MNS 8
8
Bolon koa ǹ bǎã
1 #
BBN 25.31-40; 37.17-24 Dɛnaa Lawa boo da Muizu ni, á pɛ: 2«Boo da Aarɔn nɛ, n pɛ nɛ: bɛ̀ n tá bolonən lɛn lɛ siɛ̃, bolon sɔbaa lɛ doamaa nɛ, ǹ wɔlɔ fúlu bɔ bolon koa ǹ bǎã lɛ yɔrɔ-a.»
3Aarɔn dɔ́ zɛnaa miɛ̃. Á bolonən lɛn lɛ sã, ǹ nə́ wɔlɔ fúlu kiɛ bolon koa ǹ bǎã lɛ yɔrɔ-a, ka Dɛnaa Lawa goã á pɛ Muizu-n lɔn. 4Ǹ goã ǹ nə́ bolon koa ǹ bǎã lɛ zɛnaa lɔn, bɛ á ke: maǹ nə́ sana dɛ ǹ nə́ zɛnaa nɛ. A saa a giala ganaa, a wo a da buũn nyaǹan kɛn yaa, maǹ nə́ sana dɛ, ǹ nə́ zɛnaa nɛ. Maǹ nə́ bɛa bolon koa ǹ bǎã lɛ zɛnaa ka Dɛnaa Lawa goã á ná a yɔrɔ nyaa Muizu-n lɔn.
Levii tɔrɔn man Lawa wɔn lɛa
5Dɛnaa Lawa boo da Muizu ni, á pɛ: 6«*Levii tɔrɔn kɛn bɔ Izirayeli minin bii, n *gɔ̀ bɔ ǹ ganaa. 7N die n gɔ̀ lɛ bɔ ǹ ganaa ka yɔrɔ kɛ nɛ: n die n gɔ̀ bɔmaa ǹ mu kɛ pɛsɛ̃ ǹ ganaa, ǹ die ǹ nə n gɔ̀nɔn ka tumaa kɔɔ̃, ǹ nə ǹ mɔnaan pii. Bɛ kio, ǹ tá re *yoreen koe. 8Ǹ die ǹ dii gɔ̀lɔ̀ ten goon bɔ, ka Lawa gɔ ǹ *wùsu sonbore ne, yia-n ka nyɔɔ nɛ. Bɛ kio, Muizu, n die n dii gɔ̀lɔ̀ ten kɔsɔ bɔ, sii baraa sawaa ǹ *wúlu màn lɛa. 9N die n Levii tɔrɔn kɛn wɔlɔ kunu kɔ kɔn yɛ ka Lawa nɛ ǹ kion kɛ yɔrɔ-a, n Izirayeli zaman lɛ tumaa sɔkɔn. 10N die n Levii tɔrɔn lɛn wɔlɔ kunu kɔ Dɛnaa Lawa yɔrɔ-a, Izirayeli minin lɛn die ǹ nə ǹ gɔn da ǹ la. 11Bɛ kio, Aarɔn die a Levii tɔrɔn lɛn kɔ Lawa la ǹ sii zɛnaa Dɛnaa Lawa yɔrɔ-a, Izirayeli minin lɛn wɔ lɛa. Levii tɔrɔn lɛn wɔ n die goɛ̃ ka Dɛnaa Lawa a dí nya nɛ. 12Levii tɔrɔn lɛn die, ǹ nə n gɔn da dii gɔ̀lɔ̀n lɛn mìi ni. Muizu die a dii gɔ̀lɔ̀ lɛ goon baa sii baraa sawaa ǹ wúlu màn lɛa, a kɔsɔ kɛ tã Lawa wɔ lɛa, Levii tɔrɔn sii baraa sawaa ǹ wɔ lɛa. 13A die a Levii tɔrɔn lɛn kaa bii-a, Aarɔn laanka a nɛgiĩn yɔrɔ-a, a ǹ kɔ Lawa la ǹ sii zɛnaa. 14Izirayeli minin lɛn bii, a die a Levii tɔrɔn lɛn bɔ, a ǹ kaa ǹ gɔrɔn. Maǹ die goɛ̃ masɛ din wɔn lɛa. 15Bɛ kio, Levii tɔrɔn lɛn die ǹ kɔn yɛ ka Lawa nɛ ǹ kion kɛ a dí nya. Muizu die a gɔ̀ bɔ ǹ ganaa kəni, a ǹ kɔ Lawa la ǹ sii zɛnaa. 16A giala, Levii tɔrɔn lɛn man nə́ n kɔ masɛ la, maǹ nə́ n kɔ masɛ la a tɔ-a, Izirayeli minin lɛn bii. Masɛ n má ǹ kũ má ǹ baa maa wɔn lɛa, gɔn bibinaa nɛn tumaa bǎã nɛ, Izirayeli minin lɛn nɛgiĩ, bibinaan tumaa. 