آیات محبوب کتاب مقدس از Mui Psalm 91

به اشتراک گذاشتن

Nekei ere nakue ana Lord uri ingeie suu ineu uri leu ni ioio ineu e ngaingedi: God ineu, nou norutoo ilengimu.

Atei kei io mumuni ilaona suu ini e liuta: kei io koni too i mamalutana hahuana nanamanga ingeie.

Ana kei soisoieu, neke si saro alamie; maholo kei siohaa ineu peie: nekei haaurie, na qaolana kei lae kesi menikulue.

Ana kei unue hunie mu Angel ingeie kei kakalio: huni kinetainio isulie mu tala ioe.

Na kei kinetainio ana ihune, nge oke si lio odoie suu namue i hahana nimana: walana e walaimoli, mei talo ena na mu reisinge ni ohota.

Ana ioe oto, Lord, suu ineu! Otolea Ini e liuta hunie iohamu. Iteitana ngo meola aela e saa taqaosio: haike oto oo nga mei maela ke karainie nume ioe.

Ana kei wei ta amu mwaanie walo a mwaena ko lilili menu: na mwaanie maemaeha e haapilingaa.

I parapara amu kire kei doudomu hungehungaa, i qaloqalomu awalai udi ni udi: tae kire saa karainio mai.

O saa mauteinie na meola ilaona rodohono pupulu: wa ana mu omo ko mahuihui mei i atowa. Ana nga mei maela ko hite i laona rodohono: wa ana a aia ko ngangau i denumei atowa.