MNS 6
6
Landa mɛn bɛ́ a tan min a din kɔ Lawa la wɔ paǹ li
1Dɛnaa Lawa boo da Muizu ni, á pɛ: 2«Boo da Izirayeli minin lɛn nɛ n pɛ ǹ nɛ: Bɛ̀ giĩ hinlaa lɔ lɛ kɔ, mà asɛ n die n din koe Dɛnaa Lawa la, a dí nya nɛ, 3#Luk 1.15 bɛa dɛnaa lɛ doamaa bie a duvɛ̃ laanka yɔ kakaarɛn mi wa, a doamaa bie a duvɛ̃ a pipiã hinlaa yɔ kakaarɛ a pipiã mi wa. A doamaa bie a rezɛ̃ mu tɔrɔ kɔn din mi wa, a doamaa bie a rezɛ̃ nɛ buruu hinlaa rezɛ̃ nɛ laa bii wa. 4A din-kɔ biikoo lɛ tumaa gɔ́ɔ̃ nɛ, màn mɛn bɛ́ ǹ nə́ zɛnaa ka *rezɛ̃ da nɛ nɛ, a we-n hinlaa a fɔrɔ nɛ, a baran bɛ kɔn wɔ a lɛ-n wa. 5Din-kɔ biikoo lɛ tumaa gɔ́ɔ̃ nɛ, kùn ba re n diɛ a mìi-n wa, yǎa a din-kɔ Dɛnaa Lawa la biikoo lɛ lɛ piɛ̃. A doamaa nɛ a goã *yoreene Lawa a paǹ li, a mìi ka pã suuni. 6A din-kɔ Dɛnaa Lawa la biikoo lɛ tumaa gɔ́ɔ̃ nɛ, a baran n mɔrɔ min kɔn gere ganaa wa. 7Ta ǹ di ni hinlaa ǹ dan nɛ, Ta ǹ dɔɔ̃ngiĩ hinlaa ǹ miãnɛn nɛ, bɛ̀ bɛ mɛn gã, a doamaa bie a n mɔrɔ a gere-a, a *gɔ̀ da a din-a wa. A giala, a din-kɔ Lawa la lɛ a sii a kɔnboe tá a mìi ni.
8A din-kɔ biikoo lɛ tumaa gɔ́ɔ̃ nɛ, a n Lawa wɔ lɛa. 9Bɛ̀ gɛ̀ min dɛ tán bǎã goon ne din-kɔ Lawa la wole lɛ genli, yiri ná a ba li wa, yǎa bɛ gɔ̀ da a din-kɔ Lawa la ǹ mìi lɛ ganaa, bɛ̀ a tá gɔ̀ boe a din-a ǹ mɛn pinaa, a doamaa nɛ, a n mìi lɛ kɔɔ̃. A kɔɔ̃ a lɛawaa sɔbaabaa ǹ wɔ pinaa. 10A lɛawaa kiwisibaa ǹ wɔ pinaa, a doamaa nɛ, a da wuruun màn paa hinlaa zɛrɛkantoan ten màn paa kɔ Lawa a wúlu-bɔle la, kɔn yɛ ka Lawa nɛ ǹ kion kɛ a kiɛnlɛ-a. 11Lawa a wúlu-bɔle lɛ n die goon biɛ sii baraa sawaa ǹ *wúlu màn lɛa, a goon kɛ baa wúlu màn tiɛ̃ lɛa. Din-kɔ Lawa la wole lɛ sã mɛn wɔ gere lɛ taman yii, Lawa a wúlu-bɔle lɛ bɛa sawaa ǹ sii zɛnaa. A din pinaa lɛ nɛ, din-kɔ Lawa la wole lɛ gɔ̀ bɔ a mìi ganaa. 12A wusoo doo a na a din-kɔ Dɛnaa Lawa la ǹ biikoo lɛ kɔ Dɛnaa Lawa la. A da ka lɛ̀ goon sère nɛ nɛ, zɛ̀rɛ si ǹ wúlu màn lɛa. A biikoo mɛn zɛnaa lɛlɛ din-kɔ lɛ gɔ́ɔ̃ nɛ, bɛ ba a-n wa, a giala a ná a n din-kɔ Lawa la lɛ ziziɛ̃.
