Iza 55
55
Dɛnaa Lawa n bǐɛ̃ biɛ kooro
1 #
SNS 21.6; 22.17 «Mu boro bɛ́ kasɛn mɛnɛn
tumaa ganaa,
ka daa! Mu á ke!
Ka daa, ta wɔrɔ ba ka lon wa!
Ka màn-bii pii ka bii, kooro ne!
Ka daa, ta wɔrɔ ba ka lon wa,
ka duvɛ̃ laanka bɔ̀nyaa pii!
2Màn mɛn bɛ́ a min toe wa,
a n siɛ lɔn ka á wɔrɔ ziziɛ̃
bɛ ganaa?
Màn mɛn bɛ́ a min kiɛ̃ wa,
a n siɛ lɔn ka á n dinin nɔmɛɛ
bɛ taman yii?
Ka n too kɔ ma lon taãnɛ.
Ka bɛ nɛ, ka á re màn-bii
sonbore yii ka bii,
ka màn-bii kɔɔ̃n-kɔɔ̃n bii.
3 #
NDS 13.34
Ka n too da, ka da ma li.
Ka n too kɔ, ka yii á re goɛ̃ koo.»
Dɛnaa Lawa pɛ:
«Ma á re lɛ kɔ kɔn la we ka
ka nɛ yǎa duduu,
man lɛ kɔ ka ǹ mɛn lɛ nɛ
Davida la,
maa bɔlɔgoondɛnaabaa gɔ́ɔ̃ nɛ.
4Á ke, man má n baa maa
siére lɛa tɔrɔn bii,
má n baa kiã lɛa zaman mìi la.
5Á ke, n tá re tɔrɔn bíi,
n nə́ n ba ǹ doɛ̃ wa.
Bɛa tiin kɛn n nə́ n ba ǹ doɛ̃ wa,
ǹ tá re n nanaɛ ǹ da n li.
Maǹ die die masɛ
Dɛnaa Lawa taman yii,
n Lawa,
Izirayeli a Lawa sonbore kɛa lɛa,
asɛ mɛn bɛ́ li a n saa lon.»
Dɛnaa Lawa a boon man yɔrɔ yii
6Ka ga Dɛnaa Lawa li,
bɛ̀ á tɔn lɛ koe á yii.
Ka a bii wɔ,
bɛ̀ á tɔn kunun ka ganaa.
7Min baraan nə ǹ sii baraan kaa.
Min mɛn bɛ́ baraa zɛnɛɛ,
bɛa dɛnaa na a taasiɛ baraan kaa.
Ǹ tumaa doamaa nɛ ǹ wusoo
ǹ da Dɛnaa Lawa li.
A giala, á re makara boe ǹ ganaa.
Ǹ tumaa doamaa nɛ ǹ da wɔa Lawa li,
a giala, a n sii baraan toɛ kooro.
8Dɛnaa Lawa a da ǹ boo á ke:
Kaa taasiɛn ba maa taasiɛn lɛa wa.
Kaa sii zɛnaa ǹ gɔn laanka maa wɔ ba goon wa.
9Lon laanka tán wɔlɔ bɛ́
sɔsɔɔ kɔn-a lɔn,
maa sii zɛnaa ǹ gɔn laanka
kaa wɔ wɔlɔ n lui-n kɔn miɛ̃,
maa taasiɛn laanka kaa
taasiɛn dɔn man miɛ̃.
10 #
Kor2 9.10
«La laanka *mu nyuù-wɔle
n boe lon kiɛ tán.
Ǹ ba wusii ǹ woo bɛ̀ ǹ nə́ ǹ nə ǹ nya ǹ dí nya wa:
Maǹ kiɛ tán la, a basã,
ǹ baa tán sonbore lɛa,
màn nàn nə́ boe la doɛ̃.
Bɛa yɔrɔ lɛ la,
màn tɔrɔ n yii la, ka màn-bii ni.
11A ke, a din goon ne,
boo mɛn bɛ́ soe ma lɛ-n,
a ba n bɔyɛɛ a da ma li
bɛ̀ a ná a sii zɛnaa wa.
A n ma dùũ sii zɛnɛɛ.
Ma dín mɛnɛn kɔ la,
a n bɛn zɛnɛɛ.»
12Ka á re soe *Baabilonii
ka foo kɔɔ̃n nɛ,
ǹ wusoo ǹ wo ka-n piɛ
ka là nyantoro ne.
Kelen laanka tentenen tá re
n nyɛnyɛɛ
ka ganaa zii la ka foo kɔɔ̃n nɛ.
Don a dan tumaa á re n gɔn
dii ka ganaa.
13Siprɛsi dan tá re boe
nyan tewonən bǎã nɛ,
Da gìĩ kɔɔ̃n tá re nyan dan
bǎã siɛ.
Bɛ tumaa n die n zɛnɛɛ
màn mɛn bɛ́ toɛ Dɛnaa Lawa
tɔ nə n saa lon.
Bɛ n die goɛ̃ sii a kɔnboe lɛa
yǎa duduu,
a ná a papaɛ̃ wa.
اکنون انتخاب شده:
Iza 55: SBPE2011
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
San Bible Protestant Edition © Bible Society of Burkina Faso, 2011.
