آیات محبوب کتاب مقدس از Be ya a Roma 6

Adia buhwen a nya ben adi ebgen ebwem ángá, a fǝ, tea edwe a Ehwya no anga, a nya e no a fwa efwam adi efka mo Yeso Kristi, Etsodwe mo je.

Nye e cha nye dwa a ebgen e dwatì a chu nye ra, adia moetum mo Mosa bin ye nye ra, tea esese mo Ehwya bin nye no a ge.

No enona, atan a bè bwe je batisǝma ngge Kristi, ge no abu jè fǝ ara ngge ge, ngge bè di ara je ngge ge. Bè bwe enò evǝa abu bè ti Yeso Kristi nyi etkyen a dì adi egǝ̀n mo Ate ye, ge no abu be kpu je nyi etkyen a dì angǝ evǝa je e no zǝno angǝ efwe.

Nye e kpu nye be eswakwa mo ju nye e nga be atkimo-mochi mo mofǝ̀ ebwem ra. Tea nye e kpu chu nye e no Ehwya abu be nobǝ a be kpu gwa ara je mo dì angǝ. Nye e kpu be egwa egwa mo eswakwa mo ju mo nye e no Ehwya abu be atkimo-mochi mò esese ebwem.

Adia je yi jan bè kenfu ara zǝno enom mo je ehwe a chu eswafǝ ngge ge, evǝa je e kwaju ngge ebgen éè dwatì no a chu je ángá, evǝa je e fwa je be fí mo ebgen efwe ra.

Ge té mò akan, nye e ti chu nye jan nye fǝgwa ara ebgen, nye no ngge nya evǝ mo Ehwya adi efka mo Yeso Kristi.

Ekǝnggwa mò a ja jan ángá a ano? Je e no e kpwà adi ebgen ebwem evǝa Ehwya e no e kpwà je adi mò esese ebwem? É yé, ge fwa didi ye enò ra. A je ya è kwa ara ju ngge ebgen ebwem ángá, ano bwe a ge ja no a tswa mo nó efwe?

Nye yi nye jan atan a nye kpu be ju nye no adi edgyan mo nye evǝa nye e tse ende akan, nya be fí mo ende hon a nye tse anga ra? Nya be fí mo ebgen nwone a du nye a ken adi fǝ, eno e ra nya fí mo etsem nwone e du be nobǝ esese ken chafya mo Ehwya.

Tea echwanom no ḿ mo Ehwya, adia ekpe nyè no di ara be fí mo ebgen, tea asuswana nye ba seshi be efǝ a bè tú nye ngge nye cha ara be a tswa tsuruku akan. Be fkenggwa ara nye abu mo ebgen, ngge nye nga ara be fí mo mochi esese ebwem.