Iza 47
47
Koe n die Baabilonii ganaa
1 #
Iza 13.1–14.23; Zer 50.1–51.64 Dɛnaa Lawa pɛ:
*Baabilonii kiwi,
gisĩ n giã tán gusuũ li,
*Kaldee minin kiwi,
kii dankan bɛ́ a bǎã mɛn nɛ wa,
giã tán furu-n walan.
Baabilonii kiwi,
giã tán furu-n sonbore!
Kanna, ǹ ba re n bíi:
"Baabilonii sonbore" doo wa,
"Baabilonii siĩn" wa.
2Gii saa, n *belee lɔ a wùsu baa.
Mɔnaa bɔ n mìi lɛ,
n mɔnaa lɛ goa,
n gisin kaa kanaa,
n tà kuru.
3Minin tá re n tontoro yii.
Màn mɛn bɛ́ sìi diɛ n ganaa,
ǹ tá re bɛ yii.
Man die gɛ̀ dòo boe.
Min kɔn dɔ a boe la a ma
kurəə a ganaa wa.
4Min mɛn bɛ́ wɔ si sii la wole lɛa,
a tɔ n "Dɛnaa Lawa Pàãyiidɛnaa".
Izirayeli a Lawa sonbore ne.
5Giã tán,
n nə n lɛ tã kiĩni Baabilonii kiwi.
N duru wɔlɔ tì li.
A giala,
ǹ ba re n bíi "gánan kii lɔ" doo wa.
6Ma foo goã á yoo maa zaman li.
Màn mɛn bɛ́ maa wɔ lɛa,
má n la bɔ bɛ ganaa,
má ǹ wɔ n gɔn.
N makara bɔ ǹ ganaa boɛɛn
dinin wa.
Ń nə́ n pàã a gugurubaa da
ǹ min zizin kɔrɔn,
ka zǔu bɛ́ lɔn.
7Ma nə n goã pii:
«Man kii lɔ lɛa miɛ̃ yǎa duduu.»
N nə n taasɛ kɛa siin kɛn nɛ wa.
N nə n taasɛ ka biɛ̃ ǹ sii-n wa.
8 #
SNS 18.7-8
Kanna kəni, n too kɔ kɛ li,
nsɛ mɛn bɛ́ n din foo sii n
kɔɔ̃nɛ n ganaa.
Ma n giã-n tán kiĩni,
n nə́ pii n gɔ́ɔ̃ nɛ:
«Ma miã banban,
min kɔn ba ka ma bɛ́ lɔn wa.
Ma a giɔɔrɔ biɛ duduu wa.
Maa nɛnyaanan ba bɔ̀n biɛ wa.»
9A bɛ́ miɛ̃, koe màn paa
kɛ n die n yii bǎã goon ne.
Lɛawaa goon gɔ́ɔ̃ nɛ,
n nɛnyaanan tá re bɔ̀n biɛ
n nə n bɔyaa n giɔɔrɔ baa.
Bɛa koen lɛn tá re die n la
ka pàã nɛ,
n wɔ-kũ kɛn tumaa
ka n gɔn nɔɔn kɛn
tumaa a re boe la ǹ nə
ǹ sàabaa wa.
10Ma nə n goã n foo doɛ
n sii bɔbɔnɛɛn kɛn ganaa.
Ma nə n goã taasɛ:
«Min kɔn yii ba ma ganaa wa.»
N yiridɛnaabaa laanka n sii-doɛ̃n
lɛn man nə́ n sã.
Ma nə́ n goã taasɛ:
«Ma miã banban,
min kɔn ba ka ma bɛ́ lɔn wa.»
11Á ke, koe n die boe n ganaa.
N ba re boe la n na a lɛ goa wa.
Koe gole n die miɛ n la.
N ba re kanbiɛ a ganaa wa.
Basaã gole mɛn bɛ́ n yiri ba
a ganaa wa,
bɛ n die n tɔwɛɛ bǎã goon ne.
12N gɔn doa wɔ-kũlin laanka
bòon ganaa.
A kũ n tenmaa waáraa ganaa,
n nə n din nɔmaa ǹ ganaa.
Kɔntan, a là á re goɛ̃ n ganaa,
hinlaa n tá re boe la n nyɛ́ɛ
da min kɔsɔn ganaa nɛ!
13Ń nɔmaa doroo damata gɔn.
Min mɛnɛn bɛ́ giɛ
lon gɔ̀nɔn ganaa,
ǹ nə́ lieren siin yɔrɔ pii,
siin mɛnɛn bɛ n zɛnɛɛ
mui li mui li,
bɛ̀ ǹ bɛ pɛ n nɛ,
ǹ kiɛ̃ ǹ da n kirisibaa kəni!
14Á ke, maǹ die goɛ̃ ka buu
gere bɛ́ lɔn,
tɛ n die kuĩ.
Ǹ ba re kanbiɛ tɛ ganaa wa.
Nyɔɔ tɛ bie gɔ̀nɔn wɔ̃ ǹ wɔ lɛa wa,
tɛn gɔn lɛ bie bɛ̀ ǹ giã
tán a yɔrɔ-a wa!
15N nə́ n din nɔmaa ka gɔn nɔɔ nɛ
bɛa minin lɛn li,
a kũ n tenmaa waáraa ganaa.
Ǹ bɛ́ màn mɛn lɛa n gɔn
kanna kəni,
bɛ n ke:
Kanna, maǹ woe paǹ tumaa li,
ǹ kɔn ba boe la a n kirisibaa wa.
اکنون انتخاب شده:
Iza 47: SBPE2011
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
San Bible Protestant Edition © Bible Society of Burkina Faso, 2011.
