آیات محبوب کتاب مقدس از Josue 1

به اشتراک گذاشتن

Ni an ba ni hang vuna d’uo zu? Ang ve tang ad’enga, ang so tangû, ang le mandar ri, ang ar vunadigang pat tuo mi. Kayam an Ma didina Alo mangâ ni nga ki sed’eng ata yima lara ge pet ma ang mba i kuana.

Ar ang wal lei ki mbaktumba hi gatid’a d’i, ang dugud’ot ndumba á djib’er kat andjege ki falei á ngomot á tit yam ahlena pet suma a b’irizi kuana. Hina wani, ang mba ndak vun ahlena pet suma ang mba lazina, ang mba fazi mi.

Wani ang ve tang ad’enga, ang so tangû, ang ngom gat ta pet ta Moise azong mana mi hang vuna kata, ang tit kat mi. Ar ang i abo ma ndjuf foze abo ma gula d’uo mi. Hina wani, ang mba fahlena pet suma ang mba lazina.

Ata yima ang nga ki irang yam andagad’ina, sama mba mi tchol avorongâ nga d’i, kayam an nga ki sed’eng d’igi an nga ki Moise adjeu na. An mba ni arang vang ngi, an mba ni arang ngei d’uo mi.

Ang ve tang ad’enga, ang so tangû, kayam ni ang ba, mba i ki sum ndazina yam ambas sa an gun tan kat mabuyozi ngolo á hazizid’a.

Ata yima lara ma agi mba tinigi asegi kuana, an mba ni hagizi d’igi an de mi Moise na.

Azong mana Moise mi mit da’. Ki tchetchemba, ang tchol akulo, ang i djak alum ma Jurdê ma wana, ang ki sum ndazina pet, agi igi yam ambas sa an nga ni hat mi Israel-lîd’a.

Kid’a Moise azongâ hi Ma didinina mi mit da d’a, Ma didina mi de mi Josue Nun goroma azongâ hi Moise-sâ ala

Haga magid’a mba d’i tinï ad’ud’a hur fulâ abo ma sutna gak ti mba yam ambas sa Liban-nda abo ma norâ, ti kal gak ti i avun alum ma Efrat-na yam andagad’a hi suma Het-nid’a pet abo ma yorogona gak ti mba avun alum ma ngol ma Mediterane-na abo ma fladegena.

Sama lara ma humung nga vunang nguo, mi ge nga yam kä ad’u vun ma he ma ang mba huma pet tuo na, a tchum mbeyo. Wani ang ve tang ad’enga, ang so tang mi.

Agi igi kur kangâ, agi hagi vuna mi suma, agi dazi ala: Agi minigi tagi kahle suma tena, kayam ar burâ hindi agi mba djagagi alum ma Jurdê ma wana á hlambas sa Ma didina Alo magina nga mi hagizid’a.