Proverbios 6
6
Tjenka̱yáxian jína ti nkehe si̱chꞌe
1Xje̱eni, ti tsochronka ijnko nkexro choxián
kixin tsanchajie̱he nkojín nkehe,
2la jaha ticháxi̱n tsjènka kjónté chontahya chichaon, kixin ó tsíndáchrua
la xi̱kaha jahuá kjuéyá ti tsjasótexián.
3Xje̱eni, ti tjinkakonhña kixin si̱chꞌehé ixra̱ ti nkexro choxián
la ícha jína tjoka chrókjuichréhé ti nkexro la chróchronoéhé
kixin chrókꞌóxika ti ihni̱á kꞌuínixín ntiha.
4Chrokjuachrꞌichrinhña,
chrókui̱toéhya kixin chrókꞌuikjehe̱ ti ikuan;
5ícha jína tjoka sáchrókjuixián ntiha éxi tinká ijnko koxi̱jna̱ kixin chréhe̱ chojni chrókꞌóñá,
o̱ éxi ijnko koxroxe ti ó tꞌaxrjexín nta̱nto̱a.
Ti sin séhe
6Jaha chojni séhe, tsjehé ti kochꞌokan;
tsjehé ti ixra̱ ichꞌe va, la tankihí va.
7Chóntahya va nkexro tsꞌe̱tue̱hen va
la ko kohya nkexro tsondáche va nkehe sichꞌe va,
8la ti ña̱o tsotjá chojni la tꞌàya va ti nkehe sinie va
la tꞌe̱nka̱chji̱na va ti nkehe.
9Jaha chojni séhe, ¿xá nkesá tjinkaoan tsoxráxèxian?
¿Xá nkesá tsjìinhan ti kotáchrin?
10 #
Pr. 24:33, 34. *Intsí tjakꞌechrian, la ko tꞌitjen,
la ko tjo̱a̱ itjá tjakꞌechrian,
11la ní tso̱noahña itsi ti ña̱o tso̱nóa éxi chrókui ijnko xíche̱e tsa̱aha
ndá xi̱kaha tsochontahya ninkehó nkehe sinte.
Ti chojni chꞌia
12Ti chojni nduáhya tjenka̱yáxin la ko tósuèhya
mé ixri sin tꞌoxika sin kjuachꞌia.
13Ti chojni chrꞌáto ikon, la to̱té
la ko itja mé tja̱ko̱xi̱n sin ti nkehe nduáhya tjinkaon sin sichꞌe sin.
14Ti chojni a mé ikja tjenka̱yáxixín ti nkehe jínahña sichꞌe
la nkochríxín xritje sin kjuanínkaon.
15Méxra̱, titàya̱ itsié ti nkehe tsꞌitjáñaxín sin
la tsꞌitjáña sin la kohya nketí tsaáxin sin.
Ti nkehe tóxriènhña Itꞌéni Díos
16Siín injon nkehe,
o̱ yato tóxrìe̱nhña Itꞌéni Díos:
17ti chojni ihnke,
ti chojni imá xrichꞌia,
ti chojni tꞌóñá kícho,
18ti chojni tjenka̱yáxin nkehe náxrjónhña,
ti chojni xritinká sichꞌe ti nkehe nduáhya,
19ti chojni nduáhya chronka la chꞌéna kjuachꞌia,
la ko ti chojni tjehe kjuanínkaon ti kícho.
Chrèhya ti chojnichjin nduáhya xri
20Xje̱eni, xráxinkaoan nkochríxín ti nkehe kꞌue̱tua̱han itꞌá,
la ko ti̱toéhya ti nkehe kjua̱ko̱ha ìná.
21Xráxinkaoan tíha nkochríxín
éxi ijnko nkehe chrókjuakꞌenkí isian kixin chrókꞌuitjáñahña.
22Tíha mé tsja̱ko̱ha ti nti̱a jína
la ko tsꞌayakohan ti ó tsjakꞌéchrian
la ko tsonixja̱ha ti ó tjakꞌetsjehé,
23kixin ti nkehe kꞌuítuahan mé éxi ijnko xrohi tꞌinkaséñaxín nti̱a.
Ti nkehe xrako̱ha mé ti xrohi tsꞌinkaséñaxián
la ndá ti nkehe kjuenduáhá sin mé tsjinki̱tsa kixin tsꞌájia ti nti̱a jína.
24La ko tíha chrókjuinki̱tsa kixin nijnko chojnichjin nduáhya ixri chrókjuachròe ti jaha,
kjónté imá náxrjón chrónixja sin la chrókiénhña jaha.
