MNS 1
1
Izirayeli minin nimii bibinaa
1 #
MNS 26.1-51
Izirayeli minin lɛn soo a bɔ Ezipti gána nɛ a lɛ̀ paabaa ǹ wɔ, a mui paabaa ǹ wɔ a lɛawaa bibinaa pinaa, Dɛnaa Lawa boo da ka Muizu ni, Sinayii diə gole ne, kɔn yɛ ka Lawa nɛ ǹ kion kɛ nɛ, á pɛ: 2«N din laanka Aarɔn nɛ, ka Izirayeli a zaman lɛ tumaa nimi tanlɛ yii li, sumu lɛ yii li, ka giĩn tumaa saa a giala-a gogoon ka ǹ nimi. 3Giĩn mɛnɛn tumaa lɛ̀ fuə bɛ́ nɛ, ka lɛ̀ fuə ka kio ne, ǹ mɛnɛn tumaa bɛ́ Izirayeli minin lɛa, ǹ nə́ boe sɔraasibaa la, ka bɛn nimi zia-baali kuru lɛ yii li. 4Ka tɔrɔ gogoonmaa a giĩ goon kũ, giĩ mɛn nə́ ke kɛdɛnaa lɛa, ka ti ka dinin ganaa. 5Giĩn mɛnɛn lɛn bɛ́ re n doe ka lɛ, bɛn tɔn nə́ ke:
Urubɛn tɔrɔn bii: Sedewuru a nɛgiĩ Elisuuru;
6Simiɔn tɔrɔn bii: Kurisadayii a nɛgiĩ Selumiyeli;
7Zudaa tɔrɔn bii: Aminaadaabu a nɛgiĩ Naasɔn;
8Isakaara tɔrɔn bii: Sowaara a nɛgiĩ Netaneli;
9Zabulɔn tɔrɔn bii: Elɔn a nɛgiĩ Eliabu;
10Zozɛfu a nɛgiĩ Efrayimu tɔrɔn bii: Amiwudu a nɛgiĩ Elisamaa; Zozɛfu a nɛgiĩ Manaasee tɔrɔn bii: Pedsuuru a nɛgiĩ Gamulieli;
11Bɛnzamɛn tɔrɔn bii: Gideonii a nɛgiĩ Abidan;
12Dan tɔrɔn bii: Amisadayi a nɛgiĩ Ayiezɛɛrɛ;
13Asɛɛrɛ tɔrɔn bii: Okran a nɛgiĩ Pagiyeli;
14Gaadi tɔrɔn bii: Dewɛli a nɛgiĩ Eliasaafu;
15Nɛfutalii tɔrɔn bii: Eyinan a nɛgiĩ Ayiraa.»
16Ǹ zaman lɛ a min mɛnɛn bii wɔ, ǹ dinin man ka kɛn nɛ. Maǹ nə ǹ tɔrɔn goledɛnan lɛa, ǹ nə́ Izirayeli gána a sɔraasin nyɛɛnaandɛnan dɔn lɛa. 17Bɛa giĩn kɛn lɛn ǹ nə́ ǹ bɔ, Muizu laanka Aarɔn nə́ ǹ kũ ǹ nə́ ǹ baa ǹ kiodɛnan lɛa. 18Bɛ kio, ǹ nə́ zaman lɛ tumaa sɔkɔn mui paabaa ǹ wɔ a lɛawaa bibinaa pinaa. Izirayeli minin lɛn nə́ n tɔrɔ basan pɛ tanlɛ yii li, sumu lɛ yii li. Giĩn mɛnɛn lɛ̀ fuə bɛ́ nɛ, ka lɛ̀ fuə ka kio ne, ǹ nə́ goã bɛn siɛ a giala-a gogoon ǹ tá ǹ tɔn kiɛ̃. 19Muizu Izirayeli minin lɛn nimi Sinayii diə gole kɛ nɛ, ka Dɛnaa Lawa goã á wɔ a too-n lɔn.
