阿摩司書 2
2
有關摩押
1上主講：「摩押人再三犯罪，𠊎一定愛責罰佢等。佢等將以東國王个屍骨燒做灰。 2所以𠊎愛放火燒摩押，將加略个王宮燒掉。軍隊大聲喊、羊角聲盡響个時，摩押人一定會在戰場死掉。 3𠊎愛除滅摩押个領袖，㓾掉它所有个官長。」上主恁樣宣佈了。
有關猶大
4上主恁樣講：「猶大人再三犯罪，𠊎一定愛責罰佢等。佢等拒絕𠊎个教訓，毋遵守𠊎个誡命。佢等被祖先所信个假神引誘，離開正道。 5所以𠊎愛放火燒猶大，將耶路撒冷个王宮燒掉。」
上帝愛審判以色列
6上主恁樣講：「以色列人再三犯罪，𠊎一定愛責罰佢等。佢等為到錢銀將義人賣掉，為到一雙草鞋將窮人賣掉 #2:6 「佢等為到…窮人賣掉」抑係譯做「佢等貪愛錢財，將無法度還債个窮苦人賣給人做奴才，這兜人單單欠佢等一雙草鞋恁少个錢，也無做過麼介壞事」。。 7佢等將窮苦人个頭那踏到泥塥肚，將路項求幫助个人㩳開。甚至兩子爺㧯共一個使女 #2:7 「使女」抑係譯做「神廟娼妓」。行姦淫，侮辱𠊎个聖名。 8佢等在逐祭壇堘，睡在窮苦人抵押給佢等个衫褲面頂；佢等還在神廟肚，食人受罰拿來个酒。
9「𠊎个子民啊，亞摩利人雖然像香柏樹恁高大、像橡樹恁強壯，為到你等𠊎還係將佢等連根㧯果子徹底消滅了。 10𠊎對埃及將你等𢱋出來，在曠野帶領你等四十年，將亞摩利人个土地賜給你等。 11𠊎對你等个子弟當中揀選先知，對你等个青年當中培養離俗人 #2:11 「離俗人」抑係譯做「拿細耳人」，係特別許願獻身給上帝个人。佢等愛禁止自家啉淡酒抑係釅酒，做毋得剃頭，也做毋得行近屍體 (參考民數記 6:1-8)。。以色列人啊，𠊎 — 上主講這兜話，敢講毋著嗎？ 12總係你等勉強離俗人啉酒，毋准先知傳𠊎个話。 13看啊，𠊎愛將你等壓到橫在地上，像載忒多五榖个車仔磧到落下去。 14就算係走相逐个選手也走毋掣；大力士也會失去力量；軍人連自家个性命也難保。 15弓箭手个腳企毋在；走盡遽个戰士也走毋掣；騎馬个也救毋到自家个命。 16在該日，連最勇敢个戰士也會脫掉戰袍來逃命。」上主恁樣宣佈了。
اکنون انتخاب شده:
阿摩司書 2: THV12Hdb
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© The Bible Society in Taiwan, 2012
All rights reserved
© 台灣聖經公會版權所有 2012