آیات محبوب کتاب مقدس از 1 Amuleina 17

به اشتراک گذاشتن

Kayam Ma didina Alona hi Israel-lîna mi dala: Afuta mba d’i dap pei kur deina d’i, mbulâ mba mi dap pei kur gugura d’uo mi, gak bur Ma didina mi salona kä yam andagad’ina tua.

Elie ma Tisbe ma nga kaka Galät-na, mi de mamulâ Ahap ala: An nga ni dang ngei avok Ma didin ma bei matna Alona hi Israel-lâ ma an nga ni lum sundina: Gola! Biza d’a ar avok wanda wani, mbad’ï mba d’i ge d’i, alo mba mi se d’uo mi, gak bur ma an mba ni tchenema tua mbeî!

Elie mi dat ala: Ndak le mandar ri! Ndak i le d’igi ndak de na. Ndak i ganï avungôna hina nde tua. Bugol tua ba, ndak i ge mi agi ki goro’â.

Ti dum ala: An gunung tan avok Ma didina Alo mang ma bei matna, avu nga d’i, afuta ar nga kur deina hina ngiyeû ki mbulâ nga kur gugura hina nde mi. An mba ni kus tchagalaka kä wani, an i ni tib’ek ahle suma ar nde ndazina mi an ki gorona. Le ami tami wa ni, ami djubumi ni mat mamina.

Ang tchola, ang i kur azì ma Sarepta ma yam andaga d’a Sidon-ndina, ang kak sä kua. An he wa vuna matcha d’a modono d’a nga kuad’a á hang tena.

Afut ta kur deinid’a ti dap puo mi na, mbul ma kur gugurina mi dap puo d’igi Ma didina mi de mi Elie na.

Ndat ti i le d’igi Elie mi dat na mi. Azi ki gorotna ki Elie a te burâ ablaud’a.

Elie mi tchol mi i Sarepta. Kid’a mi mbaza huyok azinid’a, mi watcha d’a modonod’a nga d’i kus aguna, mi yat mi dat ala: Atchad’a, ndak i hanï mbiyo ma tche dö.

Ang mba tche mbiyo toliyonda sä hî, an he wa vuna mi gagauna mba mi ing sä tena mi.

Ndat ti i á hal mbina, wani mi yad’u, mi dat ala: Ndak mburugunï avungôna abok nde mi.

Gagauna nga mi im avungôna ki hliuna yorogo ki fladege, mam mi tche ni mbiyo toliyonda mi.

Wani bur tu toliyonda ti so woyo, kayam alona nga mi se kur ambas ndata d’i.

Atcha ndata ti dum ala: Ki tchetchem wanda, an wala angî ma djok vun Alona. Ang de ni zla d’a tcholï avun Ma didinid’a gagazi.

Elie mi le vama Ma didina mi dum kama, mi i kak sä avun toliyon nda Kerit-ta.

Ma didina mi hum tchenda hi Elie-d’a, mi zlit gor máma akulo, gorâ mi nde muzuka.