Iza 25
25
Zɔɔ da ǹ loe
1Dɛnaa Lawa,
n din ni maa Lawa lɛa.
Ma nə n guguru koe,
máa n tɔ boe.
Ń sii dadaran zɛnaa,
n nə ǹ mɛnɛn taasɛ haalɛ bibi.
N nə́ ǹ zɛnaa ka peperebaa
laanka bɔlɔgoondɛnaabaa nɛ.
2Ń kiwi lɛ baa kɛbɔlɔ lɛa,
bɛa kiwi tamaa wole lɛ,
ń wuru lenlen.
Tiin kiwi tamaa wole lɛ,
bɛa kiwi biɛ doo wa.
A re wusii a n dɔ doo duduu wa.
3Bɛ lɛ nɛ,
tɔrɔ barkadɛnaa kɛ
á gugurubaa diɛ n la,
tɔrɔ kakarɛn kiwi tá nyɛ́ɛ biɛ
n yii ni
4a giala,
ń pàãwɛɛnaan mìi duru
ǹ bàã baa,
ma n doobaan tamɛɛ fuu
biikoo li,
ma n mìi duru ǹ bǎã lɛa
la giulun,
ma n wúlu lɛa wasa li.
Taãn nɛ, min kakarɛn foo yoo n
ka la bɛ́ lɔn kungɔn ganaa,
5ká wasa bɛ́ lɔn tán gere ganaa.
Sɛnɛ ma n tiin bìn diɛ lɛ kuri.
Ká la wúlu bɛ́ màn boe
tɛfuu lɛ lɔn,
ma n min kakaarɛn gɔ̀lɔ̀baa ǹ
lɛ dɛ lɛ kuri miɛ̃.
Zɔ́n màn-bii, tɔrɔn tumaa wɔ lɛa
6 *Siɔn kele la,
Dɛnaa Lawa Pàãyiidɛnaa á re
màn-bii zɛnɛɛ tɔrɔn tumaa wɔ lɛa,
siĩ nyɔɔnaa n la,
ka duvɛ̃ kɔɔ̃n nɛ.
Siĩ nyɔɔnaa basiɛ̃ n la
ka duvɛ̃ sonbore ne.
7Bɛa kele lɛ la,
foo-ziziɛ̃ mɛn bɛ́ koe-n
tɔrɔn tumaa lɛ,
yɔrɔ-kɔsiɛ mɛn bɛ́ koe-n
gánan tumaa lɛ,
á re bɛ boe a bɔ ǹ lɛ.
8 #
Kor1 15.54; SNS 7.17; 21.4 Dɛnaa Lawa á re gɛ̀
papaɛ̃ duduu.
Á re min tumaa yii mu tuturi.
Á re a zaman tumaa a sìi nyɛɛ
a bɔ ǹ ganaa.
Dɛnaa Lawa na á pɛ.
Moabu a mɛnaa
9Bɛa pinaa, wɔ á re pii:
«Á ke, a din ni wɔa Lawa lɛa,
wɔ foo n doa nɛ a din ganaa.
A n wɔ kirisibiɛ.
Taãn nɛ,
wɔ foo n doa nɛ
Dɛnaa Lawa ganaa.
Wɔ ǹ bɛ̀ biɛ ka foo kɔɔ̃n nɛ,
wɔ nə n nyɛnyɛɛ,
a giala, á wɔ kirisibaa!
10 #
Iza 15.1–16.14; Zer 48.1-47; Eze 25.8-11; Amɔ 2.1-3; Sof 2.8-11 Dɛnaa Lawa gɔn nə Siɔn kele tamaɛ.»
Sɛnɛ, a n Moabu gána yɔyɔrɛ
ka ǹ bɛ́ làpaa yɔyɔrɛ lɔn
tonton bɔlɔ la.
11Moabu n bìn diɛ a nyàan ganaa
ka mu-baali bɛ́ mu biɛ lɔn.
Sɛnɛ, a laan bɛ yii ni,
Dɛnaa Lawa ná a din koa kɛ gisĩ.
12Moabu,
n kungɔn kakan kɛn
n tamaɛ taãn-taãnɛ,
Dɛnaa Lawa nə ǹ wuru,
á ǹ nyɛɛnaa á ǹ kaa.
اکنون انتخاب شده:
Iza 25: SBPE2011
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
San Bible Protestant Edition © Bible Society of Burkina Faso, 2011.