25Chrokjuakéhya a̱sán ti náxrjón tsjehe tjan,
chrókjuaníehña kixin chrókjuachròexian tjan ti ikon tjan.
26Ti tsochrehé ti chojnichjin nduáhya ixri la sinchexéhen iso chi̱cha̱ko̱an,
kjánchó ti tsochrehé ti chojnichjin chónta xìi la tsꞌitjáña jaha.
27Ti chojni tóchjinehe ti síche xrohi
la, ¿xá chróchehya ti iké sin a ní?
28O̱ ti ijnko chojni chrókuitaón ti xrinta,
la, ¿á chróchjánhña ti to̱té sin a ní?
29Mé xi̱kaha ti nkexro tsochónta ichjién íjnko chojni
la chaxín tsjasóte.
30Ninkexró tekahya ijie̱ ijnko chojni ti teé
kixin ikꞌuén kjinta.
31A̱ndá ti tso̱noxíxin
la tsicháxi̱n tsꞌókjan yato vece ti nkehe kueé la tsjajon kaín
ti nkehe chónta.
32Ti chojni lo̱nti̱ chónta íjnko chojnichjin jehya ichjién la í tjenka̱yáxinhña sin jína,
la sinchekꞌitjáña a̱sén kixin xi̱kaha kjuíchꞌe.
33Mé xi̱kaha tsjasótexín chꞌan la ko tsꞌekon chꞌan la ko tso̱suéhe̱ chꞌan
la ko xitjahya tsꞌóxika ti kjuatosuéhe̱ tsochónta.
34Ti ó tso̱nohe xìi ti tjan a,
la imá tso̱nínkaon la ko imá tso̱chjio#6:34 tso̱chjio celos
la í tsi̱konoèhña chꞌan ti nkexro a.
35Jehe chꞌan la imá tso̱nínkaon chꞌan la tsochrohya chꞌan tsákja chꞌan ninkehó
kixin tsꞌitjáñaxín ti kjuanínkaon kuènté chꞌan, kjónté kaín ti oro siín chjasintajni chrókjuiko̱he̱ sin chꞌan.
اکنون انتخاب شده:
Proverbios 6: poeNTplus
هایلایت
به اشتراک گذاشتن
مقایسه
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2016, Wycliffe Bible Translators, Inc. All rights reserved.
Proverbios 6
6
Tjenka̱yáxian jína ti nkehe si̱chꞌe
1Xje̱eni, ti tsochronka ijnko nkexro choxián
kixin tsanchajie̱he nkojín nkehe,
2la jaha ticháxi̱n tsjènka kjónté chontahya chichaon, kixin ó tsíndáchrua
la xi̱kaha jahuá kjuéyá ti tsjasótexián.
3Xje̱eni, ti tjinkakonhña kixin si̱chꞌehé ixra̱ ti nkexro choxián
la ícha jína tjoka chrókjuichréhé ti nkexro la chróchronoéhé
kixin chrókꞌóxika ti ihni̱á kꞌuínixín ntiha.
4Chrokjuachrꞌichrinhña,
chrókui̱toéhya kixin chrókꞌuikjehe̱ ti ikuan;
5ícha jína tjoka sáchrókjuixián ntiha éxi tinká ijnko koxi̱jna̱ kixin chréhe̱ chojni chrókꞌóñá,
o̱ éxi ijnko koxroxe ti ó tꞌaxrjexín nta̱nto̱a.
Ti sin séhe
6Jaha chojni séhe, tsjehé ti kochꞌokan;
tsjehé ti ixra̱ ichꞌe va, la tankihí va.
7Chóntahya va nkexro tsꞌe̱tue̱hen va
la ko kohya nkexro tsondáche va nkehe sichꞌe va,
8la ti ña̱o tsotjá chojni la tꞌàya va ti nkehe sinie va
la tꞌe̱nka̱chji̱na va ti nkehe.
9Jaha chojni séhe, ¿xá nkesá tjinkaoan tsoxráxèxian?
¿Xá nkesá tsjìinhan ti kotáchrin?
10 #
Pr. 24:33, 34. *Intsí tjakꞌechrian, la ko tꞌitjen,
la ko tjo̱a̱ itjá tjakꞌechrian,
11la ní tso̱noahña itsi ti ña̱o tso̱nóa éxi chrókui ijnko xíche̱e tsa̱aha
ndá xi̱kaha tsochontahya ninkehó nkehe sinte.
Ti chojni chꞌia
12Ti chojni nduáhya tjenka̱yáxin la ko tósuèhya
mé ixri sin tꞌoxika sin kjuachꞌia.
