آیات محبوب کتاب مقدس از رومی کلیسارا نامه 2

به اشتراک گذاشتن

تِه اَی اینسانی کن دییَرَ کَسون سَردِرِ دیوون بَکَشَه و اِشتَن هَه کاری اَنجوم آشَدا، گَمون بَکَشَه کن خدا دیوون کَردِکا بَشَه وَشت؟ یا اِمکن خدا مِرَبانی، تَحَمُلی و چَی یاله صبری گِچ بَحیساب بوعَردیش و نیشَموست کن خدا مِرَبانی اِمی خاطِرَ کن بَتِه توبَه کَردِرا بِبَرِ؟

پس تِه اَی اینسانی کن دییَری دیوون بَکَش، هَر کَسی بِبی هیچ رِقی نِداری. چون وقتی کن ایی نَفری دیوون بَکَشَه، بَشتَنِر مَحکوم کَردَرَ؛ چون تِه اَی دیوون اَکَر، تِه نی هَه کاری اَنجوم بَداشَه.

اِمی خونِه کن خدا فَرق نیَه نا.

چون اَیِنی کن تاکَه شَریعَتی دَنَّرَست خدا نَظَریکا صالِح نینَّه، بَسکَم اَیِنی صالِح اینَه کن شریعَتی اَنجوم دَرِن.

خدا «هَر کَمی، چَی اِشتَن کردَ کارون اَندازَ جَزا آرَدا.»

ولی یالَه نارِن و اَیِنیرا کن حَییقَتیکا ایطاعَت نینَّکرد، بَسکَم نادِرِستیکا ایطاعَت بَکَنَه، آسرَنگِستِه و غَضَّب ویرَکَرد.

ولی تِه اِشتِه سرختی و اِشتِه دلی خونه، کن نَپیشَه توبَه بکَرِ، خدا غَضَّبی اِشتَنرا، غَضَّبَه روجیرا جَم آشَکَرد، اَ روجیرا کن چَی دِلَکا خدا عادیلانَه دیوون کردِ دیار آرَبن.