13 #
NDS 21.23-24
Landa mɛn bɛ́ a tan din-kɔ Lawa la wole lɛ wɔ paǹ li, bɛ á ke: Bɛ̀ a din-kɔ Lawa la biikoo lɛ lɛ pã, ǹ kũ ǹ da nɛ kɔn yɛ ka Lawa nɛ ǹ kion kɛ a kiɛnlɛ-a. 14A da ka a Lawa gɔ ǹ màn nɛ a kɔ Lawa la: lɛ̀ goon sère nɛ gɔ̀lɔ̀n mɛn nə́ ke wɔ̀lɔ̀ ná a ba a ganaa wa, wúlu màn tiɛ̃ lɛa, lɛ̀ goon sère nɛ luun mɛn nə́ ke wɔ̀lɔ̀ ná a ba a ganaa wa, sii baraa sawaa ǹ wúlu màn lɛa, ka sère gɔ̀lɔ̀ mɛn nə́ ke wɔ̀lɔ̀ ná a ba a ganaa wa, barka da ǹ wúlu màn lɛa. 15Yɔ bùbaã buuru mɛn bɛ́ ǹ nə́ da ka *wùsu sonbore ne, a da ka bɛa kankaan yii goon ne, ka wùsu sonbore kiɔmɔsɔ̃ mɛn bɛ́ ǹ ná a wùsu yia ka nyɔɔ nɛ, ka yɔ bùbaã mɔ̀mɔ mɛn bɛ́ ǹ nə́ nyɔɔ kaa a ganaa, ka Lawa gɔ ǹ wùsu kɛ laanka duvɛ̃ kɛ nɛ bɛ̀ ǹ ti wúlu mànan ganaa. 16Lawa a wúlu-bɔle lɛ die a wo ka bɛa Lawa gɔ ǹ mànan lɛn nɛ Lawa yɔrɔ-a, bɛ kio, a sii baraa sawaa ǹ wúlu bɔ, a wúlu màn tã. 17A die a sère gɔ̀lɔ̀ kɛ laanka kankaan yɔ bùbaã buuru lɛ kɔ Dɛnaa Lawa la, barka da ǹ wúlu màn lɛa. Ka bɛ dɔ nɛ, a die a wúlu bɔ ka Lawa gɔ ǹ wùsu kɛ laanka duvɛ̃ kɛ nɛ. 18Bɛ kio, din-kɔwole lɛ nə n mìi ka mɛn koa a din kɔ lɛ a sii a kɔnboe lɛa, a die a bɛ kɔɔ̃ kɔn yɛ ka Lawa nɛ ǹ kion kɛa kiɛnlɛ-a, a bɛa mìi ka kɛ lɛ goa a zũ tɛ kɛ nɛ kuĩ barka da ǹ wúlu màn kɛ giulun. 19Lawa a wúlu-bɔle lɛ die a sère gɔ̀lɔ̀ lɛ nyàa saa a miɛ̃maa, a yɔ bùbaã kiɔmɔsɔ̃ goon bɔ kankaan lɛ nɛ, ka yɔ bùbaã mɔ̀mɔ nɛ, a ǹ kaa din-kɔwole lɛ gɔn, a mìi kɛ a kɔɔ̃ kio, mìi mɛn lɛ bɛ́ a dinkɔ ǹ sii a kɔnboe lɛa. 20Lawa a wúlu-bɔle lɛ die a ǹ kɔ Lawa la ǹ sii zɛnaa. Bɛa Lawa gɔ ǹ mànan kɛn lɛn man doe Lawa a wúlu-bɔle lɛ ganaa ka màn tìã lɛ laanka a gisi kɛ nɛ doe a ganaa lɛlɛndun. Bɛ kio, din-kɔwole lɛ á boe la a duvɛ̃ mi. 21Bɛ̀ min mɛn nə́ n din-kɔ Lawa la, á lɛ-kɔ wɔ, landa mɛn bɛ́ a tan a wɔ paǹ li, a din lɛ n ka bɛ nɛ. A doamaa bɛ́ nɛ a màn mɛn kɔ Dɛnaa Lawa la, a din-kɔ lɛ wɔ lɛa, a din nə ka bɛ nɛ, ka a din gɔn bɛ́ re kɔnpii ka màn mɛn nɛ a da bɛ la. A lɛ-kɔ mɛn wɔ á kɔnpɛ ka a din-kɔ Lawa la ǹ landa kɛ nɛ, a doamaa nɛ a bɛ lɛ pã.»
