MNS 17
17
Yiri gisĩ ǹ siin Koree a gòãn dii paǹ li
1Dɛnaa Lawa boo da Muizu ni, á pɛ nɛ: 2«Lawa a wúlu-bɔle Eleyazaara ke, Aarɔn a nɛgiĩ lɛa, a pɛ bɛ nɛ, a da yon gìĩ kɔɔ̃n kaa ǹ mànan kɛn waa, a ǹ bɔ tɛ lɛ nɛ, a ǹ tɛ nàn pɛsɛ̃ tán tìãlɛ-a. A giala, maǹ nə́ n baa masɛ wɔn lɛa. 3Min mɛnɛn lɛn nə gã ǹ sii baraa taman yii, ka bɛn da yon gìĩ kɔɔ̃n kaa ǹ mànan lɛn goa, ka ǹ məə ǹ baalaa kɔ, ka ǹ kaa *wúlu bɔ ǹ bǎã kɛ gɔ̀nɔn-a. A giala, maǹ nə́ daa ǹ nɛ masɛ yɔrɔ-a, ǹ nə́ masɛ wɔn baa. Ǹ tá re yiri gisĩ sii ni ǹ mànan biɛ Izirayeli minin lɛn gɔn.»
4Tɛ min mɛnɛn lɛn kũ ǹ yii n koo, bɛn nə goã ǹ nə́ daa ka da yon gìĩ kɔɔ̃n kaa ǹ zan mànan mɛnɛn nɛ Lawa yɔrɔ-a, Lawa a wúlu-bɔle Eleyazaara lɛ tɔ́n bɛn goa, á ǹ məə, ǹ nə́ ǹ kaa wúlu bɔ ǹ bǎã lɛ la. 5Bɛa zɛnaa miɛ̃ kɛ lɛ n Izirayeli minin lɛn yiri diɛ a nɛ, mà bɛ̀ á n bɔ Aarɔn a tanlɛ nɛ, min kɔsɔ doamaa bie a da yon gìĩ kɔɔ̃n tã Dɛnaa Lawa yɔrɔ-a wa. Ń giɛ, sii mɛn nə Koree laanka a kiodɛnan yɛ, bɛ baran ǹ dɛnaa yɛ wa. Sii lɛ tumaa nə́ n zɛnaa, ka Dɛnaa Lawa goã, á Muizu baa zɛlɛ lɛa á pɛn lɔn.
Zaman lɛ a piã
6Bɛa lɛawaa, zaman lɛ tumaa zùũzùũ si Muizu laanka Aarɔn ganaa, ǹ nə́ pɛ: «Ka dinin man ka Dɛnaa Lawa a zaman lɛ dɛ.»
7A zaman lɛ toa ǹ nə́ n kaa kun ǹ nə́ yui Muizu laanka Aarɔn gialaa, Muizu laanka Aarɔn nə́ n yɔrɔ bɔyaa ǹ nə́ dia kɔn yɛ ka Lawa nɛ ǹ kion kɛ la, bɛ̀ tɛmaa bara á ke á n kuməə a ganaa, Dɛnaa Lawa a gugurubaa daa n din nyaa. 8Muizu laanka Aarɔn tɔ́n kiɛ̃ ǹ nə́ woo kɔn yɛ ka Lawa nɛ ǹ kion lɛ yɔrɔ-a. 9Dɛnaa Lawa boo da Muizu ni, á pɛ-n kɛnɛn: 10«Ka n wɔlɔ lui zaman lɛ ganaa, masɛ n die ǹ bɔ̀n biɛ bǎã goon.»
Muizu laanka Aarɔn na, ǹ nə́ kaa tán ǹ lɛ la. 11Muizu tɔ́n pɛ Aarɔn nɛ: «N da yon gìĩ kɔɔ̃n kaa ǹ màn lɛ saa, n tɛ nàn bɔ wúlu bɔ ǹ bǎã kɛ nɛ n kaa a nɛ, n da yon gìĩ kɔɔ̃n dɔ kaa a nɛ, n nə n nanaa n wo dɔ zaman lɛ li. N sii baraa sawaa ǹ wúlu bɔ zaman lɛ a lɛa, a giala Dɛnaa Lawa foo nə́ n da a lɛ la. Koe nə́ n giala kɔ gɔrɔ.»
