ROMA 10
10
1Oi angu dedi! Kanjupu rinju-manggunya ka pamara-ya na banjaru-nggu. Dàngu ku-hamaya weli etingu-ma lai Ala tungguda nyuda. 2Nda ku-kanodaru-a duku papanii-ya ba kanjupu ringgitu-ha palumu-nya i Ala. Na nyuna na ringgitu-da nda napalatangu-a la pingu ma-pawelingu lai Ala. 3Nda dapi-anya jàka nggiki hamana i Ala ba na-pahàmu beliya na papuingu-na na tau lai Nyuna. Tàka rukuna ba da-mbuhangu pa-namatu niya na pawàngu ba wàda nyuda, jia-duyaka hi nda danunju-ya na pawàngu ba wàna i Ala. 4Na uku anggama mbàda palundu-nanyaka paraïna i Karitu. Jia ba tuna nimbihu-na na tau mapawai lai Karitu, hàmu beli-nanyaka na papuingu-da dàngu i Ala.
Na mànangu nduma mbuu ndàbana na tauya
5I Muha na-tulihu-ya, na tau na ma-pahàmungu beli dàngu i Ala palata-nya na uku anggama, napa naluri-ya rukuna ba nanunju-ya na uku anggama. 6Na nyuna na pawàngu, ka na-pahàmungu beli dàngu i Ala na tau palata-nya la pawaina lai Ala, tuna yia duna na papanii-na na Huratu Matua, “Àmbu jia panii-dumu la etimu, ‘Nggamu-aka napa na mahei la awangu?’ (nu, la pa-papuru-nya i Karitu, wàna-duka nu), 7jàka ndia, ‘Nggamu-aka napa na mapuru la pangia tau meti?’ (nu, la pa-padita-ya i Karitu welingu la pangia tau meti, wàna-duka nu)” wàna. 8Nu na pawuku-na tuna yia, “Nuna na lii langu welingu lai Ala, la li - lihima-àmunya; la ngaru-munya dàngu la eti-munya,” wàna-duka nu. Nunaya duna na lii langu na pa-bobaru-ma, lii langu, ba lupangu-ma bàdi napawai na tau. 9Nadu jàkau peka wàngu ngarumu ba “Miriya i Yehu” dàngu jàkau pawai la etimu ba mbàda paluri-nanyaka i Yehu welingu la meti paraïna i Ala, mànangu-munyaka napa. 10Nadu ba napawai wàngu etina na tau, hi na-kataku-ya paraïna i Ala ba tau ma-pahàmungu-yaka dàngu i Ala. Dàngu ba napeka wàngu ngaruna hi pamàna-nya. 11Pa-tulihu-maya la Huratu Matua, “Na tau mapawai nda jia pahala-aya na etina,” ba wàna. 12Nuna nu, nanggàna ndàba-maya na tau, maa ba nda ningua pa-hilitu-da da tau Yahundi dàngu da tau la banjaru hawiangu. Nu i Ala kamehangu Miri ndàbana na tau-maya duna. Nawua ndàba-manya kanyuru mabundu làndangu na tau ma-kamahi-nya na pa-ndulangu-na. 13Pa-tulihu-maya la Huratu Matua, “Mbuu ndàbana na tau na mawara-nya i Miri napa na-mànangu,” ba wàna.
14Na nyuna nggiki wara-nakaka na tau lai Miri jàka ndedi-madu dapawai? Dàngu nggiki hama pawai-dakaka lai Miri jàka ndedi-madu darongu-ya na rukuna Nyuna? Hama-manai, nggiki hama rongu-danya-kaka na rukuna i Miri jàka nda ningu mapabobarungu? 15Dàngu nggiki hama ngàndi-nanya-kaka tau nu na lii langu jàka nda pa-paràhangu-ha? Daa la Huratu Matua tuna yia na pa-tulihu, “Ai kanjupu hàmu-aya na maida da tau da mangàndi-ya na Lii Mànangu welingu lai Ala!” ba wàna. 16Na nyuna nda mbuu ndàba-ana na tau na ma-kataku-ya nuna na Lii Mànangu. Nadu ba mbàda panii-naka i Yahaya, “Miri, nggamu-aka na mawaiya na-pabobarungu-ma?” wàna. 17Tuna nuduka hi kiri pawaina na tau rukuna ba darongu lii langu, dàngu hi kiri ronguya na lii langu rukuna ba ningu tau ma-bobaru-ya na rukuna i Karitu.
18Na nyuna paàrangu-nggunya: Deningu-mana ihu nu ba ndedi darongu-ya na lii langu? Jiangu-ma duna ba mbàda rongu-danya! Nadu ba tuna yia na pa-tulihu la Huratu Matua,
“Na talia liida mbàda làngi-naka la nggubulu pinu tana,
na kareuku-da mbàda tàka-naka la hupu tana,” wàna.
19Kuhili paàrangu: Ndedima ihu dapinya paraï tau Ihirailu? Màtawa ka nahema mangilu-ya paraïna i Muha na paàrangu yiana. Napanii i Muha, “Tuna yia na paniina i Ala,
‘Napa ku-pamalara-ha da etimi hanggangu la hau banjaru na nda banjaru-nggu
dàngu napa ku-pakaraü-ha da etimi hanggangu la hau banjaru manduba,’ ” wàna.
20Narihi toru mbenipa papanii i Yahaya, “Tuna yia na paniina i Ala,
‘Da tau da manda himbuka, mbàda hunggu-danggaka;
dàngu ku-pawuwangu wikinggu lai nyuda, da manda paàra-nya na rukunggu Nyungga,’ ” wàna.
21Na nyuna rukuna na banjaru Ihirailu napanii i Yahaya, “Tuna yia na paniina i Ala, ‘Piti weli mbarungu lundu rudungu ba ku-pajola-nja da limanggu la hau banjaru ma-malihu dàngu na manda karadaku,’ ” wàna.
اکنون انتخاب شده:
ROMA 10: KAM
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
@LAI 1995 Indonesian Bible Society (Lembaga Alkitab Indonesia)