20-43Ǹ nə́ Izirayeli tɔrɔn lɛn gogoonmaa a minin nimi tanlɛ yii li, sumu lɛ yii li. Giĩn mɛnɛn tumaa lɛ̀ fuə bɛ́ nɛ, ka lɛ̀ fuə ka kio ne, ǹ nə́ boe sɔraasibaa la, ǹ nə́ bɛn tɔn goa. Maǹ nə́ minin nimii lɛ giala kɔ Zakɔbu a nɛgiĩ bibinaa Urubɛn tɔrɔn ganaa. Ǹ minbuiin lɛ mɛn yɛ, bɛa kaa kun:
Urubɛn tɔrɔn: min duu pusiwensɔrɔ ka biɛsooro (46 500)
Simiɔn tɔrɔn: min duu posoorowenmanangɔrɔ ka biɛsɔɔ (59 300)
Gaadi tɔrɔn: min duu pusiwensooro ka biɛsɔrɔ ka posooro (45 650)
Zudaa tɔrɔn: min duu pɔsɔbaawensii ka biɛsɔrɔ (74 600)
Isakaara tɔrɔn: min duu posoorowensii ka biɛsii (54 400)
Zabulɔn tɔrɔn: min duu posoorowensɔbaa ka biɛsii (57 400)
Zozɛfu a nɛgiĩ Efrayimu tɔrɔn: min duu pusi ka biɛsooro (40 500)
Zozɛfu a nɛgiĩ Manaasee tɔrɔn: min duu pɔsɔɔwenpaa ka biɛpaa (32 200)
Bɛnzamɛn tɔrɔn: min duu pɔsɔɔwensooro ka biɛsii (35 400)
Dan tɔrɔn: min duu pɔsɔrɔwenpaa ka biɛsɔbaa (62 700)
Asɛɛrɛ tɔrɔn: min duu pusiwengoon ka biɛsooro (41 500)
Nɛfutalii tɔrɔn: min duu posoorowensɔɔ ka biɛsii (53 400).
44Muizu laanka Aarɔn nɛ, ka Izirayeli gána a nyɛɛnaandɛnaa fulupaa kɛ nɛ, tɔrɔ lɛ a gogoon wɔ lɛa, bɛn nə zaman lɛ nimi ǹ nə́ minbuiin lɛ mɛn yɛ, bɛn man ka kɛn nɛ. 45Ǹ Izirayeli minin mɛnɛn tumaa nimi, ǹ lɛ̀ ń lɛ̀ fuə, ka lɛ̀ fuə ka kio ne, ǹ nə́ boe sɔraasi baa dɔ la, 46bɛn tumaa a kaa kun na á kɔnpɛ ka min duu biɛ sɔrɔ ka duu sɔɔ ka biɛsooro ka posooro (603 550).
47Sɛnɛ, ǹ goã ǹ nə́ *Levii tɔrɔn nimi kun ka Izirayeli min gialakunun lɛn nɛ wa. 48A giala, Dɛnaa Lawaa na á goã á pɛ Muizu ni: 49«N baran Levii tɔrɔn lɛn nimi kun ka Izirayeli min gialakunun lɛn nɛ wa. 50Lɛ kɔ kɔn la ǹ boon kɛn bɛ́ kion sonbore mɛn nɛ, bɛa sii wɔ Levii tɔrɔn lɛn sɛn gɔn, ka zìã kion sonbore lɛ a màn baaran tumaa laanka a dí nya ǹ mànan nɛ. Levii tɔrɔn lɛn dinin man die kion sonbore lɛ guĩ, kun ka a màn baaran tumaa nɛ, ǹ na a dí nya. Ǹ tá re ǹ giã ǹ bǎãn dɔdoɛ, bɛ̀ ǹ kion sonbore lɛ da bii ni. 51Bɛ̀ bɛa mɔnaa zìã lɛ tá re n siɛ ǹ mɛn waáraa, Levii tɔrɔn lɛn nə bɔbɔkɔnlɛ. Bɛ̀ mɔnaa zìã lɛ tá n doɛ giã ǹ bǎã kɔsɔ-n doo, Levii tɔrɔn lɛn die ǹ wɔkɔnlɛ. Bɛ̀ min kɔsɔ tɔrɔ nə́ n mɔrɔ mɔnaa zìã lɛ ganaa, ǹ dɛnaa nyin nə n boe. 52Izirayeli minin lɛn didie die a giã a giã ǹ bǎã nɛ, didie giã kunu a zanzan ganaa, a kɔnpɛ ka a sɔraasi kuru ni. 53Sɛnɛ, Levii tɔrɔn kɛn, bɛn die ǹ nə ǹ giã ǹ bǎãn dɔdoa, ǹ lɛ kɔ kɔn la ǹ boon koa ǹ mɔnaa zìã lɛ da bii ni, màn mɛn bɛ́ toɛ masɛ foo baran yoo Izirayeli zaman lɛ li wa. Levii tɔrɔn man die lɛ kɔ kɔn la ǹ boon koa ǹ mɔnaa zìã lɛ a dí nyɛɛ.» 54Izirayeli minin lɛn man nə́ bɛ lɛ zɛnaa. Dɛnaa Lawa goã á màn mɛn pɛ Muizu ni, ǹ nə́ zɛnaa á kɔnpɛ ka bɛ-n ka te.
اکنون انتخاب شده:
MNS 1: SBPE2011
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
San Bible Protestant Edition © Bible Society of Burkina Faso, 2011.