آیات محبوب کتاب مقدس از Mike 4

به اشتراک گذاشتن

Siyane birin sigan tima e gbee ala nan xili yi. Koni en tan sigan tima Alatala nan xili yi en ma Ala waxatin birin han habadan!

Siya wuyaxine fama nɛn, e a fala, e naxa, “Ɛ fa, en siga, en te Alatalaa geyaan ma, Yaxubaa Alaa banxini. A xa en xaran a sigati kiine ma, alogo en xa bira a kirane fɔxɔ ra.” Amasɔtɔ sariyan minima nɛn Siyon yi Alatalaa falan minima nɛn Yerusalɛn yi.

Waxati famatɔni Alatala Batu Banxin geyaan naxan fari na danguma nɛn geyane birin na, a lu geyane birin xun ma, siyane yi lu fɛ a ma han!

A findima nɛn kitisaan na siya wuyaxin tagi. A yɛngɛne ɲanma nɛn yama sɛnbɛmane tagi hali naxanye makuya. E e silanfanne bɔnbɔma nɛn, e findi ɲinge kenne ra, e tanbane yi rafala wɔlitɛne ra. Siya yo mi fa silanfanna tongoma gbɛtɛ xili ma, yɛngɛn mi fa maxaranɲɛ mumɛ.