Barka da min ganaa
22Dɛnaa Lawa boo da Muizu ni, á pɛ: 23– Boo da Aarɔn laanka a nɛgiĩn ni, n pɛ ǹ nɛ mà ǹ doamaa bɛ́ nɛ ǹ barka da Izirayeli minin lɛn ganaa ka boon mɛnɛn nɛ, mà bɛn nə́ ke:
24«Dɛnaa Lawa die a n dɔ ka lɛ,
a ka tamaa.
25Dɛnaa Lawa die a n yɔrɔ bǐɛ̃ da ka la,
a bǐɛ̃ kɔ ka ganaa.
26Dɛnaa Lawa yii die a goã ka la,
a là nyantoro kɔ ka la.»
27Ka die ka n lɛ koa masɛ tɔ lɛ-a Izirayeli minin lɛn lɛa miɛ̃, ma á die barka diɛ ka ganaa.
اکنون انتخاب شده:
MNS 6: SBPE2011
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
San Bible Protestant Edition © Bible Society of Burkina Faso, 2011.
MNS 6
6
Landa mɛn bɛ́ a tan min a din kɔ Lawa la wɔ paǹ li
1Dɛnaa Lawa boo da Muizu ni, á pɛ: 2«Boo da Izirayeli minin lɛn nɛ n pɛ ǹ nɛ: Bɛ̀ giĩ hinlaa lɔ lɛ kɔ, mà asɛ n die n din koe Dɛnaa Lawa la, a dí nya nɛ, 3#Luk 1.15 bɛa dɛnaa lɛ doamaa bie a duvɛ̃ laanka yɔ kakaarɛn mi wa, a doamaa bie a duvɛ̃ a pipiã hinlaa yɔ kakaarɛ a pipiã mi wa. A doamaa bie a rezɛ̃ mu tɔrɔ kɔn din mi wa, a doamaa bie a rezɛ̃ nɛ buruu hinlaa rezɛ̃ nɛ laa bii wa. 4A din-kɔ biikoo lɛ tumaa gɔ́ɔ̃ nɛ, màn mɛn bɛ́ ǹ nə́ zɛnaa ka *rezɛ̃ da nɛ nɛ, a we-n hinlaa a fɔrɔ nɛ, a baran bɛ kɔn wɔ a lɛ-n wa. 5Din-kɔ biikoo lɛ tumaa gɔ́ɔ̃ nɛ, kùn ba re n diɛ a mìi-n wa, yǎa a din-kɔ Dɛnaa Lawa la biikoo lɛ lɛ piɛ̃. A doamaa nɛ a goã *yoreene Lawa a paǹ li, a mìi ka pã suuni. 6A din-kɔ Dɛnaa Lawa la biikoo lɛ tumaa gɔ́ɔ̃ nɛ, a baran n mɔrɔ min kɔn gere ganaa wa. 7Ta ǹ di ni hinlaa ǹ dan nɛ, Ta ǹ dɔɔ̃ngiĩ hinlaa ǹ miãnɛn nɛ, bɛ̀ bɛ mɛn gã, a doamaa bie a n mɔrɔ a gere-a, a *gɔ̀ da a din-a wa. A giala, a din-kɔ Lawa la lɛ a sii a kɔnboe tá a mìi ni.