13Ti chojni chrꞌáto ikon, la to̱té
la ko itja mé tja̱ko̱xi̱n sin ti nkehe nduáhya tjinkaon sin sichꞌe sin.
14Ti chojni a mé ikja tjenka̱yáxixín ti nkehe jínahña sichꞌe
la nkochríxín xritje sin kjuanínkaon.
15Méxra̱, titàya̱ itsié ti nkehe tsꞌitjáñaxín sin
la tsꞌitjáña sin la kohya nketí tsaáxin sin.
Ti nkehe tóxriènhña Itꞌéni Díos
16Siín injon nkehe,
o̱ yato tóxrìe̱nhña Itꞌéni Díos:
17ti chojni ihnke,
ti chojni imá xrichꞌia,
ti chojni tꞌóñá kícho,
18ti chojni tjenka̱yáxin nkehe náxrjónhña,
ti chojni xritinká sichꞌe ti nkehe nduáhya,
19ti chojni nduáhya chronka la chꞌéna kjuachꞌia,
la ko ti chojni tjehe kjuanínkaon ti kícho.
Chrèhya ti chojnichjin nduáhya xri
20Xje̱eni, xráxinkaoan nkochríxín ti nkehe kꞌue̱tua̱han itꞌá,
la ko ti̱toéhya ti nkehe kjua̱ko̱ha ìná.
21Xráxinkaoan tíha nkochríxín
éxi ijnko nkehe chrókjuakꞌenkí isian kixin chrókꞌuitjáñahña.
22Tíha mé tsja̱ko̱ha ti nti̱a jína
la ko tsꞌayakohan ti ó tsjakꞌéchrian
la ko tsonixja̱ha ti ó tjakꞌetsjehé,
23kixin ti nkehe kꞌuítuahan mé éxi ijnko xrohi tꞌinkaséñaxín nti̱a.
Ti nkehe xrako̱ha mé ti xrohi tsꞌinkaséñaxián
la ndá ti nkehe kjuenduáhá sin mé tsjinki̱tsa kixin tsꞌájia ti nti̱a jína.
24La ko tíha chrókjuinki̱tsa kixin nijnko chojnichjin nduáhya ixri chrókjuachròe ti jaha,
kjónté imá náxrjón chrónixja sin la chrókiénhña jaha.
25Chrokjuakéhya a̱sán ti náxrjón tsjehe tjan,
chrókjuaníehña kixin chrókjuachròexian tjan ti ikon tjan.
26Ti tsochrehé ti chojnichjin nduáhya ixri la sinchexéhen iso chi̱cha̱ko̱an,
kjánchó ti tsochrehé ti chojnichjin chónta xìi la tsꞌitjáña jaha.
27Ti chojni tóchjinehe ti síche xrohi
la, ¿xá chróchehya ti iké sin a ní?
28O̱ ti ijnko chojni chrókuitaón ti xrinta,
la, ¿á chróchjánhña ti to̱té sin a ní?
29Mé xi̱kaha ti nkexro tsochónta ichjién íjnko chojni
la chaxín tsjasóte.
30Ninkexró tekahya ijie̱ ijnko chojni ti teé
kixin ikꞌuén kjinta.
31A̱ndá ti tso̱noxíxin
la tsicháxi̱n tsꞌókjan yato vece ti nkehe kueé la tsjajon kaín
ti nkehe chónta.
32Ti chojni lo̱nti̱ chónta íjnko chojnichjin jehya ichjién la í tjenka̱yáxinhña sin jína,
la sinchekꞌitjáña a̱sén kixin xi̱kaha kjuíchꞌe.
33Mé xi̱kaha tsjasótexín chꞌan la ko tsꞌekon chꞌan la ko tso̱suéhe̱ chꞌan
la ko xitjahya tsꞌóxika ti kjuatosuéhe̱ tsochónta.
34Ti ó tso̱nohe xìi ti tjan a,
la imá tso̱nínkaon la ko imá tso̱chjio#6:34 tso̱chjio celos
la í tsi̱konoèhña chꞌan ti nkexro a.
35Jehe chꞌan la imá tso̱nínkaon chꞌan la tsochrohya chꞌan tsákja chꞌan ninkehó
kixin tsꞌitjáñaxín ti kjuanínkaon kuènté chꞌan, kjónté kaín ti oro siín chjasintajni chrókjuiko̱he̱ sin chꞌan.
اکنون انتخاب شده:
:
هایلایت
به اشتراک گذاشتن
مقایسه
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2016, Wycliffe Bible Translators, Inc. All rights reserved.