آیات محبوب کتاب مقدس از Fa‘ata‘oto 4

‘Ia sili ‘ona leoleoina o lou loto i le leoleoina o mea uma; auā e tupu mai ai le amio.

‘Ia mafaufau i le ala o ou vae; ‘ona fa‘atumauina ai lea o ou ala uma.

Tu‘u ‘ese ‘iā te oe le gutu fa‘api‘opi‘o ma laugutu fa‘atu‘i‘ese, ‘ia mamao ia ‘iā te oe.

O le poto o le mea sili lea, ‘ia maua le poto; o mea uma ‘e te maua ia maua mai ai le atamai.

A o le ala o ē amiotonu, e tusa ia ma le malamalama o le ao, o lo‘o tupu pea lona malamalama e o‘o i le totonu o le la. O le ala o ē amio leaga e tusa lea ma le pogisā; latou te lē iloa le mea latou te tausuai ai.

‘Aua ‘e te lafoa‘i ‘iā te ia, ‘ona tausia lea o oe e ia; ‘ia e alofa ‘iā te ia, ‘ona leoleoina lea o oe e ia.

‘Ia e tāofi mau i ‘upu e a‘oa‘oina, ‘aua ne‘i tu‘uina atu; ‘ia e leoleo i ai; auā o lou ola lava lea.

‘Aua ‘e te alu i le ala o ē agasala; ‘aua fo‘i ‘e te ui i le ala o ē fai amio leaga.

Fa‘alogo mai ia, ‘outou le fānau e, i le a‘oa‘o atu a le tamā ma ua‘i mai o ‘outou taliga ‘ina ‘ia fa‘aatamamaiina ‘outou.