17#BBN 13.2 A giala, gɔn bibinaa nɛ mɛn tumaa bɛ́ nɛginin lɛa Izirayeli minin lɛn bii, masɛ din wɔ n ka bɛ nɛ, ka tɔɔ nɛ bibinaa tumaa nɛ. Ma gɔn binaa nɛn tumaa dɛ Ezipti gána nɛ ǹ mɛn pinaa, bɛa pinaa lɛ nɛ, má ǹ baa ma din wɔn lɛa. 18Sɛnɛ, masɛ n má Levii tɔrɔn lɛn baa maa wɔn lɛa, Izirayeli minin nɛ bibinaan tumaa bǎã nɛ. 19Masɛ n má Levii tɔrɔn kɔ Aarɔn laanka a nɛgiĩn la, Izirayeli minin lɛn bii, màn mɛn bɛ́ toɛ ǹ dí nya Izirayeli minin lɛn lɛa, kɔn yɛ ka Lawa nɛ ǹ kion kɛ nɛ, ǹ sii baraa sawaa ǹ sii dɔ zɛnaa ǹ ganaa. Bɛa yɔrɔ lɛ la, bɛ̀ Izirayeli minin kɛn nə́ n mɔrɔ bǎã sonbore kɛ ganaa, koe sii ba re ǹ yii wa.»
20Dɛnaa Lawa goã á boo mɛn yii da Muizu ni Levii tɔrɔn lɛn wɔ paǹ li, Muizu lɛ nɛ, Aarɔn nɛ, ka Izirayeli zaman lɛ nɛ, bɛn nə́ bɛa boo lɛ tumaa a sii zɛnaa Levii tɔrɔn lɛn manɛ. Izirayeli minin lɛn man nə́ zɛnaa ǹ nɛ miɛ̃. 21Levii tɔrɔn lɛn nə́ gɔ̀ bɔ ǹ dinin ganaa, ǹ nə́ ǹ mɔnaan pii. Bɛ kio, Aarɔn nə́ ǹ kɔ Lawa la ǹ sii zɛnaa, Dɛnaa Lawa yɔrɔ-a, á gɔ̀ bɔmaa ǹ landa sii kɛ zɛnaa ǹ ganaa, á ǹ yoreen kɔ. 22Bɛ kio, Levii tɔrɔn lɛn nə́ daa, ǹ dí nya kɔn yɛ ka Lawa nɛ ǹ kion kɛ nɛ, Aarɔn laanka a nɛgiĩn yɔrɔ-a. Maǹ nə́ sii lɛ zɛnaa Levii tɔrɔn manɛ, ka Dɛnaa Lawa goã á pɛ Muizu-n lɔn ǹ wɔ gɔn la.
Levii tɔrɔn dí
23Dɛnaa Lawa boo da Muizu ni, á pɛ: 24«Sii mɛn bɛ́ a tan Levii tɔrɔn lɛn wɔ paǹ li, bɛ á ke: A kũ lɛ̀ fuəwensooro ganaa, ka kio ne, bɛ̀ Levii tɔrɔ mɛn tumaa lɛ̀ dɔ miɛ̃, ǹ dɛnaa doamaa nɛ a dí saa, a kɔn yɛ ka Lawa nɛ ǹ kion kɛa dí nya. 25Bɛ̀ ǹ dɛnaa dɔ lɛ̀ posooro, a n sii bɔ a bɔ dí lɛ nɛ, a baran dí lɛ nya doo wa. 26Sɛnɛ, ǹ dɔɔ̃n Levii tɔrɔn mɛnɛn bɛ́ tɔn dí lɛ la, á boe la a n dɔ bɛn lɛ kɔn yɛ ka Lawa nɛ ǹ kion lɛ nɛ, ń giɛ, mànan mɛnɛn bɛ́ bɛn gama walan gɔ́ɔ̃ nɛ, a dɔ ga bɛn walan. A baran dí nyan doo wa. Levii tɔrɔn dí wɔ paǹ li, Muizu die a sii lɛ zɛnaa miɛ̃.»
اکنون انتخاب شده:
MNS 8: SBPE2011
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
San Bible Protestant Edition © Bible Society of Burkina Faso, 2011.
