Iza 62
62
Zeruzalɛmu n die tɔ dii yii
1 *Siɔn, ma a re n lɛ tiɛ̃ wa,
a giala ma á n narɛ,
Zeruzalɛmu, ma a re n toɛ bíi-a kooro
má n maa sii zɛnɛɛ wa,
a giala ma á n narɛ,
ma nə n yii diɛ yǎa n peperebaa
kuĩ ka wɔlɔ fúlu bɛ́ lɔn,
yǎa n kirisibaa kɛ tɛ pii ka
bolon tɛ bɛ́ lɔn.
2Bɛa biikoo li,
tɔrɔn tumaa á re n peperebaa yii.
Kiin tumaa á re n gugurubaa yii.
Dɛnaa Lawa tɔ dii mɛn bɔ,
ǹ tá re bɛ koe n ganaa kəni.
3Ma n die goɛ̃ ka kii bafolo bɛ́
lɔn Dɛnaa Lawa gɔn,
ka kii mɔnaa gɔn siĩn-siĩn bɛ́
lɔn n Lawa gɔn.
4Ǹ ba re n bíi doo mà
«Kiwi mɛn bɛ́ ǹ nə́ n la bɔ
a ganaa» wa.
Ǹ ba re n gána kɛ bíi doo mà
«Kɛbɔlɔ» wa.
Sɛnɛ, maǹ die n bíi
«min mɛn bɛ́ kɔɔ̃n
Dɛnaa Lawa ganaa.»
Ǹ tá re n tán bíi:
«Kɔn-wɔle sonbore.»
A giala,
n tá re kɔɔ̃n koe
Dɛnaa Lawa ganaa,
n tán lɛ dɔ á re zuũ yii.
5Ká tɔntɔraa bɛ́ kɔn we
ka a nɛniɛ-n lɔn,
min mɛn bɛ́ n doe,
bɛ lɛ n die n zuũ biɛ.
Ka lɔ tii bɛ́ n zuũ foo kɔɔ̃n
koe lɔn,
n dɔ n die Dɛnaa Lawa foo
kɔɔ̃n koe miɛ̃.
6Zeruzalɛmu,
má bǎã-lɛduəlin koa
n kungɔnɔn la.
Penleen ka tèlò-n, ǹ ba re n lɛ
tiɛ̃ wa.
«Kasɛn lɛ̀ waa ma yii n koo
wolen lɛn,
ka ǹ Dɛnaa Lawa yiri
gisĩ Zeruzalɛmu ni,
ka nyan nə n susu duduu wa!
7Ka nyan toa a susui yɛ wa,
yǎa a Zeruzalɛmu zɛnɛɛ a nyɛɛ,
yǎa a tɔ boe tán tumaa la.»
8Dɛnaa Lawa nə n liɛ kɛnɛn:
«Maa Lawa Pàãyiidɛnaabaa
kɛ taman yii,
ma a re toɛ n zɔ́ɔn nə n *belee
kɛ bii wa.
N nɔmaa duvɛ̃ mɛn taman yii,
tiin ba re bɛ mii wa.
9Sɛnɛ, min mɛnɛn bɛ́ re belee
lɛ goɛ,
ǹ dininmaan man die bii
bɛ̀ ǹ tá Dɛnaa Lawa tɔ boe ka
loe ne.
Min mɛnɛn bɛ́ re rezɛ̃ lɛ niɛ̃,
maǹ die duvɛ̃ mii maa
kion sonbore kɛa sumu-n.»
10Zeruzalɛmu minin, ka soo!
Ka soo kiwi kɛ-n fufuu!
Ka zii bũ maa zaman nɛ!
Ka zii zɛnaa, ka a kɔlɔn waa!
Ka sii giala pɛ ǹ màn zumu,
tɔrɔn wɔ lɛa!
11 #
Iza 40.10; SNS 22.12 Á ke,
Dɛnaa Lawa lɛ n boe yǎa tán
lɛ dan ganaa.
Ka pɛ Siɔn kiwi ni:
«N kirisibaa wole á ke yii die.
A màn mɛn yɛ a n die ka bɛ nɛ.
A n die ka a dí a saraa nɛ.»
12Ǹ tá re ǹ bíi mà «Tɔrɔ sonbore»
«Dɛnaa Lawa min mɛnɛn si
á ǹ kaa».
Nsɛ Zeruzalɛmu, ǹ tá re n bíi:
«Lawa foo sii kiwi»,
«kiwi mɛn bɛ́ ǹ nə n la bɔ
a ganaa wa».
اکنون انتخاب شده:
Iza 62: SBPE2011
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
San Bible Protestant Edition © Bible Society of Burkina Faso, 2011.
