以西結書 41
41
1接等，該人帶𠊎到聖所。佢量聖所个門口，深三公尺 #41:1 希伯來文另外還有兩隻字，意思無清楚。， 2闊五公尺，兩片壁个柱𣎴共樣賁兩公尺半。佢又量聖所，長二十公尺，闊十公尺。
3然後，佢到內殿去。佢量內殿个門口，深一公尺，闊三公尺，兩片壁个柱𣎴共樣賁三公尺半。 4佢又量內殿，係十公尺四方。佢㧯𠊎講：「這係至聖所。」
聖殿个橫屋
5該人量聖殿个壁，賁三公尺。聖殿周圍个壁外向有橫屋，逐間闊兩公尺。 6橫屋有三層，逐層有三十隻間房。聖殿个壁外向个逐層全部比下一層跔兜落去，上一層就比下一層較薄兜仔，所以橫屋个樑榫做得放在下一層較闊个壁頂高，毋使用釘仔固定。 7恁樣，對外背看聖殿个壁，對頂高到下背，當像全部平賁。憑等聖殿外壁㧯這兜橫屋外片有兩個闊闊个樓梯，人做得對一樓上到二樓，再到三樓。 8-11這兜橫屋外向个壁賁兩公尺半。聖殿个北片有一隻門做得通到橫屋，南片也有一隻門通到橫屋。𠊎看到聖殿周圍有兩公尺半闊个騎樓；這騎樓離地面三公尺，㧯憑等聖殿外向壁頂高該兜房間个地基平高。在聖殿三面个騎樓㧯祭司用个房間之間有空地，闊十公尺。
西片个房屋
12聖殿西片空地个盡尾有一座屋，長四十五公尺，闊三十五公尺，四周圍个壁賁兩公尺半。
聖殿个尺寸
13該人量聖殿，長五十公尺。對聖殿後壁到空地盡尾西片該座屋个後壁，有五十公尺。 14聖殿个頭前㧯兩片个空地長也係五十公尺。 15佢又量西片該座屋，包含兩片个走廊，也係五十公尺。
聖殿个內部
16聖殿个前堂、聖所、㧯至聖所，對地面到窗門口个壁全部鑲樹枋。這兜窗門做得關起來 #41:16 本節在希伯來文个意思無清楚。。 17聖殿四周圍个壁，對地面到門个頂高 #41:17 本節在希伯來文个意思無清楚。， 18內外全部雕刻基路伯㧯棕樹。基路伯㧯棕樹一隻隔一隻排等。逐隻基路伯全部有兩隻面： 19-20像人个面向等這片个棕樹，像獅仔个面向等該片个棕樹。壁个四圍，對地面到門个頂高全部係恁樣。 21聖所个門柱係四方个。
樹料做个祭壇
22在至聖所个門口頭前有一隻樹料做个祭壇，高一公尺半，闊一公尺。祭壇四角个柱仔、壇面，㧯壇堘全部係樹料做个。該人㧯𠊎講：「這係擺在上主面前个桌仔。」
門
23聖所㧯至聖所个門口各有兩層門。 24逐層門全部係雙扇个，逐扇門做得自由開闔。 25聖所个門面頂雕刻有棕樹㧯基路伯，像壁項个共樣。前堂門个門楣外向有用枋仔遮等。 26前堂兩片全部有細窗門，壁項有雕刻棕樹 #41:26 希伯來文另外還有三隻字，意思無清楚。。
اکنون انتخاب شده:
以西結書 41: THV12Hdb
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© The Bible Society in Taiwan, 2012
All rights reserved
© 台灣聖經公會版權所有 2012