آیات محبوب کتاب مقدس از Fa‘ata‘oto 3

‘Ia e fa‘atuatua i le ALI‘I ma lou loto ‘atoa; ‘ae ‘aua le fa‘alagolago i lou lava atamai. ‘ia e manatua o ia i ou ala uma, ‘ona fa‘atonuina ai lea e ia lava ou ala.

‘Aua ‘e te fa‘afiapoto; ‘ia e mata‘u i le ALI‘I, ‘ia ‘alo ‘ese i le leaga

‘ia e āva i le ALI‘I i lou ‘oa ma le fa‘apolopolo o au mea uma e tutupu; ‘ona tūtūmu ai lea ou fale saito i le mau; e feosofi fo‘i au tu‘ugāuaina i le uaina fou.

‘Aua ne‘i te‘a ma oe le alofa ma le fa‘amaoni, ‘ia asoa ai i lou ua; ‘ia e tusi ai i le papa o lou loto

Lo‘u atali‘i e, ‘aua le fa‘atauva‘a ‘iā te oe le a‘oa‘iga a le ALI‘I; ‘aua fo‘i ‘e te ‘ino‘ino pe a a‘oa‘iina oe e ia. Auā o lē ‘ua alofagia e le ALI‘I, e a‘oa‘iina o ia e ia; e pei o le tamā ‘ona a‘oa‘iina o lona atali‘i ‘ua ia fiafia i ai.

Lo‘u atali‘i e, ‘aua ne‘i galo ‘iā te oe la‘u tulafono; a ‘ia tausia a‘u poloa‘iga i lou loto. Auā e fa‘aopoopoina ai ‘iā te oe o aso e tele, ma tausaga ‘e te ola ai, ‘atoa ma le manuia.

‘Amu‘ia le tagata na te maua le poto ma le tagata na te maua le mafaufau; auā e sili ‘ona lelei o lona fa‘atau i lo le fa‘atau o le ario ma mea e maua ai e sili lea i le auro. E sili ‘ona lelei o ia i penina ma au mea fa‘afiafia uma lava e lē tusa ma ia.

‘Aua ne‘i e fa‘afiti se mea lelei i ē ‘ua tatau i ai, pe a ‘ua e mafai ‘ona faia.

O le poto na fa‘avaeina ai e le ALI‘I le lalolagi; ‘ua fa‘atumauina le lagi i le mafaufau.