Iza 38
38
Ezekiasi a busu kɔ laanka a kaka kɔ
1Bɛa waáraa, gɛ̀ busu kɔn na á kii Ezekiasi kũ. Lawa a boo gii-dali Amɔsi a nɛgiĩ Izayii woo n yii kɔ li, á pɛ nɛ. Dɛnaa Lawa n kɛ pii: «Sisia, n gɔ́ɔ̃ pɛ n kion minin manɛ. A giala, busu lɛ a re n toɛ wa, n tá re giɛ̃.» 2Ezekiasi nə́ n yɔrɔ bɔyaa á dia kigiala la, á Dɛnaa Lawa nyankɔ. 3Á pɛ: «E, Dɛnaa Lawa! Baalaa wɔ, n nə n yiri kɔ: Má bɔlɔgoondɛnaa baa n yɔrɔ-a, ma foo ná a talɛɛ-n paa wa. Sii mɛn bɛ́ siĩni n yii li, má bɛ zɛnaa.» Ezekiasi wuu pɛ parsiini. 4Dɛnaa Lawa tɔn a boo dia Izayii la: 5– Wo pɛ Ezekiasi-n kɛnɛn: «Masɛ Dɛnaa Lawa, n di Davida a Lawa, má n nyankɔ ma, má n yii mu yɛ. Á ke, ma á re lɛ̀ fulusooro kiɛ n lɛawaan li! 6Ma á re n kirisibiɛ kɔnlɛ ka kiwi kɛ nɛ, Asiiriin kii ganaa. Ma á re kiwi lɛ tamɛɛ.» 7Dɛnaa Lawa á re nyɛɛ n nɛ mà asɛ a wusii a boo kio wa. A bɛ́ re sii mɛn nyɛɛ n nɛ, á ke: 8«Dɛnaa Lawa n die wusii ka wúlu ni a kio ne yǎa gòã yii fù.» Wúlu goã á n kɔ gòã yii fù mɛn lɛ lɛ, wasa wusoo á bɔ bɛn la doo.
Ezekiasi a Lawa nyankɔ a busu a nya kio
9Zudaan kii Ezekiasi a loe á ke: A na á kiɛ̃ a busu a nya kio.
10Man má goã pii ma din ni:
Maa yiikoonaabaa a talɛɛ dinsɔɔ̃-n má zɛnaa,
ma doamaa-n ka woo ne,
ma doamaa-n ma maa
yiikoonaabaa gialakun zɛnaa geren piɛ.
11Má goã pii dɔn:
Ma a re Dɛnaa Lawa yii
doo yiikoonaan tán la wa.
Ma a re minbuiin nɛ kɔn
yii kanaa minin bii doo wa.
12Maa yiikoonaabaa nə́ n si ma la,
a wɔlɔ lui ma ganaa
ká tɔɔ-lɛduə̃lin zìã bɛ́ lɔn.
Ká kɔ̀rɔ-tãli bɛ́ doe
a mɔnaa wusu munii
lɛ dan ganaa lɔn,
má dɔ maa nyin sasabaa
lɛ dan ganaa,
a gɛ̀sɛn nə́ nana.
Kànaa ka boɛɛn, Dɛnaa Lawa,
bɛ̀ ń nya kɔn ka ma nɛ.
13Lɛ̀ laan bɛ̀ a waa,
bɛ̀ maa màn kɔn lɛa doo wa.
Dɛnaa Lawa ma we
tumaa yɔyɔrɛ,
ka yàra bɛ́ lɔn.
Kànaa ka boɛɛn, Dɛnaa Lawa,
bɛ̀ ń nya kɔn ka ma nɛ.
14Maa lɛ-dɛ n goon ka
leere bàan a lɛ baa nɛ.
Maa purii n goon ka
kɔlɔ wɔ nɛ.
Má nɔmaa ka ga lon ganaa nɛ.
Dɛnaa, ma gù gã.
N dɔ ma lɛ.
15Man die wàa boo diɛ
Dɛnaa Lawa nɛ,
a giala, a din na á boo da ma nɛ,
á kɛ zɛnaa.
Ma á re tɔ we ka foo ziziɛ̃ nɛ
maa yiikoonaabaa tumaa gɔ́ɔ̃ nɛ.
