Proverbios 7
7
Titekákonhñara ti chojnichjin nduáhya ixri
1Xje̱eni, chrókuitekaoan ti nkehe nixja̱ha;
la chrókjui̱nchekꞌitjáñahña ti nkehe kuétua̱han.
2Chrokuitekaoan ti nkehe kuétua̱han la jína tsjakꞌe,
chrókꞌuayakohén ti nkehe kuétua̱han éxi tꞌayakohén ti ikuan,
3mé tíha chrókjui̱nchentetoxian ti ndedo itjá;
chróxraxinkaoan tíha kaín a̱sán.
4Chrótjue̱hé ti kjuaxrexinkaon jína éxi ijnko kichua;
kixin tíhi éxi ijnko nkexro kjéhya jaha,
5kixin tíha mé tsjinki̱tsa kixin chrókjuichròehya jaha kixin ti chojnichjin nduáhya ixri
kjónté náxrjón chrónixja tjan.
6Ijnko ña̱o mé itjén janhan ti ventana ndo̱na#7:6 ndo̱na mi casa la kꞌuíkua̱n
7iso sin ndasoá na̱xa̱ chóntahya kjuaxrexinkaon jína.
Ndá kꞌuíkua̱n íjnko chájan a̱ntsí lo̱nti̱,
8kꞌuatóye̱ ti nti̱a a
la sákjuí chꞌan ndoí ndo̱e ti tjan nduáhya ixri.
9Mé ó tinkákóndanonte la ti ña̱o la ó tinkákjiataón
la ó kjuankíxin tsꞌixin tie.
10A̱ndá ti chojnichjin la tuénxín kꞌuaxrjexín ndo̱e la kjuichréhe̱ ti chojnindoa.
Tsíkꞌitsá ika éxi ijnko nkexro nduáhya tjenka̱yáxin.
11Jehe tjan mé ijnko chojnichjin tsjehya nkexrín ixri la ko tósuèhya tjan,
la tóxrìe̱nhña tjan tsjakꞌe tjan ndo̱e tjan,
12kixin nkochríxín ixri tjan nti̱a o̱ ndasin
o̱ nkojnko esquina la tjechóhen tjan sátsjiko tjan ti chojni tsꞌatsínka ntiha.
13A̱ndá kꞌuatsínka tjan ti itjen ti ndasoá
la kjóa tjan la kjonieko tjan kochíto la kósuèhya tjan ndáchro tjan:
14“Xrákia ndo̱eni sinieni ti nkehe chjéheni ti díos kuènténi.
A̱ndá ijie xiteyá ti nkehe ndáchroni la siín into sinieni.
15Méxra̱ ijie kꞌuaxrjeni kixin tsoxétani.
Xritjeyáni ti jaha, a̱ndá ijie xéta kíchóni.
16Ó kjua̱kꞌe̱yo̱xini ti cama
la kjuakꞌetaóni ti ika náxrjón tsíkji̱xi̱n Egipto
17la ko ó kjuasikjanjini mirra, áloe la ko canela, ti xro̱a̱n xraxé náxrjón.
18Xrákia tsꞌajuani tsꞌejóni kuenté tie hasta tsꞌinkaséña.
Tso̱chéhe̱ni kixin tjejóni.
19Ti xiìna la tjenhña nchia ijie;
kixin sákjuí chꞌan imá ikjín,
20sákjuíko chꞌan itsjé chichaon
la tsokjanhña chꞌan hasta nko̱siñe nitjó.”
21Mé xi̱kaha ichro tjan kjuachròe tjan ti ndasoá
kixin ti nkehe náxrjón níxja tjan.
22Ndá ti ndasoá la chréhe̱ nóton ti tjan a
éxi ijnko koxinta sákjuíko sin itsꞌen
o̱ éxi ijnko koxi̱jna̱ kꞌuitsínkayá ti trampa
23hasta tsjiatejña ijnko flecha ti a̱sén va.
O̱ éxi ijnko koxroxe kꞌuíxehen ti trampa
la noehña kixin ntiha tsꞌitjáñaxín.
24Méxra̱, xje̱eni, chrókjuakꞌe chrókuihín,
chrókjuakꞌe chrókjui̱nchexiteyá ti nkehe ndáxrja̱n.
25Chróndáchrohya a̱sán kixin chróchréhé ti tjan a;
chrókuákjáhya ti nti̱e tjan.
26Kixin nchónhña chojni kꞌuénxin ti iji̱é tjan;
la nchónhña chojni xi̱kaha kjuíchꞌehe tjan.
27Kaín chojni tꞌixehen ti ndo̱e tjan
mé takja sin ti nti̱a tsꞌenxín sin.
اکنون انتخاب شده:
Proverbios 7: poeNTplus
هایلایت
به اشتراک گذاشتن
مقایسه
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2016, Wycliffe Bible Translators, Inc. All rights reserved.