Uro 7
7
Kultaa Ba Naŋ De Manne Ne Yɛlɛ
1N yɔɔmine ane n yɔɔpuuli, yɛ ba baŋ ka (bonso, N yele korɔ la a banaŋ naŋ baŋ a bege) a bege tonɔ la neɛ nyɔvore poɔ saŋ na o naŋ voorɔ yoŋ be? 2Bonso, a bege wuli ka pɔge naŋ kuli serɛ na bebe la ne a o serɛ a o serɛ nyɔvore zaa saŋ. Kyɛ ka a o serɛ wa kpi, a pɔge so la o meŋɛ yi a kultaa poɔ a seŋ a bege naŋ wuli lɛ. 3A naŋ waa lɛ, ka a o serɛ naŋ wa voorɔ kyɛ ka o te kpeɛrɛ ne dɔɔ yuo, ba na boɔlɔ o la pɔge naŋ tonɔ moɔrɔ toma. Kyɛ ka a o serɛ wa kpi, o faa la o meŋɛ yi a bege ŋa poɔ, ka o naŋ wa kuli dɔɔ yuo, o ba toŋ moɔrɔ toma.
4A lɛ ne o zu la, N bamine, yɛ tu la a Kirista eŋɛ zie a kpi kyaare ne a bege, ka ka yɛ na e taa noba, kyɛ waa a soba na ba naŋ da e ka O leɛ-iri a kuuni poɔ soobo, ka lɛ vɛŋ ka yɛ wɔnɔ wɔmɔ korɔ Naaŋmen. 5Te naŋ da naŋ kyɛnɛ be a nensaaloŋ poɔ, a bege da maŋ e la ka te yelbebe vɔlfaa iri, a de te nandaare tonɔ ne toma ka a wɔnɔ wɔmɔ naŋ waana ne kũũ. 6Kyɛ pampana ŋa, te nyɛ la faabo yi a bege poɔ, a kpi ko a bonna naŋ da nyɔge te eŋ gbaŋgbaaloŋ poɔ. Azuiŋ te ba la waa a nɔkoraa ba naŋ da sɛge biŋ gbaŋgbaare, kyɛ te waa la gbaŋgbaare a nyɔvo-paalaa poɔ a Vooroŋ Soŋ eŋɛ.
A Bege Ane Yelbieri
7Boŋ pãã ka te na yeli? Ka a bege waa la yelbieri be? A koŋ baŋ waa lɛ togitogi! Kyɛ ka a bege zuiŋ da naane N da kontoɔ̃ baŋ yelbieri. N da koŋ baŋ ka zɛnzɛŋ e la yelbieri ka a bege da ba yeli, “Ta zɛnzɛnɛ ne fo tɔ bon.” 8Kyɛ yelbieri nyɛ la vuo a bege zuiŋ, a dɔ̃ɔ̃ zɛnzɛŋ boorɔ zaa ka a iri n eŋɛ a e ka n zɛnzɛnɛ ne boma zaa. A yi a bege puoriŋ, yelbieri kpie la gaŋ. 9N da kpeɛrɛ la n kpeɛbo ka N ne a bege ba laŋ yelzaa, kyɛ a Naaŋmen nɔɛ naŋ da wa wa, yelbieri da la iri do la zu, 10ka N da kpi, ka a Naaŋmen nɔɛ na ne a zu naŋ da eŋ noɔre ko ma ka N na taa la nyɔvore waa kũũ n zie. 11Bonso, yelbieri naŋ da nyɛ vuo a Naaŋmen nɔɛ zie, da bɛlle ma la a tu be a ko ma. 12Azuiŋ a bege waa la soŋ, ka a Naaŋmen nɔɛ waa soŋ a tori kyɛ soma.
13A bonna naŋ waa soŋ la pãã wa ne kũũ N zie be? A koŋ baŋ waa lɛ togitogi! Kyɛ yelbieri la da tonɔ o toma a tu bon naŋ soma zie a de kũũ wa ne N zie, ka lɛ na vɛŋ ka yelbieri wuli ka o waa la yelbieri, kyɛ tu a Naaŋmen nɔɛ zie a leɛ waa faaloŋ naŋ ba taa mannoo.
Zɔɔre Naŋ Be Nensaala Nyɔvore Poɔ
14Bonso, te baŋ ka a bege waa la seeloŋ yeli; kyɛ maa eŋ be la a nensaaloŋ poɔ, ka ba koɔre ma eŋ gbaŋgbaaloŋ poɔ ka N be yelbieri puliŋ. 15N ba baŋ n meŋɛ yel-erre tɛgɛ. Bonso, N ba maŋ e a yɛlɛ na N naŋ boɔrɔ, kyɛ a yɛlɛ na N naŋ ba boɔrɔ ne a zu la ka N maŋ e. 16Pampana ŋa, ka maa e yɛlɛ na N naŋ ba boɔrɔ, N sagɛɛ la ka a bege waa la soŋ. 17Kyɛ serɛzaa, a ba e ka maa meŋɛ la naŋ erɛ a yɛlɛ, kyɛ a yelbieri naŋ be n eŋɛŋ la erɛ. 18Bonso, N baŋ ka bonsoŋ zaa ba kye n eŋɛŋ, a tɛgɛ la, a N eŋɛ poɔ. N na baŋ boɔrɔ la yeli naŋ soma eebo, kyɛ N kontoɔ̃ e o. 19Bonso, N ba maŋ toɔ̃ e a soŋ na n naŋ maŋ boɔrɔ, kyɛ a faaloŋ na n naŋ ba maŋ boɔrɔ la ka N maŋ e. 20Pampana ŋa, ka maa erɛ yɛlɛ na N naŋ ba boɔrɔ, a ba la e ka maa la naŋ erɛ, kyɛ a yelbieri naŋ be n eŋɛŋ la erɛ.
21Azuiŋ, N nyɛɛ la ka o waa bege ka maa wa boɔrɔ ka N e yeli naŋ soma, faaloŋ maŋ peɛle ma la yaga. 22Bonso, N nɔnɔ la a Naaŋmen bege ne a n sukyiri zaa, 23kyɛ N nyɛ la a bege kaŋ meŋ a n nandaare poɔ ka o zɔɔrɔ ne a bege naŋ be n yɛŋ poɔ, a e ka n waa neɛ ba naŋ nyɔge ko a yelbieri bege naŋ be a n nandaare poɔ. 24Maa nemba-neɛ! Nembuo la na faa ma yi a n eŋɛ ŋa naŋ na kpi zie? 25Naaŋmen taa la bareka puoruu a Yeezu Kirista te Daana zuiŋ!
A lɛ zuiŋ, a n yɛŋ poɔ, N waa la Naaŋmen bege gbaŋgbaa, kyɛ ka a n eŋɛ poɔ ka N waa a yelbieri bege gbaŋgbaa.
اکنون انتخاب شده:
Uro 7: DNTTP
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
First New Testament in Dagaare Language © The Bible Society of Ghana, 2013.