16Dɛnaa, yiikoonaabaa n yii,
n sonborebaa kɛ barka nɛ,
ma yii n koo doo a din lɛ
taman yii.
Ń pàã kɔ ma la, ń ma yii toa koo.
17Á ke, maa foo-ziziɛ̃ gole nə́
n bɔyaa á là nyantoro baa.
Hiĩ, n maa yiikoonaabaa narɛɛ
á la yii ni yǎa n ma kanbaa
gɛ̀ ganaa,
n maa sii baraan tumaa zũ
n kio sɔsɔɔ.
18Geren piɛ,
ǹ ba boe la ǹ tá n tɔ guguru
koe wa,
geren ba loe loe ǹ nə n tɔ bɔ wa.
Min mɛnɛn bɛ́ yala-n tán,
bɛn foo a doa nɛ
n bɔlɔgoondɛnaabaa ganaa doo wa.
19Yiikoonaan, hiĩ yiikoonaan
dininsɔɔ̃nɔn manə n tɔ boe,
ka masɛ á ke lɔn pelo.
Díin tá re n bɔlɔgoodɛnaabaa
nyɛɛ ǹ nɛnyaanan manɛ.
20Dɛnaa Lawa, n ma kirisibaa.
Bɛ lɛ nɛ, wɔ á re tùtun dii
wɔa yiikoonaabaa tumaa gɔ́ɔ̃ nɛ,
n din a kion Dɛnaa Lawa.
21Bɛ lɛ nɛ, Izayii goã á pɛ mà ǹ da ka gɔ́rɔ mɔ̀mɔ kɔn nɛ, ǹ da kii a busulɛ lɛ ganaa màn mɛn bɛ́ toɛ a kakabaa yɛ. 22Ezekiasi tɔn nɔ̀n da mà sii a kɔnboe mɛn nə die nyɛɛ mà asɛ re boe la a wusoo a wo Dɛnaa Lawa a kion#38.22 Vɛrsi 21 ka vɛrsi 22 a sii na á n zɛnaa vɛrsi 6 kio..
اکنون انتخاب شده:
Iza 38: SBPE2011
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
San Bible Protestant Edition © Bible Society of Burkina Faso, 2011.
Iza 38
38
Ezekiasi a busu kɔ laanka a kaka kɔ
1Bɛa waáraa, gɛ̀ busu kɔn na á kii Ezekiasi kũ. Lawa a boo gii-dali Amɔsi a nɛgiĩ Izayii woo n yii kɔ li, á pɛ nɛ. Dɛnaa Lawa n kɛ pii: «Sisia, n gɔ́ɔ̃ pɛ n kion minin manɛ. A giala, busu lɛ a re n toɛ wa, n tá re giɛ̃.» 2Ezekiasi nə́ n yɔrɔ bɔyaa á dia kigiala la, á Dɛnaa Lawa nyankɔ. 3Á pɛ: «E, Dɛnaa Lawa! Baalaa wɔ, n nə n yiri kɔ: Má bɔlɔgoondɛnaa baa n yɔrɔ-a, ma foo ná a talɛɛ-n paa wa. Sii mɛn bɛ́ siĩni n yii li, má bɛ zɛnaa.» Ezekiasi wuu pɛ parsiini. 4Dɛnaa Lawa tɔn a boo dia Izayii la: 5– Wo pɛ Ezekiasi-n kɛnɛn: «Masɛ Dɛnaa Lawa, n di Davida a Lawa, má n nyankɔ ma, má n yii mu yɛ. Á ke, ma á re lɛ̀ fulusooro kiɛ n lɛawaan li! 6Ma á re n kirisibiɛ kɔnlɛ ka kiwi kɛ nɛ, Asiiriin kii ganaa. Ma á re kiwi lɛ tamɛɛ.» 7Dɛnaa Lawa á re nyɛɛ n nɛ mà asɛ a wusii a boo kio wa. A bɛ́ re sii mɛn nyɛɛ n nɛ, á ke: 8«Dɛnaa Lawa n die wusii ka wúlu ni a kio ne yǎa gòã yii fù.» Wúlu goã á n kɔ gòã yii fù mɛn lɛ lɛ, wasa wusoo á bɔ bɛn la doo.