MNS 8
8
Bolon koa ǹ bǎã
1 #
BBN 25.31-40; 37.17-24 Dɛnaa Lawa boo da Muizu ni, á pɛ: 2«Boo da Aarɔn nɛ, n pɛ nɛ: bɛ̀ n tá bolonən lɛn lɛ siɛ̃, bolon sɔbaa lɛ doamaa nɛ, ǹ wɔlɔ fúlu bɔ bolon koa ǹ bǎã lɛ yɔrɔ-a.»
3Aarɔn dɔ́ zɛnaa miɛ̃. Á bolonən lɛn lɛ sã, ǹ nə́ wɔlɔ fúlu kiɛ bolon koa ǹ bǎã lɛ yɔrɔ-a, ka Dɛnaa Lawa goã á pɛ Muizu-n lɔn. 4Ǹ goã ǹ nə́ bolon koa ǹ bǎã lɛ zɛnaa lɔn, bɛ á ke: maǹ nə́ sana dɛ ǹ nə́ zɛnaa nɛ. A saa a giala ganaa, a wo a da buũn nyaǹan kɛn yaa, maǹ nə́ sana dɛ, ǹ nə́ zɛnaa nɛ. Maǹ nə́ bɛa bolon koa ǹ bǎã lɛ zɛnaa ka Dɛnaa Lawa goã á ná a yɔrɔ nyaa Muizu-n lɔn.
Levii tɔrɔn man Lawa wɔn lɛa
5Dɛnaa Lawa boo da Muizu ni, á pɛ: 6«*Levii tɔrɔn kɛn bɔ Izirayeli minin bii, n *gɔ̀ bɔ ǹ ganaa. 7N die n gɔ̀ lɛ bɔ ǹ ganaa ka yɔrɔ kɛ nɛ: n die n gɔ̀ bɔmaa ǹ mu kɛ pɛsɛ̃ ǹ ganaa, ǹ die ǹ nə n gɔ̀nɔn ka tumaa kɔɔ̃, ǹ nə ǹ mɔnaan pii. Bɛ kio, ǹ tá re *yoreen koe. 8Ǹ die ǹ dii gɔ̀lɔ̀ ten goon bɔ, ka Lawa gɔ ǹ *wùsu sonbore ne, yia-n ka nyɔɔ nɛ. Bɛ kio, Muizu, n die n dii gɔ̀lɔ̀ ten kɔsɔ bɔ, sii baraa sawaa ǹ *wúlu màn lɛa. 9N die n Levii tɔrɔn kɛn wɔlɔ kunu kɔ kɔn yɛ ka Lawa nɛ ǹ kion kɛ yɔrɔ-a, n Izirayeli zaman lɛ tumaa sɔkɔn. 10N die n Levii tɔrɔn lɛn wɔlɔ kunu kɔ Dɛnaa Lawa yɔrɔ-a, Izirayeli minin lɛn die ǹ nə ǹ gɔn da ǹ la. 11Bɛ kio, Aarɔn die a Levii tɔrɔn lɛn kɔ Lawa la ǹ sii zɛnaa Dɛnaa Lawa yɔrɔ-a, Izirayeli minin lɛn wɔ lɛa. Levii tɔrɔn lɛn wɔ n die goɛ̃ ka Dɛnaa Lawa a dí nya nɛ. 12Levii tɔrɔn lɛn die, ǹ nə n gɔn da dii gɔ̀lɔ̀n lɛn mìi ni. Muizu die a dii gɔ̀lɔ̀ lɛ goon baa sii baraa sawaa ǹ wúlu màn lɛa, a kɔsɔ kɛ tã Lawa wɔ lɛa, Levii tɔrɔn sii baraa sawaa ǹ wɔ lɛa. 13A die a Levii tɔrɔn lɛn kaa bii-a, Aarɔn laanka a nɛgiĩn yɔrɔ-a, a ǹ kɔ Lawa la ǹ sii zɛnaa. 14Izirayeli minin lɛn bii, a die a Levii tɔrɔn lɛn bɔ, a ǹ kaa ǹ gɔrɔn. Maǹ die goɛ̃ masɛ din wɔn lɛa. 15Bɛ kio, Levii tɔrɔn lɛn die ǹ kɔn yɛ ka Lawa nɛ ǹ kion kɛ a dí nya. Muizu die a gɔ̀ bɔ ǹ ganaa kəni, a ǹ kɔ Lawa la ǹ sii zɛnaa. 