12Aarɔn tɔ́n da yon gìĩ kɔɔ̃n kaa ǹ màn lɛ saa, ka Muizu pɛ-n lɔn. Á baa si á woo dɔ zaman lɛ li, bɛ̀ koe á ke á n giala kɔ ǹ ganaa sonbore. Á da yon gìĩ kɔɔ̃n lɛ tã, á sii baraa sawaa ǹ wúlu bɔ ǹ sii zɛnaa zaman lɛ a lɛa. 13Aarɔn golee zaman lɛ a geren laanka a yiikoonaan bii, koe lɛ woo. 14Sii lɛ min mɛnɛn bii, ǹ kaa kun nə min duu fulusii ka biɛsɔbaa (14 700), min mɛnɛn nə goã ǹ nə́ gã Koree a sii kɛ gòã wuu li, bɛn nə́ ǹ ba a-n wa. 15Koe lɛ a woo kio gɔrɔ, Aarɔn wusoo á woo Muizu li, kɔn yɛ ka Lawa nɛ ǹ kion lɛ a kiɛnlɛ-a.
Aarɔn a bàlà buũ kɔ
16Dɛnaa Lawa boo da Muizu ni, á pɛ: 17«A pɛ Izirayeli minin lɛn nɛ, mà tɔrɔ gogoonmaa a nyɛɛnaandɛnaa da bàlà goon kɔ n la. Bàlà lɛ a kaa kun nə goɛ̃ fulupaa. Tanlɛ lɛ gogoonmaa tɔ kiɛ̃ a bàlà ganaa. 18Aarɔn tɔ kiɛ̃ *Levii tɔrɔn bàlà sɛ ganaa. Bɛa yɔrɔ lɛ la, tanlɛ lɛ gogoonmaa a nyɛɛnaandɛnaa a bàlà n die goɛ̃ goon dinsɔɔ̃. 19Bɛ kio, ń die n bàlàn lɛn kaa tán kɔn yɛ ka Lawa nɛ ǹ kion kɛ nɛ, *lɛ kɔ kɔn la ǹ goo lɛ yɔrɔ-a, ma bɛ́ nɛn bɛ̀ ma n din nyaa ka nɛ bǎã mɛn lɛ nɛ. 20Ma bɛ́ má min mɛn bɔ, bɛa dɛnaa a bàlà lɛ á die luu piɛ̃. Izirayeli minin bɛ́ zùũzùũ mɛn sii ka ganaa, ma n die bɛ wɔlɔ lui ma din-a ka bɛa yɔrɔ lɛ nɛ.»
21Muizu tɔ́n bɛa boon kɛn lɛn pɛ Izirayeli minin lɛn nɛ. Tanlɛ lɛn dinin bɛ́ lɔn, ǹ gogoonmaa a nyɛɛnaandɛnaa daa bàlà goon kɔ Muizu la. Bàlà lɛ a kaa kun nə fulupaa. Aarɔn a bàlà lɛ goã kun ka bɛa bàlàn kɛn lɛn nɛ. 22Muizu bàlàn lɛn kaa tán Dɛnaa Lawa a lɛ kɔ kɔn la ǹ goo lɛ yɔrɔ-a, mɔnaa zìã lɛ nɛ. 23#Ebr 9.4 Bɛ́ a lɛawaa, Muizu bɛ́ á woo wɔ mɔnaa zìã lɛ nɛ, á Levii a tanlɛ min Aarɔn a bàlà lɛ yɛ á luu pã, á buũ kɔ, á nɛ kɔ amandie da nɛ lɛa, á ma. 24Muizu bàlàn lɛn tumaa goa mɔnaa zìã lɛ nɛ, á woo ǹ nyaa Izirayeli minin lɛn manɛ. Min tumaa boo la á ǹ yɛ, nyɛɛnaandɛnan lɛn gogoonmaa tɔ́n na a wɔ si. 25Dɛnaa Lawa wusoo á pɛ Muizu ni: «Wusoo n Aarɔn a bàlà lɛ sɛ da tán lɛ kɔ kɔn la ǹ goo lɛ nyɛɛnɛ, n koa sii a kɔnboe lɛa piã wolen kɛn manɛ. Bɛa yɔrɔ lɛ la, n tá re Izirayeli minin lɛn zùũzùũ si wɔlɔ lui masɛ ganaa, gɛ̀ dɔlɔ ná a ba n boe ǹ ganaa wa.»
26Muizu dɔ́ zɛnaa miɛ̃. Dɛnaa Lawa pɛ-n lɔn a na á baa miɛ̃.
27Izirayeli minin lɛn nə́ tɔ́n boo da Muizu ni, ǹ nə́ pɛ: «N yii ba a ganaa, wɔ n gigiɛ̃, wɔ tumaa ń gɛ̀ lɛnpɛnɛ wa? 28Bɛ̀ min woo min nə́ n mɔrɔ Dɛnaa Lawa a kion lɛ-a, ǹ dɛnaa n giɛ̃. Wɔsɛn tumaa n die giɛ̃ bɛa yɔrɔ kɛ lɛ la, wɔ nya lenlen koɛ?»
اکنون انتخاب شده:
MNS 17: SBPE2011
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
San Bible Protestant Edition © Bible Society of Burkina Faso, 2011.