Iza 25
25
Zɔɔ da ǹ loe
1Dɛnaa Lawa,
n din ni maa Lawa lɛa.
Ma nə n guguru koe,
máa n tɔ boe.
Ń sii dadaran zɛnaa,
n nə ǹ mɛnɛn taasɛ haalɛ bibi.
N nə́ ǹ zɛnaa ka peperebaa
laanka bɔlɔgoondɛnaabaa nɛ.
2Ń kiwi lɛ baa kɛbɔlɔ lɛa,
bɛa kiwi tamaa wole lɛ,
ń wuru lenlen.
Tiin kiwi tamaa wole lɛ,
bɛa kiwi biɛ doo wa.
A re wusii a n dɔ doo duduu wa.
3Bɛ lɛ nɛ,
tɔrɔ barkadɛnaa kɛ
á gugurubaa diɛ n la,
tɔrɔ kakarɛn kiwi tá nyɛ́ɛ biɛ
n yii ni
4a giala,
ń pàãwɛɛnaan mìi duru
ǹ bàã baa,
ma n doobaan tamɛɛ fuu
biikoo li,
ma n mìi duru ǹ bǎã lɛa
la giulun,
ma n wúlu lɛa wasa li.
Taãn nɛ, min kakarɛn foo yoo n
ka la bɛ́ lɔn kungɔn ganaa,
5ká wasa bɛ́ lɔn tán gere ganaa.
Sɛnɛ ma n tiin bìn diɛ lɛ kuri.
Ká la wúlu bɛ́ màn boe
tɛfuu lɛ lɔn,
ma n min kakaarɛn gɔ̀lɔ̀baa ǹ
lɛ dɛ lɛ kuri miɛ̃.
Zɔ́n màn-bii, tɔrɔn tumaa wɔ lɛa
6 *Siɔn kele la,
Dɛnaa Lawa Pàãyiidɛnaa á re
màn-bii zɛnɛɛ tɔrɔn tumaa wɔ lɛa,
siĩ nyɔɔnaa n la,
ka duvɛ̃ kɔɔ̃n nɛ.
Siĩ nyɔɔnaa basiɛ̃ n la
ka duvɛ̃ sonbore ne.
7Bɛa kele lɛ la,
foo-ziziɛ̃ mɛn bɛ́ koe-n
tɔrɔn tumaa lɛ,
yɔrɔ-kɔsiɛ mɛn bɛ́ koe-n
gánan tumaa lɛ,
á re bɛ boe a bɔ ǹ lɛ.
8 #
Kor1 15.54; SNS 7.17; 21.4 Dɛnaa Lawa á re gɛ̀
papaɛ̃ duduu.
Á re min tumaa yii mu tuturi.
Á re a zaman tumaa a sìi nyɛɛ
a bɔ ǹ ganaa.
Dɛnaa Lawa na á pɛ.
Moabu a mɛnaa
9Bɛa pinaa, wɔ á re pii:
«Á ke, a din ni wɔa Lawa lɛa,
wɔ foo n doa nɛ a din ganaa.
A n wɔ kirisibiɛ.
Taãn nɛ,
wɔ foo n doa nɛ
Dɛnaa Lawa ganaa.
Wɔ ǹ bɛ̀ biɛ ka foo kɔɔ̃n nɛ,
wɔ nə n nyɛnyɛɛ,
a giala, á wɔ kirisibaa!
10 #
Iza 15.1–16.14; Zer 48.1-47; Eze 25.8-11; Amɔ 2.1-3; Sof 2.8-11 Dɛnaa Lawa gɔn nə Siɔn kele tamaɛ.»
Sɛnɛ, a n Moabu gána yɔyɔrɛ
ka ǹ bɛ́ làpaa yɔyɔrɛ lɔn
tonton bɔlɔ la.
11Moabu n bìn diɛ a nyàan ganaa
ka mu-baali bɛ́ mu biɛ lɔn.
Sɛnɛ, a laan bɛ yii ni,
Dɛnaa Lawa ná a din koa kɛ gisĩ.
12Moabu,
n kungɔn kakan kɛn
n tamaɛ taãn-taãnɛ,
Dɛnaa Lawa nə ǹ wuru,
á ǹ nyɛɛnaa á ǹ kaa.
San Bible Protestant Edition © Bible Society of Burkina Faso, 2011.