Salmos 4
4
Díos tjajon kjuaxróxin
Salmo kuènté David
1Itꞌéni Díos, tjáte̱hé ti ó tꞌéyani;
jaha mé ijnko Díos imá tjínki̱tsa ti jeheni.
Jaha kjui̱nchekito̱héni jína ti ña̱o kꞌuáváni.
A̱ndá ijie ti̱konoéhéni, la tihín ti nkehe tjanchiani.
2Jahara chojni tjenka̱yáxin kixin imá nohe,
¿xá hasta nkesá xi̱kahó tsꞌándaxíhínra ti jeheni?
¿Hasta nkesá tsi̱to̱héra nkehe ó chónkó la ko ti kjuachꞌia?
3Chrokónohara kixin Itꞌéni Díos tsíkjeyá ti chojni jína,
La tjetihin chꞌan ti tsꞌéye̱he̱ni chꞌan.
4 #
Ef. 4:26. *Tjásinhñara ijie̱ ti ó tónínkáonra;
táníkoára tjejora
la tjénka̱yáxinra jína ti ó tsejotsi̱nka̱ra.
5Chrokuinkachónkira Itꞌéni Díos kaín a̱sánra
la ko chróchje̱héra chꞌan ti nkehe jína.
6Nchónhña chojni ndáchro:
“¿Xá nkexro chrókjua̱ko̱xi̱n ti nkehe jína?”
Méxra̱ ijie, jaha Itꞌéni Díos chróchrꞌan ti kjuachaxin kuèntá
tsjínki̱tsa ti jeheni.
7Jaha imá kjui̱nchechehé a̱séni,
a̱ndá ti íso sin, kjónté imá tsíkꞌónehe sin noa la ko chónta sin vino itsꞌi sin,
la kanhñó chéhe̱ sin.
8Méxra̱ ijie kjuaxróxin tsjakꞌetsínkani la tso̱kꞌéheni
kixin jaha Itꞌéni Díos mé tꞌayakonhéni.
اکنون انتخاب شده:
Salmos 4: poeNTplus
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2016, Wycliffe Bible Translators, Inc. All rights reserved.