Iza 62
62
Zeruzalɛmu n die tɔ dii yii
1 *Siɔn, ma a re n lɛ tiɛ̃ wa,
a giala ma á n narɛ,
Zeruzalɛmu, ma a re n toɛ bíi-a kooro
má n maa sii zɛnɛɛ wa,
a giala ma á n narɛ,
ma nə n yii diɛ yǎa n peperebaa
kuĩ ka wɔlɔ fúlu bɛ́ lɔn,
yǎa n kirisibaa kɛ tɛ pii ka
bolon tɛ bɛ́ lɔn.
2Bɛa biikoo li,
tɔrɔn tumaa á re n peperebaa yii.
Kiin tumaa á re n gugurubaa yii.
Dɛnaa Lawa tɔ dii mɛn bɔ,
ǹ tá re bɛ koe n ganaa kəni.
3Ma n die goɛ̃ ka kii bafolo bɛ́
lɔn Dɛnaa Lawa gɔn,
ka kii mɔnaa gɔn siĩn-siĩn bɛ́
lɔn n Lawa gɔn.
4Ǹ ba re n bíi doo mà
«Kiwi mɛn bɛ́ ǹ nə́ n la bɔ
a ganaa» wa.
Ǹ ba re n gána kɛ bíi doo mà
«Kɛbɔlɔ» wa.
Sɛnɛ, maǹ die n bíi
«min mɛn bɛ́ kɔɔ̃n
Dɛnaa Lawa ganaa.»
Ǹ tá re n tán bíi:
«Kɔn-wɔle sonbore.»
A giala,
n tá re kɔɔ̃n koe
Dɛnaa Lawa ganaa,
n tán lɛ dɔ á re zuũ yii.
5Ká tɔntɔraa bɛ́ kɔn we
ka a nɛniɛ-n lɔn,
min mɛn bɛ́ n doe,
bɛ lɛ n die n zuũ biɛ.
Ka lɔ tii bɛ́ n zuũ foo kɔɔ̃n
koe lɔn,
n dɔ n die Dɛnaa Lawa foo
kɔɔ̃n koe miɛ̃.
6Zeruzalɛmu,
má bǎã-lɛduəlin koa
n kungɔnɔn la.
Penleen ka tèlò-n, ǹ ba re n lɛ
tiɛ̃ wa.
«Kasɛn lɛ̀ waa ma yii n koo
wolen lɛn,
ka ǹ Dɛnaa Lawa yiri
gisĩ Zeruzalɛmu ni,
ka nyan nə n susu duduu wa!
7Ka nyan toa a susui yɛ wa,
yǎa a Zeruzalɛmu zɛnɛɛ a nyɛɛ,
yǎa a tɔ boe tán tumaa la.»
8Dɛnaa Lawa nə n liɛ kɛnɛn:
«Maa Lawa Pàãyiidɛnaabaa
kɛ taman yii,
ma a re toɛ n zɔ́ɔn nə n *belee
kɛ bii wa.
N nɔmaa duvɛ̃ mɛn taman yii,
tiin ba re bɛ mii wa.
9Sɛnɛ, min mɛnɛn bɛ́ re belee
lɛ goɛ,
ǹ dininmaan man die bii
bɛ̀ ǹ tá Dɛnaa Lawa tɔ boe ka
loe ne.
Min mɛnɛn bɛ́ re rezɛ̃ lɛ niɛ̃,
maǹ die duvɛ̃ mii maa
kion sonbore kɛa sumu-n.»
10Zeruzalɛmu minin, ka soo!
Ka soo kiwi kɛ-n fufuu!
Ka zii bũ maa zaman nɛ!
Ka zii zɛnaa, ka a kɔlɔn waa!
Ka sii giala pɛ ǹ màn zumu,
tɔrɔn wɔ lɛa!
11 #
Iza 40.10; SNS 22.12 Á ke,
Dɛnaa Lawa lɛ n boe yǎa tán
lɛ dan ganaa.
Ka pɛ Siɔn kiwi ni:
«N kirisibaa wole á ke yii die.
A màn mɛn yɛ a n die ka bɛ nɛ.
A n die ka a dí a saraa nɛ.»
12Ǹ tá re ǹ bíi mà «Tɔrɔ sonbore»
«Dɛnaa Lawa min mɛnɛn si
á ǹ kaa».
Nsɛ Zeruzalɛmu, ǹ tá re n bíi:
«Lawa foo sii kiwi»,
«kiwi mɛn bɛ́ ǹ nə n la bɔ
a ganaa wa».
San Bible Protestant Edition © Bible Society of Burkina Faso, 2011.