Iza 4
4
1Bɛa pinaa kɛ nɛ,
lɔ sɔbaa n die n parɛɛ
giĩ goon ganaa,
ǹ pɛ nɛ:
«Wɔ saa lɔ lɛa,
wɔ dinin tá re n toɛ̃ wɔa màn-bii
laanka wɔa wɔ ǹ mɔnaa sii ni,
laa n wɔa sìi kɛ saa n bɔ wɔ la.»
Zeruzalɛmu á re kirisibiɛ
2Bɛa pinaa lɛ nɛ,
Dɛnaa Lawa a da ten kɛ n die siĩn
koe parsiini.
Min mɛnɛn bɛ́ re goɛ̃
ǹ yii n koo Zeruzalɛmu,
gána lɛ a da nɛn tá re foo kɔɔ̃n laanka gugurubaa koe bɛn la.
3Bɛ kio, min mɛn tumaa bɛ́ re
goɛ̃ Zeruzalɛmu,
yiikoonaan lɛa *Siɔn kiwi,
ǹ tá re bɛn bíi
mà "Dɛnaa Lawa wɔn".
Dɛnaa Lawa min mɛnɛn tɔ
kiɛ̃ sɛ́wɔ nɛ,
màn mɛn bɛ́ toɛ ǹ yii goã koo,
bɛn man ka kɛn nɛ Zeruzalɛmu.
4Yiri mɛn bɛ peperebaa
ka yoreenbaa koe,
Dɛnaa á re Siɔn lɔn *gɔ̀ pii
ka bɛ nɛ bibinaa nɛ.
Á re Zeruzalɛmu yoreen koe
mà kɛa lɛa á kaa a kiwi.
5 #
BBN 13.21; 24.16 Bɛa waáraa, Siɔn kele la,
ka zaman mɛn tumaa bɛ́
soe-n kɔn,
á re labara boe penleen,
a tɛmaa laanka tɛ buə̃ bɔ tèlò-n.
Dɛnaa Lawa a gugurubaa n die
n koe ǹ tumaa lɛ ka zìã gole bɛ́ lɔn,
6ka siã bɛ́ lɔn, wúlu koe
penleen sɛ̀fuu biikoo li.
A n die mìi duru ǹ bǎã biɛ
piɛ̃ gole nyɛɛnɛ ka la nɛ.
اکنون انتخاب شده:
Iza 4: SBPE2011
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
San Bible Protestant Edition © Bible Society of Burkina Faso, 2011.