8A din-kɔ biikoo lɛ tumaa gɔ́ɔ̃ nɛ, a n Lawa wɔ lɛa. 9Bɛ̀ gɛ̀ min dɛ tán bǎã goon ne din-kɔ Lawa la wole lɛ genli, yiri ná a ba li wa, yǎa bɛ gɔ̀ da a din-kɔ Lawa la ǹ mìi lɛ ganaa, bɛ̀ a tá gɔ̀ boe a din-a ǹ mɛn pinaa, a doamaa nɛ, a n mìi lɛ kɔɔ̃. A kɔɔ̃ a lɛawaa sɔbaabaa ǹ wɔ pinaa. 10A lɛawaa kiwisibaa ǹ wɔ pinaa, a doamaa nɛ, a da wuruun màn paa hinlaa zɛrɛkantoan ten màn paa kɔ Lawa a wúlu-bɔle la, kɔn yɛ ka Lawa nɛ ǹ kion kɛ a kiɛnlɛ-a. 11Lawa a wúlu-bɔle lɛ n die goon biɛ sii baraa sawaa ǹ *wúlu màn lɛa, a goon kɛ baa wúlu màn tiɛ̃ lɛa. Din-kɔ Lawa la wole lɛ sã mɛn wɔ gere lɛ taman yii, Lawa a wúlu-bɔle lɛ bɛa sawaa ǹ sii zɛnaa. A din pinaa lɛ nɛ, din-kɔ Lawa la wole lɛ gɔ̀ bɔ a mìi ganaa. 12A wusoo doo a na a din-kɔ Dɛnaa Lawa la ǹ biikoo lɛ kɔ Dɛnaa Lawa la. A da ka lɛ̀ goon sère nɛ nɛ, zɛ̀rɛ si ǹ wúlu màn lɛa. A biikoo mɛn zɛnaa lɛlɛ din-kɔ lɛ gɔ́ɔ̃ nɛ, bɛ ba a-n wa, a giala a ná a n din-kɔ Lawa la lɛ ziziɛ̃.
13 #
NDS 21.23-24
Landa mɛn bɛ́ a tan din-kɔ Lawa la wole lɛ wɔ paǹ li, bɛ á ke: Bɛ̀ a din-kɔ Lawa la biikoo lɛ lɛ pã, ǹ kũ ǹ da nɛ kɔn yɛ ka Lawa nɛ ǹ kion kɛ a kiɛnlɛ-a. 14A da ka a Lawa gɔ ǹ màn nɛ a kɔ Lawa la: lɛ̀ goon sère nɛ gɔ̀lɔ̀n mɛn nə́ ke wɔ̀lɔ̀ ná a ba a ganaa wa, wúlu màn tiɛ̃ lɛa, lɛ̀ goon sère nɛ luun mɛn nə́ ke wɔ̀lɔ̀ ná a ba a ganaa wa, sii baraa sawaa ǹ wúlu màn lɛa, ka sère gɔ̀lɔ̀ mɛn nə́ ke wɔ̀lɔ̀ ná a ba a ganaa wa, barka da ǹ wúlu màn lɛa. 15Yɔ bùbaã buuru mɛn bɛ́ ǹ nə́ da ka *wùsu sonbore ne, a da ka bɛa kankaan yii goon ne, ka wùsu sonbore kiɔmɔsɔ̃ mɛn bɛ́ ǹ ná a wùsu yia ka nyɔɔ nɛ, ka yɔ bùbaã mɔ̀mɔ mɛn bɛ́ ǹ nə́ nyɔɔ kaa a ganaa, ka Lawa gɔ ǹ wùsu kɛ laanka duvɛ̃ kɛ nɛ bɛ̀ ǹ ti wúlu mànan ganaa. 