Iza 47
47
Koe n die Baabilonii ganaa
1 #
Iza 13.1–14.23; Zer 50.1–51.64 Dɛnaa Lawa pɛ:
*Baabilonii kiwi,
gisĩ n giã tán gusuũ li,
*Kaldee minin kiwi,
kii dankan bɛ́ a bǎã mɛn nɛ wa,
giã tán furu-n walan.
Baabilonii kiwi,
giã tán furu-n sonbore!
Kanna, ǹ ba re n bíi:
"Baabilonii sonbore" doo wa,
"Baabilonii siĩn" wa.
2Gii saa, n *belee lɔ a wùsu baa.
Mɔnaa bɔ n mìi lɛ,
n mɔnaa lɛ goa,
n gisin kaa kanaa,
n tà kuru.
3Minin tá re n tontoro yii.
Màn mɛn bɛ́ sìi diɛ n ganaa,
ǹ tá re bɛ yii.
Man die gɛ̀ dòo boe.
Min kɔn dɔ a boe la a ma
kurəə a ganaa wa.
4Min mɛn bɛ́ wɔ si sii la wole lɛa,
a tɔ n "Dɛnaa Lawa Pàãyiidɛnaa".
Izirayeli a Lawa sonbore ne.
5Giã tán,
n nə n lɛ tã kiĩni Baabilonii kiwi.
N duru wɔlɔ tì li.
A giala,
ǹ ba re n bíi "gánan kii lɔ" doo wa.
6Ma foo goã á yoo maa zaman li.
Màn mɛn bɛ́ maa wɔ lɛa,
má n la bɔ bɛ ganaa,
má ǹ wɔ n gɔn.
N makara bɔ ǹ ganaa boɛɛn
dinin wa.
Ń nə́ n pàã a gugurubaa da
ǹ min zizin kɔrɔn,
ka zǔu bɛ́ lɔn.
7Ma nə n goã pii:
«Man kii lɔ lɛa miɛ̃ yǎa duduu.»
N nə n taasɛ kɛa siin kɛn nɛ wa.
N nə n taasɛ ka biɛ̃ ǹ sii-n wa.
8 #
SNS 18.7-8
Kanna kəni, n too kɔ kɛ li,
nsɛ mɛn bɛ́ n din foo sii n
kɔɔ̃nɛ n ganaa.
Ma n giã-n tán kiĩni,
n nə́ pii n gɔ́ɔ̃ nɛ:
«Ma miã banban,
min kɔn ba ka ma bɛ́ lɔn wa.
Ma a giɔɔrɔ biɛ duduu wa.
Maa nɛnyaanan ba bɔ̀n biɛ wa.»
9A bɛ́ miɛ̃, koe màn paa
kɛ n die n yii bǎã goon ne.
Lɛawaa goon gɔ́ɔ̃ nɛ,
n nɛnyaanan tá re bɔ̀n biɛ
n nə n bɔyaa n giɔɔrɔ baa.
Bɛa koen lɛn tá re die n la
ka pàã nɛ,
n wɔ-kũ kɛn tumaa
ka n gɔn nɔɔn kɛn
tumaa a re boe la ǹ nə
ǹ sàabaa wa.
10Ma nə n goã n foo doɛ
n sii bɔbɔnɛɛn kɛn ganaa.
Ma nə n goã taasɛ:
«Min kɔn yii ba ma ganaa wa.»
N yiridɛnaabaa laanka n sii-doɛ̃n
lɛn man nə́ n sã.
Ma nə́ n goã taasɛ:
«Ma miã banban,
min kɔn ba ka ma bɛ́ lɔn wa.»
11Á ke, koe n die boe n ganaa.
N ba re boe la n na a lɛ goa wa.
Koe gole n die miɛ n la.
N ba re kanbiɛ a ganaa wa.
Basaã gole mɛn bɛ́ n yiri ba
a ganaa wa,
bɛ n die n tɔwɛɛ bǎã goon ne.
12N gɔn doa wɔ-kũlin laanka
bòon ganaa.
A kũ n tenmaa waáraa ganaa,
n nə n din nɔmaa ǹ ganaa.
Kɔntan, a là á re goɛ̃ n ganaa,
hinlaa n tá re boe la n nyɛ́ɛ
da min kɔsɔn ganaa nɛ!
13Ń nɔmaa doroo damata gɔn.
Min mɛnɛn bɛ́ giɛ
lon gɔ̀nɔn ganaa,
ǹ nə́ lieren siin yɔrɔ pii,
siin mɛnɛn bɛ n zɛnɛɛ
mui li mui li,
bɛ̀ ǹ bɛ pɛ n nɛ,
ǹ kiɛ̃ ǹ da n kirisibaa kəni!
14Á ke, maǹ die goɛ̃ ka buu
gere bɛ́ lɔn,
tɛ n die kuĩ.
Ǹ ba re kanbiɛ tɛ ganaa wa.
Nyɔɔ tɛ bie gɔ̀nɔn wɔ̃ ǹ wɔ lɛa wa,
tɛn gɔn lɛ bie bɛ̀ ǹ giã
tán a yɔrɔ-a wa!
15N nə́ n din nɔmaa ka gɔn nɔɔ nɛ
bɛa minin lɛn li,
a kũ n tenmaa waáraa ganaa.
Ǹ bɛ́ màn mɛn lɛa n gɔn
kanna kəni,
bɛ n ke:
Kanna, maǹ woe paǹ tumaa li,
ǹ kɔn ba boe la a n kirisibaa wa.
San Bible Protestant Edition © Bible Society of Burkina Faso, 2011.