N Baali suxurene xinle bama nɛn i dɛ,
alogo e xinle nama fa fala.
Na lɔxɔni, n layirin tongoma nɛn
e nun burunna subene tagi,
e nun xɔline nun bubuseene.
N xanla nun silanfanna nun yɛngɛn bama nɛn bɔxɔn ma,
n ma yamaan yi e sa bɔɲɛ xunbenli.

Ala naxa,
“N na a fe ɲaxin saranma a ra nɛn lɔxɔne fe ra
a wusulanna gan Baali suxurene xa naxanye ma.
A yi a maxidi a yiirasone nun a tunlasone yi,
a siga a suxurene fɛma,
a ɲinan n tan ma.”
Alatalaa falan nan na ra.

آیات محبوب کتاب مقدس از Hose 2به اشتراک گذاشتن

آیات محبوب کتاب مقدس از Hose 2