Salmos 23
23
Itꞌéni Díos mé ti Pastor kuènténi
Salmo kuènté David
1Itꞌéni Díos, mé ti Pastor tꞌayakohen ti jeheni;
la kaín nkehe chóntani la í ninkehó tꞌitjáñahña.
2 #
Ap. 7:17. *Ti siín kaxi yoa náxrjón mé ntiha tso̱kꞌèxini,
la chjinaxón ti tjiá ìnta̱ mé tsjiko̱ani.
3Jaha mé tsjánjua ni̱xién fuerza
la sátsjikoáni ti nti̱a ndoá
kixin tsjikosáyeheni ti ihni̱á.
4Kjónté tsꞌatsínkani ti nti̱a imá sítie siín kjuachꞌén#23:4 kjuachꞌén muerte (kjua-tsꞌen),
la tsochrakonhñani kixin jaha tsꞌayakonhéni.
Ti inta tjixi̱an ko ti inta tꞌinka̱kuénxian ti iko jie̱he mé tsꞌayakuénxíani.
5Jaha mé kjuásihini ijnko kia ijié
nkayakon ti sin nínkakohen ti jeheni;
la jaha kuíkjajña aceite ti ikjani,
la kjui̱nchekaoan ti vaso kuènténi hasta sítꞌitjíjin.
6Chaxín jína tso̱tjue̱hé ti jeheni kaín ña̱o ti na̱xa̱ tjechóni.
La ti ndo̱a, jaha Itꞌéni Díos, mé tsjakꞌeni nkochríxín.
اکنون انتخاب شده:
Salmos 23: poeNTplus
هایلایت
به اشتراک گذاشتن
مقایسه
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2016, Wycliffe Bible Translators, Inc. All rights reserved.