Iza 55
55
Dɛnaa Lawa n bǐɛ̃ biɛ kooro
1 #
SNS 21.6; 22.17 «Mu boro bɛ́ kasɛn mɛnɛn
tumaa ganaa,
ka daa! Mu á ke!
Ka daa, ta wɔrɔ ba ka lon wa!
Ka màn-bii pii ka bii, kooro ne!
Ka daa, ta wɔrɔ ba ka lon wa,
ka duvɛ̃ laanka bɔ̀nyaa pii!
2Màn mɛn bɛ́ a min toe wa,
a n siɛ lɔn ka á wɔrɔ ziziɛ̃
bɛ ganaa?
Màn mɛn bɛ́ a min kiɛ̃ wa,
a n siɛ lɔn ka á n dinin nɔmɛɛ
bɛ taman yii?
Ka n too kɔ ma lon taãnɛ.
Ka bɛ nɛ, ka á re màn-bii
sonbore yii ka bii,
ka màn-bii kɔɔ̃n-kɔɔ̃n bii.
3 #
NDS 13.34
Ka n too da, ka da ma li.
Ka n too kɔ, ka yii á re goɛ̃ koo.»
Dɛnaa Lawa pɛ:
«Ma á re lɛ kɔ kɔn la we ka
ka nɛ yǎa duduu,
man lɛ kɔ ka ǹ mɛn lɛ nɛ
Davida la,
maa bɔlɔgoondɛnaabaa gɔ́ɔ̃ nɛ.
4Á ke, man má n baa maa
siére lɛa tɔrɔn bii,
má n baa kiã lɛa zaman mìi la.
5Á ke, n tá re tɔrɔn bíi,
n nə́ n ba ǹ doɛ̃ wa.
Bɛa tiin kɛn n nə́ n ba ǹ doɛ̃ wa,
ǹ tá re n nanaɛ ǹ da n li.
Maǹ die die masɛ
Dɛnaa Lawa taman yii,
n Lawa,
Izirayeli a Lawa sonbore kɛa lɛa,
asɛ mɛn bɛ́ li a n saa lon.»
Dɛnaa Lawa a boon man yɔrɔ yii
6Ka ga Dɛnaa Lawa li,
bɛ̀ á tɔn lɛ koe á yii.
Ka a bii wɔ,
bɛ̀ á tɔn kunun ka ganaa.
7Min baraan nə ǹ sii baraan kaa.
Min mɛn bɛ́ baraa zɛnɛɛ,
bɛa dɛnaa na a taasiɛ baraan kaa.
Ǹ tumaa doamaa nɛ ǹ wusoo
ǹ da Dɛnaa Lawa li.
A giala, á re makara boe ǹ ganaa.
Ǹ tumaa doamaa nɛ ǹ da wɔa Lawa li,
a giala, a n sii baraan toɛ kooro.
8Dɛnaa Lawa a da ǹ boo á ke:
Kaa taasiɛn ba maa taasiɛn lɛa wa.
Kaa sii zɛnaa ǹ gɔn laanka maa wɔ ba goon wa.
9Lon laanka tán wɔlɔ bɛ́
sɔsɔɔ kɔn-a lɔn,
maa sii zɛnaa ǹ gɔn laanka
kaa wɔ wɔlɔ n lui-n kɔn miɛ̃,
maa taasiɛn laanka kaa
taasiɛn dɔn man miɛ̃.
10 #
Kor2 9.10
«La laanka *mu nyuù-wɔle
n boe lon kiɛ tán.
Ǹ ba wusii ǹ woo bɛ̀ ǹ nə́ ǹ nə ǹ nya ǹ dí nya wa:
Maǹ kiɛ tán la, a basã,
ǹ baa tán sonbore lɛa,
màn nàn nə́ boe la doɛ̃.
Bɛa yɔrɔ lɛ la,
màn tɔrɔ n yii la, ka màn-bii ni.
11A ke, a din goon ne,
boo mɛn bɛ́ soe ma lɛ-n,
a ba n bɔyɛɛ a da ma li
bɛ̀ a ná a sii zɛnaa wa.
A n ma dùũ sii zɛnɛɛ.
Ma dín mɛnɛn kɔ la,
a n bɛn zɛnɛɛ.»
12Ka á re soe *Baabilonii
ka foo kɔɔ̃n nɛ,
ǹ wusoo ǹ wo ka-n piɛ
ka là nyantoro ne.
Kelen laanka tentenen tá re
n nyɛnyɛɛ
ka ganaa zii la ka foo kɔɔ̃n nɛ.
Don a dan tumaa á re n gɔn
dii ka ganaa.
13Siprɛsi dan tá re boe
nyan tewonən bǎã nɛ,
Da gìĩ kɔɔ̃n tá re nyan dan
bǎã siɛ.
Bɛ tumaa n die n zɛnɛɛ
màn mɛn bɛ́ toɛ Dɛnaa Lawa
tɔ nə n saa lon.
Bɛ n die goɛ̃ sii a kɔnboe lɛa
yǎa duduu,
a ná a papaɛ̃ wa.
San Bible Protestant Edition © Bible Society of Burkina Faso, 2011.