Proverbios 27
27
1*#Stg. 4:13-16.Chrokjui̱nchenkexínhña ti nkehe tjénka̱yáxian si̱chꞌe ndóye
kixin noahña nkehe tso̱hen ti ña̱o tsinkáki.
2Chrokjui̱nchenkehya kixin imá noha;
ti̱to̱hé kixin íjnko nkexro chóxinhña chróndáchro kixin chaxín noha.
3Ti ixro̱ la ko ti nchesen la imá iye,
kjánchó a̱ntsí iye ti kjuanínkaon chonta ti chojni lo̱nti̱.
4Ti kjuanínkaon la imá jínahña la nchekꞌitjáña chojni,
la ti kjuachji̱no̱xíhin la, ¿xá nkexro chrókjuacha chrókjuajo̱nko tíha?
5Ícha jína noxín chrókjuenduáha sin
ke ómó chrótjua̱ha̱ sin.
6Ícha jína chrókjuincheníhi ti nkexro choxián
ke ti chojni nínkakohan chrótjáha ijnko kochíto.
7Ti chojni ó tsíkokje̱he tsíkjinie la kjónté ti itsje̱n kotsje̱nta la tjinkakonhña sin.
Kjánchó ti chojni tꞌenxín kjinta la kjónté ti nkehe itsjá la náxrjón, ichro sin.
8Éxi ti koxroxe sátsíkji̱xi̱n ka̱ké;
mé xi̱kaha ti nkexro sátjixin ti chjasén.
9Éxi ijnko nkehe náxrjón xraxé nchechéhe̱ a̱séni,
mé xi̱kaha tóchéhe̱ni ti náxrjón nixja ti nkexro chóxini.
10Chrokui̱toéhya ti nkexro itjuá jína la ko ti nkexro chóxin itꞌá.
Chrokjuihya ndo̱e ti kichua ti ña̱o kjuaxróxinhña itjen a̱sán.
Ícha jína chrókjuá ti sin tjejó chjinaxón ndo̱a ke ti kichua tjejó imá ikjín.
11Xje̱eni, chrókꞌuitjá jína, ndá xi̱kaha chrókjui̱nchechéhé ti a̱sená
ndá xi̱kaha jína chrókjuata̱ha̱ ti nkehe ndáchro ti chojni xrichꞌia.
12Ti chojni tjenka̱yáxin la ndá tꞌikon siín nkojín kjuachrakon la ókjé sátji;
a̱ndá ti chojni tjenka̱yáxinhña la ándo̱sén sátji la tjasóte.
13Ti nkexro tsjanchejie̱he nkehe ti nkexro chóxinhña,
la chrókjuaxrjehe ti camisé kixin tíha chrókjue̱nka̱xin ti síkán.
14Ti nkexro na̱ndóye itsen tsꞌéye̱he̱ ti nkexro chóxin
la tso̱nínkaon ti nkexro a.
15Éxi ijnko nchia imá tꞌáña ti tꞌaniá ichrin,
mé xi̱kaha ti chojnichjin imá itje kjuanínkaon.
16Ti tjinkaoni chrókjuinchetáníni tjan la éxi chrókótjinkaoni chrókꞌuinkakohe̱ni ti xri̱nto̱
o̱ éxi chrókui̱ki̱ani aceite ti itjani.
17Éxi ti chika la nkokón chika tso̱tatéxin kícho,
mé xi̱kaha ti chojni la nkokón chojni tsjenduéhe kícho.
18Ti chojni tꞌayakohen ti inta higo la sinie ti ito;
ti nkexro tꞌayakohen ti nkehe chónta ti làmoé la tsꞌáyéhe̱ kjuasàya.
19Ti tsotsjehé ti ìnta̱ tjiá la tsꞌikuan ti nkayakuan;
la ti tsotsjehé ti a̱sán la tso̱noha nkexrín itjen.
20Ti kjuachꞌén#27:20 kjuachꞌén muerte la ko ti tòye̱ xravá chojni la nunca tókje̱hya
mé xi̱kaha ti chojni chónta itsjé nkehe la íché tjinkaon sin.
21Ti oro la ko ti plata ticháxi̱n tsꞌatsínkaxín xrohi, á jína tsꞌaxrje,
a̱ndá chojni la tso̱noexín kixin á jína itjen ti chóntehe chojni kjuasàya.
22Kjónté sinchekjasóte sin la ko tsjate sin
ti chojni lo̱nti̱ éxi chrókjuinchetsinká sin chꞌan
la xitjahya tsakítsjehe ti kjualo̱nti̱.
23Chrokꞌuayakohén ti kolélo kuèntá
la ko imá chrótjue̱hé kaín ti iko chonta,
24kixin ti nkehe tjete la ko ti corona
la jehya nkochríxín tsochonta.
25Ti ó si̱nchetjóá ti no̱nta̱a la tsꞌaña kaxi,
la ko tsjéjua ti kaxi siín nte̱je̱.
26Ti kolélo kuèntá la tsochontaxián ika tsꞌítsa,
la ko ti kolitóxja̱n chonta tsakítsjexián chichaon tsꞌe̱naxín no̱nta̱a.
27La ti kotèntso̱ la tsjajon va yeé itsjen,
a̱ndá tsꞌóna nkehe sinte jaha la ko kaín xja̱an
la ko kaín ti sin tꞌaha ixra̱.
اکنون انتخاب شده:
Proverbios 27: poeNTplus
هایلایت
به اشتراک گذاشتن
مقایسه
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2016, Wycliffe Bible Translators, Inc. All rights reserved.