Ezekiasi a Lawa nyankɔ a busu a nya kio
9Zudaan kii Ezekiasi a loe á ke: A na á kiɛ̃ a busu a nya kio.
10Man má goã pii ma din ni:
Maa yiikoonaabaa a talɛɛ dinsɔɔ̃-n má zɛnaa,
ma doamaa-n ka woo ne,
ma doamaa-n ma maa
yiikoonaabaa gialakun zɛnaa geren piɛ.
11Má goã pii dɔn:
Ma a re Dɛnaa Lawa yii
doo yiikoonaan tán la wa.
Ma a re minbuiin nɛ kɔn
yii kanaa minin bii doo wa.
12Maa yiikoonaabaa nə́ n si ma la,
a wɔlɔ lui ma ganaa
ká tɔɔ-lɛduə̃lin zìã bɛ́ lɔn.
Ká kɔ̀rɔ-tãli bɛ́ doe
a mɔnaa wusu munii
lɛ dan ganaa lɔn,
má dɔ maa nyin sasabaa
lɛ dan ganaa,
a gɛ̀sɛn nə́ nana.
Kànaa ka boɛɛn, Dɛnaa Lawa,
bɛ̀ ń nya kɔn ka ma nɛ.
13Lɛ̀ laan bɛ̀ a waa,
bɛ̀ maa màn kɔn lɛa doo wa.
Dɛnaa Lawa ma we
tumaa yɔyɔrɛ,
ka yàra bɛ́ lɔn.
Kànaa ka boɛɛn, Dɛnaa Lawa,
bɛ̀ ń nya kɔn ka ma nɛ.
14Maa lɛ-dɛ n goon ka
leere bàan a lɛ baa nɛ.
Maa purii n goon ka
kɔlɔ wɔ nɛ.
Má nɔmaa ka ga lon ganaa nɛ.
Dɛnaa, ma gù gã.
N dɔ ma lɛ.
15Man die wàa boo diɛ
Dɛnaa Lawa nɛ,
a giala, a din na á boo da ma nɛ,
á kɛ zɛnaa.
Ma á re tɔ we ka foo ziziɛ̃ nɛ
maa yiikoonaabaa tumaa gɔ́ɔ̃ nɛ.
16Dɛnaa, yiikoonaabaa n yii,
n sonborebaa kɛ barka nɛ,
ma yii n koo doo a din lɛ
taman yii.
Ń pàã kɔ ma la, ń ma yii toa koo.
17Á ke, maa foo-ziziɛ̃ gole nə́
n bɔyaa á là nyantoro baa.
Hiĩ, n maa yiikoonaabaa narɛɛ
á la yii ni yǎa n ma kanbaa
gɛ̀ ganaa,
n maa sii baraan tumaa zũ
n kio sɔsɔɔ.
18Geren piɛ,
ǹ ba boe la ǹ tá n tɔ guguru
koe wa,
geren ba loe loe ǹ nə n tɔ bɔ wa.
Min mɛnɛn bɛ́ yala-n tán,
bɛn foo a doa nɛ
n bɔlɔgoondɛnaabaa ganaa doo wa.
19Yiikoonaan, hiĩ yiikoonaan
dininsɔɔ̃nɔn manə n tɔ boe,
ka masɛ á ke lɔn pelo.
Díin tá re n bɔlɔgoodɛnaabaa
nyɛɛ ǹ nɛnyaanan manɛ.
20Dɛnaa Lawa, n ma kirisibaa.
Bɛ lɛ nɛ, wɔ á re tùtun dii
wɔa yiikoonaabaa tumaa gɔ́ɔ̃ nɛ,
n din a kion Dɛnaa Lawa.
21Bɛ lɛ nɛ, Izayii goã á pɛ mà ǹ da ka gɔ́rɔ mɔ̀mɔ kɔn nɛ, ǹ da kii a busulɛ lɛ ganaa màn mɛn bɛ́ toɛ a kakabaa yɛ. 22Ezekiasi tɔn nɔ̀n da mà sii a kɔnboe mɛn nə die nyɛɛ mà asɛ re boe la a wusoo a wo Dɛnaa Lawa a kion#38.22 Vɛrsi 21 ka vɛrsi 22 a sii na á n zɛnaa vɛrsi 6 kio..
San Bible Protestant Edition © Bible Society of Burkina Faso, 2011.