آیات محبوب کتاب مقدس از MAARKOS 14

jup kaiꞌch: ―Aapiꞌñ Gɨꞌkoraꞌ nap jix dhaam jup tuꞌiiꞌ, nap bɨxchuꞌx bhaaiꞌ nap pu tu duñiaꞌ, xiñ palhbuiꞌñ nam cham boiñ bhɨichdhaꞌ, na guꞌ dhiꞌ jaꞌp ji buusan na jax gu tuꞌ na giilhim jix xibuꞌ nañ tu iꞌyaꞌ. Piam jap xiñ guguuxdhaꞌ nañ baꞌ cham jax jiñ aaꞌndaꞌ noꞌp guꞌx aaꞌ nam kuugalhdhaꞌ nap aap jax ɨlhiiꞌñ. Ku guꞌ aañ cham tuꞌ ji nañ moo cham aagɨt jup kaiꞌch.

Guꞌ pim ji tɨ nɨiꞌñdhaꞌ ji, gio na pim tu aꞌgadaꞌ jix dhaam jaꞌk buiñor guñ Gɨꞌkoraꞌ na baꞌ cham jam maiꞌchiaꞌ gu jaꞌook. Puiꞌ dho pɨx tɨi xi chu tatdaꞌ jia na pim nakgaꞌ gɨt na pim jum tulhiiñaꞌ na jax aañ, guꞌ ji na pim guꞌ cham nakooꞌ.

Tuꞌ sɨlhkam kɨꞌn jañ yaꞌ pu jam tɨɨdaꞌ, na paiꞌ dhuuk bhaiꞌ ji chum aꞌgaꞌ gux bhaiꞌm kaiꞌchdham ñiꞌook yaꞌ dhi oiꞌñgaꞌn, bɨɨx jup jum aꞌgidhaꞌ dhi ubii na baꞌ bhaan jix maatɨꞌ kaꞌ nat jix bhaiꞌ dhuu nat bhañ choiꞌ dhi osbhagaꞌn gu nardo na joidham uub.

baꞌp ja tɨtda: ―Aañ moo cham puiꞌ ka tu tatdaꞌ ji, bax chaat iñ nam miaꞌn ba jiim guiꞌ nam boiñ bhɨichdhaꞌ. Aañ jaꞌp ɨlhiiꞌñ na pim yaꞌ pɨx kañ ñɨɨrdaꞌ ɨp aapiꞌm, dai na pim moo cham kooksodaꞌ, tɨ nɨiꞌñdhaꞌ pim.

Baꞌ miꞌ puiꞌ nam tu kuaꞌ, nat jax dhaa ɨp gio gu Jesuus jaiꞌ gu paan, xi chu taxchaabgidhak jix dhaam jaꞌk taꞌtak xi jaisaidhat pɨx muiꞌ ji ja maa gu noonbiꞌñ, jup ja tɨtda: ―Dhiꞌñi pim pup muiꞌ xi jugiaꞌ, na guꞌ dhiꞌr jiñ chuukuꞌ.

Gio baꞌ maaꞌn miꞌ dhɨr jaꞌp bhaiꞌp ji bhɨi gu alhiꞌch jaꞌaa na mi suuꞌntuꞌ gu biiñ guiꞌ na uubas kɨꞌn jup duñiix, baꞌ mu jaꞌk xi ja maakak xi ja chia nam iꞌyaꞌ. Baꞌ guiꞌ bhaiꞌp xi ii mɨt jɨꞌmaꞌn kaam. Na mɨt xi iꞌchuk baꞌp ja tɨtda: ―Dhiꞌ na pimɨt tu ii, dhiꞌr jiñ ɨꞌɨɨr na kɨꞌn xib dɨr maakam aagix kaꞌ na jax jaꞌk jix aaꞌ guñ Gɨꞌkoraꞌ nam miꞌ puiꞌ jiimdaꞌ gu jaꞌtkam, na guꞌ ka mɨlhiaꞌ guñ ɨꞌɨɨr na baꞌ tu namkix kaꞌ gu ja uaꞌtulhdharaꞌ, na baꞌx bhaiꞌ tu ja jimiaꞌ.

Guꞌ ji na guꞌ na mɨt baas ba ji bhɨi, jup ja tɨtda gu Jesuus: ―Yaꞌ moo mam ai nam kuugalhdhaꞌ na jax tu uaꞌñix mi uꞌuan taꞌm nap jum kaiꞌch: “Muꞌaaꞌ am gu bipiaꞌdam, baꞌ gu kakasnir jum jɨꞌdɨlhkadai pɨx chaꞌtak boopoyaꞌ am jɨꞌmaꞌn.” Baꞌ dhiꞌ na puiꞌ jɨꞌ tu uaꞌñix, aapiꞌm jam aagɨt puiꞌ jaꞌk jum kaiꞌch, na pim pu jiboiꞌñgiaꞌ xib dhi tukaaꞌ nam bañ dhagiaꞌ guiꞌ nam bha ja jootsaꞌ gu gɇꞌgɇrkam jum aaꞌndam. Na guꞌ cham tuꞌ dai nam jiñ kuupaꞌ pɨx, guꞌ jaꞌpji nam pu tu chiñiaꞌ nam jiñ muꞌaaꞌ.

Mummuni dhɨr bhaiꞌ ba jimchuꞌ muiꞌ ja bɨɨm guiꞌ nañ jaroiꞌ jam aagiꞌñ bɨɨpɨꞌ na maaxik jiñ kɨɨsaꞌ. Maik gor jach muiꞌ xi ñamkiaꞌ.

Baꞌp tɨtda gu Jesuus: ―Tuꞌ sɨlhkam kɨꞌn jañ yaꞌ pum tɨɨdaꞌ na gookim ka jiiñkiaꞌ gu takaaruiꞌ xib dhi tukaaꞌ, aap baikim puiꞌ ba tɨꞌyaꞌ nap cham jiñ kaichuꞌ.