16Lawa a wúlu-bɔle lɛ die a wo ka bɛa Lawa gɔ ǹ mànan lɛn nɛ Lawa yɔrɔ-a, bɛ kio, a sii baraa sawaa ǹ wúlu bɔ, a wúlu màn tã. 17A die a sère gɔ̀lɔ̀ kɛ laanka kankaan yɔ bùbaã buuru lɛ kɔ Dɛnaa Lawa la, barka da ǹ wúlu màn lɛa. Ka bɛ dɔ nɛ, a die a wúlu bɔ ka Lawa gɔ ǹ wùsu kɛ laanka duvɛ̃ kɛ nɛ. 18Bɛ kio, din-kɔwole lɛ nə n mìi ka mɛn koa a din kɔ lɛ a sii a kɔnboe lɛa, a die a bɛ kɔɔ̃ kɔn yɛ ka Lawa nɛ ǹ kion kɛa kiɛnlɛ-a, a bɛa mìi ka kɛ lɛ goa a zũ tɛ kɛ nɛ kuĩ barka da ǹ wúlu màn kɛ giulun. 19Lawa a wúlu-bɔle lɛ die a sère gɔ̀lɔ̀ lɛ nyàa saa a miɛ̃maa, a yɔ bùbaã kiɔmɔsɔ̃ goon bɔ kankaan lɛ nɛ, ka yɔ bùbaã mɔ̀mɔ nɛ, a ǹ kaa din-kɔwole lɛ gɔn, a mìi kɛ a kɔɔ̃ kio, mìi mɛn lɛ bɛ́ a dinkɔ ǹ sii a kɔnboe lɛa. 20Lawa a wúlu-bɔle lɛ die a ǹ kɔ Lawa la ǹ sii zɛnaa. Bɛa Lawa gɔ ǹ mànan kɛn lɛn man doe Lawa a wúlu-bɔle lɛ ganaa ka màn tìã lɛ laanka a gisi kɛ nɛ doe a ganaa lɛlɛndun. Bɛ kio, din-kɔwole lɛ á boe la a duvɛ̃ mi. 21Bɛ̀ min mɛn nə́ n din-kɔ Lawa la, á lɛ-kɔ wɔ, landa mɛn bɛ́ a tan a wɔ paǹ li, a din lɛ n ka bɛ nɛ. A doamaa bɛ́ nɛ a màn mɛn kɔ Dɛnaa Lawa la, a din-kɔ lɛ wɔ lɛa, a din nə ka bɛ nɛ, ka a din gɔn bɛ́ re kɔnpii ka màn mɛn nɛ a da bɛ la. A lɛ-kɔ mɛn wɔ á kɔnpɛ ka a din-kɔ Lawa la ǹ landa kɛ nɛ, a doamaa nɛ a bɛ lɛ pã.»
Barka da min ganaa
22Dɛnaa Lawa boo da Muizu ni, á pɛ: 23– Boo da Aarɔn laanka a nɛgiĩn ni, n pɛ ǹ nɛ mà ǹ doamaa bɛ́ nɛ ǹ barka da Izirayeli minin lɛn ganaa ka boon mɛnɛn nɛ, mà bɛn nə́ ke:
24«Dɛnaa Lawa die a n dɔ ka lɛ,
a ka tamaa.
25Dɛnaa Lawa die a n yɔrɔ bǐɛ̃ da ka la,
a bǐɛ̃ kɔ ka ganaa.
26Dɛnaa Lawa yii die a goã ka la,
a là nyantoro kɔ ka la.»
27Ka die ka n lɛ koa masɛ tɔ lɛ-a Izirayeli minin lɛn lɛa miɛ̃, ma á die barka diɛ ka ganaa.
San Bible Protestant Edition © Bible Society of Burkina Faso, 2011.