MNS 17
17
Yiri gisĩ ǹ siin Koree a gòãn dii paǹ li
1Dɛnaa Lawa boo da Muizu ni, á pɛ nɛ: 2«Lawa a wúlu-bɔle Eleyazaara ke, Aarɔn a nɛgiĩ lɛa, a pɛ bɛ nɛ, a da yon gìĩ kɔɔ̃n kaa ǹ mànan kɛn waa, a ǹ bɔ tɛ lɛ nɛ, a ǹ tɛ nàn pɛsɛ̃ tán tìãlɛ-a. A giala, maǹ nə́ n baa masɛ wɔn lɛa. 3Min mɛnɛn lɛn nə gã ǹ sii baraa taman yii, ka bɛn da yon gìĩ kɔɔ̃n kaa ǹ mànan lɛn goa, ka ǹ məə ǹ baalaa kɔ, ka ǹ kaa *wúlu bɔ ǹ bǎã kɛ gɔ̀nɔn-a. A giala, maǹ nə́ daa ǹ nɛ masɛ yɔrɔ-a, ǹ nə́ masɛ wɔn baa. Ǹ tá re yiri gisĩ sii ni ǹ mànan biɛ Izirayeli minin lɛn gɔn.»
4Tɛ min mɛnɛn lɛn kũ ǹ yii n koo, bɛn nə goã ǹ nə́ daa ka da yon gìĩ kɔɔ̃n kaa ǹ zan mànan mɛnɛn nɛ Lawa yɔrɔ-a, Lawa a wúlu-bɔle Eleyazaara lɛ tɔ́n bɛn goa, á ǹ məə, ǹ nə́ ǹ kaa wúlu bɔ ǹ bǎã lɛ la. 5Bɛa zɛnaa miɛ̃ kɛ lɛ n Izirayeli minin lɛn yiri diɛ a nɛ, mà bɛ̀ á n bɔ Aarɔn a tanlɛ nɛ, min kɔsɔ doamaa bie a da yon gìĩ kɔɔ̃n tã Dɛnaa Lawa yɔrɔ-a wa. Ń giɛ, sii mɛn nə Koree laanka a kiodɛnan yɛ, bɛ baran ǹ dɛnaa yɛ wa. Sii lɛ tumaa nə́ n zɛnaa, ka Dɛnaa Lawa goã, á Muizu baa zɛlɛ lɛa á pɛn lɔn.
Zaman lɛ a piã
6Bɛa lɛawaa, zaman lɛ tumaa zùũzùũ si Muizu laanka Aarɔn ganaa, ǹ nə́ pɛ: «Ka dinin man ka Dɛnaa Lawa a zaman lɛ dɛ.»
7A zaman lɛ toa ǹ nə́ n kaa kun ǹ nə́ yui Muizu laanka Aarɔn gialaa, Muizu laanka Aarɔn nə́ n yɔrɔ bɔyaa ǹ nə́ dia kɔn yɛ ka Lawa nɛ ǹ kion kɛ la, bɛ̀ tɛmaa bara á ke á n kuməə a ganaa, Dɛnaa Lawa a gugurubaa daa n din nyaa. 8Muizu laanka Aarɔn tɔ́n kiɛ̃ ǹ nə́ woo kɔn yɛ ka Lawa nɛ ǹ kion lɛ yɔrɔ-a. 9Dɛnaa Lawa boo da Muizu ni, á pɛ-n kɛnɛn: 10«Ka n wɔlɔ lui zaman lɛ ganaa, masɛ n die ǹ bɔ̀n biɛ bǎã goon.»
Muizu laanka Aarɔn na, ǹ nə́ kaa tán ǹ lɛ la. 11Muizu tɔ́n pɛ Aarɔn nɛ: «N da yon gìĩ kɔɔ̃n kaa ǹ màn lɛ saa, n tɛ nàn bɔ wúlu bɔ ǹ bǎã kɛ nɛ n kaa a nɛ, n da yon gìĩ kɔɔ̃n dɔ kaa a nɛ, n nə n nanaa n wo dɔ zaman lɛ li. N sii baraa sawaa ǹ wúlu bɔ zaman lɛ a lɛa, a giala Dɛnaa Lawa foo nə́ n da a lɛ la. Koe nə́ n giala kɔ gɔrɔ.»
