آیات محبوب کتاب مقدس از Números 22

به اشتراک گذاشتن

Upérõ Ñandejára oheja pe vúrro oñe'ẽ ijárape ha he'i chupe: —Che piko mba'e ajapo nde rehe, che nupã rei haguã mbohapy jey voi?

Upérõ Ñandejára ohesa pe'a Balaámpe ohecha haguã Ñandejára remimboúpe oñembo'ýva hína henondépe kyse puku ipópe. Balaam ojeity ha omboja isyva yvýre.

Ñandejára remimbou he'i chupe: —Mba'ére piko reinupã rei ne rymba vúrro peichaite peve? Che aju kuri rohape jokóvo. Ko rejapóva ivai hína.

Pe vúrro he'i chupe: —Nda chéi piko ne rymba vúrro rogueraháva jepi che apére ko ára peve? Ajapóvapa nde rehe ko ajapóva ágã? Ha'e he'i chupe: —Nahániri!

Balaam he'i chupe: —Roinupã reñembohorységui che rehe. Areko rire kyse puku rojuka vaerã mo'ã!

Upévo pe vúrro ohechávo Ñandejára remimbou ojeity yvýre ha nopu'ãsevéi. Balaam ipochy eterei ha oinupã hymba vúrro yvyra jekohápe.