16A giala, Levii tɔrɔn lɛn man nə́ n kɔ masɛ la, maǹ nə́ n kɔ masɛ la a tɔ-a, Izirayeli minin lɛn bii. Masɛ n má ǹ kũ má ǹ baa maa wɔn lɛa, gɔn bibinaa nɛn tumaa bǎã nɛ, Izirayeli minin lɛn nɛgiĩ, bibinaan tumaa. 17#BBN 13.2 A giala, gɔn bibinaa nɛ mɛn tumaa bɛ́ nɛginin lɛa Izirayeli minin lɛn bii, masɛ din wɔ n ka bɛ nɛ, ka tɔɔ nɛ bibinaa tumaa nɛ. Ma gɔn binaa nɛn tumaa dɛ Ezipti gána nɛ ǹ mɛn pinaa, bɛa pinaa lɛ nɛ, má ǹ baa ma din wɔn lɛa. 18Sɛnɛ, masɛ n má Levii tɔrɔn lɛn baa maa wɔn lɛa, Izirayeli minin nɛ bibinaan tumaa bǎã nɛ. 19Masɛ n má Levii tɔrɔn kɔ Aarɔn laanka a nɛgiĩn la, Izirayeli minin lɛn bii, màn mɛn bɛ́ toɛ ǹ dí nya Izirayeli minin lɛn lɛa, kɔn yɛ ka Lawa nɛ ǹ kion kɛ nɛ, ǹ sii baraa sawaa ǹ sii dɔ zɛnaa ǹ ganaa. Bɛa yɔrɔ lɛ la, bɛ̀ Izirayeli minin kɛn nə́ n mɔrɔ bǎã sonbore kɛ ganaa, koe sii ba re ǹ yii wa.»
20Dɛnaa Lawa goã á boo mɛn yii da Muizu ni Levii tɔrɔn lɛn wɔ paǹ li, Muizu lɛ nɛ, Aarɔn nɛ, ka Izirayeli zaman lɛ nɛ, bɛn nə́ bɛa boo lɛ tumaa a sii zɛnaa Levii tɔrɔn lɛn manɛ. Izirayeli minin lɛn man nə́ zɛnaa ǹ nɛ miɛ̃. 21Levii tɔrɔn lɛn nə́ gɔ̀ bɔ ǹ dinin ganaa, ǹ nə́ ǹ mɔnaan pii. Bɛ kio, Aarɔn nə́ ǹ kɔ Lawa la ǹ sii zɛnaa, Dɛnaa Lawa yɔrɔ-a, á gɔ̀ bɔmaa ǹ landa sii kɛ zɛnaa ǹ ganaa, á ǹ yoreen kɔ. 22Bɛ kio, Levii tɔrɔn lɛn nə́ daa, ǹ dí nya kɔn yɛ ka Lawa nɛ ǹ kion kɛ nɛ, Aarɔn laanka a nɛgiĩn yɔrɔ-a. Maǹ nə́ sii lɛ zɛnaa Levii tɔrɔn manɛ, ka Dɛnaa Lawa goã á pɛ Muizu-n lɔn ǹ wɔ gɔn la.
Levii tɔrɔn dí
23Dɛnaa Lawa boo da Muizu ni, á pɛ: 24«Sii mɛn bɛ́ a tan Levii tɔrɔn lɛn wɔ paǹ li, bɛ á ke: A kũ lɛ̀ fuəwensooro ganaa, ka kio ne, bɛ̀ Levii tɔrɔ mɛn tumaa lɛ̀ dɔ miɛ̃, ǹ dɛnaa doamaa nɛ a dí saa, a kɔn yɛ ka Lawa nɛ ǹ kion kɛa dí nya. 25Bɛ̀ ǹ dɛnaa dɔ lɛ̀ posooro, a n sii bɔ a bɔ dí lɛ nɛ, a baran dí lɛ nya doo wa. 26Sɛnɛ, ǹ dɔɔ̃n Levii tɔrɔn mɛnɛn bɛ́ tɔn dí lɛ la, á boe la a n dɔ bɛn lɛ kɔn yɛ ka Lawa nɛ ǹ kion lɛ nɛ, ń giɛ, mànan mɛnɛn bɛ́ bɛn gama walan gɔ́ɔ̃ nɛ, a dɔ ga bɛn walan. A baran dí nyan doo wa. Levii tɔrɔn dí wɔ paǹ li, Muizu die a sii lɛ zɛnaa miɛ̃.»
San Bible Protestant Edition © Bible Society of Burkina Faso, 2011.