bɛ̀ min mɛn lɔ yɛ,
a na á là nyantoro yɛ.
Dɛnaa Lawa na á bǐɛ̃ baa nɛ.
23Doobaan man boo diɛ
ka din boɛɛn kɔ nɛ,
sɛnɛ, pàãman manə ǹ lɛ sii
ka boo kaka nɛ.
24Giaára gigiã á boe la
ǹ bɔ̀n da min ganaa.
Sɛnɛ, giaára sonbore la dɔɔ̃n nɛ.
San Bible Protestant Edition © Bible Society of Burkina Faso, 2011.