ETIRU 7
7
1Pandua wànaka na hanganji dàngu i Hamàngu pangaa dànya i Etiru. 2Ba talànga ununa wai angguru, hili paàra-nanyaka i Etiru paraïna hanganji, “Dou na papaha-nggu duku, nggàra pambuha-mu? Panii-yawa! Lupangu-ma duku kuwua-nggau, jiapa kau karai-yakai na peradua-na na tana pareta-nggu,” wànanya.
3Nahema i Tamu Ràmbu Etiru, “Jiaya jàka wàmudu tamu umbu, karai-nggunya ka peku luringgu, nyungga dàngu banjaru-nggu. 4Nadu, nyungga dàngu banjaru-nggu pa-danggangu-kamaka ka pameti-kama. Ngera hama tuna, jàka dangga-nggama ka tuukama ata-a, pàdi wànggu bia làti, nda ku-paamba-akau.#Talànga wanguna na-njenjangu ningu-mapa ba tuna yia na ihina: nda ku-paamba-akau. Tàka nàhu, napa pa-pameti-kama dàngu pa-pamànji-kama!” wàna.
5Ka paàrangu-nanyaka i Hanganji Ahaweru lai Tamu Ràmbu Etiru, “Nggamu na matoru mbeni pawunda-ya nuna? Nggiya nu na tau?” wànanya.
6Nahema i Etiru, “Yiana i Hamàngu na ma-akatu, jiaya na muhu dàngu na ma-pajàra-kama!” wàna.
Kanjupu mangàdatu-ya i Hamàngu ba na-tàngaru-ha na hanganji dàngu i Tamu ràmbu. 7Kanjupu karaü-ya na etina na hanganji hi na-hadangu welingu la menja hi naluhu la hambeli la woka ngia pambawa uma hanganji. Napinya i Hamàngu ba mbàda bota-nanyaka paraïna hanganji la pahuku-nya nyuna, tuna nuduka hi na-ndàdiku lai Tamu Ràmbu Etiru pa-kamahi-nya, ka pamara-ya. 8Wàngu mbota monungu-na i Hamàngu na pa-talàpu wikina la nggalana i Etiru ba na-pamilangu wikina, la rehi nu jia pàkuyai na belina na hanganji. Ba naita-ya paraïna hanganji ba tuna nu i Hamàngu, kaoka-nanyaka, “Nggàra ulana? Natoru mbeni pa-rumbaku-ya i Tamu ràmbu yiahu la hangganggu dàngu la uma wikinggu?” wàna.
Ba panii tunaka nu na hanganji, lu mai-danyaka da ma-pawaingaba hi da-palumburu-nya na katiku-na i Hamàngu. 9Tàka i Hàrambona na haàtu welingu la hongada da ma-pawaingaba, “La umana i Hamàngu ningu ai tiwalu dumu tamu umbu, dua kambulu dàmbu metiru janggana. Na-pahada-nya nuna paraïna i Hamàngu ka tiwalu-nya i Morundikaï, na mambàda pamara-ya na lurimu dumu tamu umbu,” wàna.
Tàka na hanganji, “Tiwalu-nya i Hamàngu la ai nuna!” wàna.
10Tuna nuduka hi tiwalu-nya i Hamàngu la ai pambàda pahada-na ndumana i Morundikaï. Hina-duka hi na-wadaru na karaü etina na hanganji.
اکنون انتخاب شده:
ETIRU 7: KAM
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
@LAI 1995 Indonesian Bible Society (Lembaga Alkitab Indonesia)