آیات محبوب کتاب مقدس از Gat ta a hat á mbàd’id’a 30

به اشتراک گذاشتن

An nga ni dagi ini, akulod’a kandagad’a ni glangâs mana, an tinigi arid’a ki matna irazi vazi avorogi wana, b’e vuna ki ge vuna irazi vazi avorogi wan mi. Agi managi arid’a kayambala agi kandjavagi kagagi ki arid’a d’a. Agi lagi yam Ma didina Alo magina, agi gagi yagi kä avoromu, agi kagagi ni suma d’engzengâ avoromu, agi zlabagi tu ki sed’emu. Hina wani, agi mba kagagi ki arid’a, agi mba tagi ngola tatâ yam andaga d’a mam hle vunam kat á hat mabuyogi ngolo Abraham, Isak ki Jakob-pa.

An hagi ini vuna kayambala agi lagi yam Ma didina Alo magina, agi tid’igi kur lovot ta mam tagizid’a, agi ngomogi vun mam ma hed’a ki gat mamba ki vun mam ma he ma tetengâ tala agi kagagi ki arid’a, agi zulugiya, Ma didina mi b’e vunam kagi kur ambas sa agi nga kalagi kur á hlat wanda d’a.

Moise mi de kua ala: Gola! An tinigi ini arid’a ki djivid’a irazi vazi avorogi wana, matna ki tchod’a irazi vazi avorogi wan mi.

Wani zla ndata ti nga ni go ki sed’egiya, ti nga avunagiya, ti nga kurugi mi kayambala agi lagi sunda kad’u d’a.

Ma didina mba mi mbud’ugi agi kandjavagi hurugi yed’et, kayambala agi lagi kam ki hurugi ma tuna ki tagi pet mi d’a. Hina wani, agi mba kagagi ki iragi avoromu.

Le agi gagi yagi kä avok Ma didina Alo magina, le agi ngomogi vun mam ma hed’a ki gat mam mba teteng nga a b’irit kur mbaktumba hi gat ndatid’a, le agi hulongôgi gen Ma didina Alo magina ki hurugi tu ki tagi pet mi ni, Ma didina Alo magina mba mi b’e vunam kagi kur sun nda lara ge pet ta agi mba lagizi kabogid’a. Grogina a mba zula, d’uwar magina mba mi zula, asine magina mba mi wul awuna mi, kayam Ma didina mba mi fe djivid’a atagi kua d’igi mi fat ata abuyogi ngolo na mi.

Wani le agi walagi woi ki Ma didina, le agi gagi nga yagi kä avorom mbi, le sa mi lobogi agi igi á kud’or alo ma dingâ á lum sunda ni, an nga ni dagi ini, agi mba dabagi woi ki iragi fafat, agi mba kagagi tatâ yam ambas sa agi nga djagagi alum ma Jurdê-na á hlat wanda d’i.

Moise mi de kua ala: Vun ma he ma an hagizi inina ni vama ad’eng á kal kagi d’i, mi nga dei ki sed’egi d’uo mi.

Mi sä nakulo ba, agi mba dagi ala: Ni nge ba, mba mi djak akulo, mba mi veizï ei mba humum á lei sunda kam nge d’i.

Mi sä nabo alum ma ngolâ abo hî ba, agi mba dagi ala: Ni nge ba, mba mi djak alum ma ngolâ, mba mi veizï ei mba humum á lei sunda kam ge d’uo mi.