12Aarɔn tɔ́n da yon gìĩ kɔɔ̃n kaa ǹ màn lɛ saa, ka Muizu pɛ-n lɔn. Á baa si á woo dɔ zaman lɛ li, bɛ̀ koe á ke á n giala kɔ ǹ ganaa sonbore. Á da yon gìĩ kɔɔ̃n lɛ tã, á sii baraa sawaa ǹ wúlu bɔ ǹ sii zɛnaa zaman lɛ a lɛa. 13Aarɔn golee zaman lɛ a geren laanka a yiikoonaan bii, koe lɛ woo. 14Sii lɛ min mɛnɛn bii, ǹ kaa kun nə min duu fulusii ka biɛsɔbaa (14 700), min mɛnɛn nə goã ǹ nə́ gã Koree a sii kɛ gòã wuu li, bɛn nə́ ǹ ba a-n wa. 15Koe lɛ a woo kio gɔrɔ, Aarɔn wusoo á woo Muizu li, kɔn yɛ ka Lawa nɛ ǹ kion lɛ a kiɛnlɛ-a.
Aarɔn a bàlà buũ kɔ
16Dɛnaa Lawa boo da Muizu ni, á pɛ: 17«A pɛ Izirayeli minin lɛn nɛ, mà tɔrɔ gogoonmaa a nyɛɛnaandɛnaa da bàlà goon kɔ n la. Bàlà lɛ a kaa kun nə goɛ̃ fulupaa. Tanlɛ lɛ gogoonmaa tɔ kiɛ̃ a bàlà ganaa. 18Aarɔn tɔ kiɛ̃ *Levii tɔrɔn bàlà sɛ ganaa. Bɛa yɔrɔ lɛ la, tanlɛ lɛ gogoonmaa a nyɛɛnaandɛnaa a bàlà n die goɛ̃ goon dinsɔɔ̃. 19Bɛ kio, ń die n bàlàn lɛn kaa tán kɔn yɛ ka Lawa nɛ ǹ kion kɛ nɛ, *lɛ kɔ kɔn la ǹ goo lɛ yɔrɔ-a, ma bɛ́ nɛn bɛ̀ ma n din nyaa ka nɛ bǎã mɛn lɛ nɛ. 20Ma bɛ́ má min mɛn bɔ, bɛa dɛnaa a bàlà lɛ á die luu piɛ̃. Izirayeli minin bɛ́ zùũzùũ mɛn sii ka ganaa, ma n die bɛ wɔlɔ lui ma din-a ka bɛa yɔrɔ lɛ nɛ.»
21Muizu tɔ́n bɛa boon kɛn lɛn pɛ Izirayeli minin lɛn nɛ. Tanlɛ lɛn dinin bɛ́ lɔn, ǹ gogoonmaa a nyɛɛnaandɛnaa daa bàlà goon kɔ Muizu la. Bàlà lɛ a kaa kun nə fulupaa. Aarɔn a bàlà lɛ goã kun ka bɛa bàlàn kɛn lɛn nɛ. 22Muizu bàlàn lɛn kaa tán Dɛnaa Lawa a lɛ kɔ kɔn la ǹ goo lɛ yɔrɔ-a, mɔnaa zìã lɛ nɛ. 23#Ebr 9.4 Bɛ́ a lɛawaa, Muizu bɛ́ á woo wɔ mɔnaa zìã lɛ nɛ, á Levii a tanlɛ min Aarɔn a bàlà lɛ yɛ á luu pã, á buũ kɔ, á nɛ kɔ amandie da nɛ lɛa, á ma. 24Muizu bàlàn lɛn tumaa goa mɔnaa zìã lɛ nɛ, á woo ǹ nyaa Izirayeli minin lɛn manɛ. Min tumaa boo la á ǹ yɛ, nyɛɛnaandɛnan lɛn gogoonmaa tɔ́n na a wɔ si. 25Dɛnaa Lawa wusoo á pɛ Muizu ni: «Wusoo n Aarɔn a bàlà lɛ sɛ da tán lɛ kɔ kɔn la ǹ goo lɛ nyɛɛnɛ, n koa sii a kɔnboe lɛa piã wolen kɛn manɛ. Bɛa yɔrɔ lɛ la, n tá re Izirayeli minin lɛn zùũzùũ si wɔlɔ lui masɛ ganaa, gɛ̀ dɔlɔ ná a ba n boe ǹ ganaa wa.»
26Muizu dɔ́ zɛnaa miɛ̃. Dɛnaa Lawa pɛ-n lɔn a na á baa miɛ̃.
27Izirayeli minin lɛn nə́ tɔ́n boo da Muizu ni, ǹ nə́ pɛ: «N yii ba a ganaa, wɔ n gigiɛ̃, wɔ tumaa ń gɛ̀ lɛnpɛnɛ wa? 28Bɛ̀ min woo min nə́ n mɔrɔ Dɛnaa Lawa a kion lɛ-a, ǹ dɛnaa n giɛ̃. Wɔsɛn tumaa n die giɛ̃ bɛa yɔrɔ kɛ lɛ la, wɔ nya lenlen koɛ?»
San Bible Protestant Edition © Bible Society of Burkina Faso, 2011.