آیات محبوب کتاب مقدس از LWS 26

به اشتراک گذاشتن

Ma din tá re goɛ̃ kun ka nɛ. Man die goɛ̃ kaa Lawa lɛa, ka dɔn man die goɛ̃ maa zaman lɛa.

Bɛ̀ ka zɛnaa miɛ̃, lan mɛnɛn bɛ́ ka laadoo bǐɛ̃ koe, ma á die toɛ, bɛn nə kaa a biikoo li. Tán-kɔsiɛ á die bǐɛ̃ koe, dan dɔn tá re nɛ koe.

Dɛnaa Lawa wusoo á pɛ: Ka kɔ masɛ a landa boon kɛn lɛ, ka maa gɔn waa ǹ boon kɛn tamaa, ka ǹ sii zɛnaa.

Ma á re là nyantoro koe gána lɛ la. Ka á re wɛɛ tán ka nyuù wɔ, sii kɔn ná a re nyɛ́ɛ diɛ ka ganaa wa. Don mànan mɛnɛn bɛ́ basaã koe, masɛ á re bɛn papaɛ̃ ma ǹ bɔ gána lɛ nɛ. Masɛ a re toɛ min da zia baa ka ganaa kaa gána kɛ-n doo wa.

Ma á re n yɔrɔ bǐɛ̃ diɛ ka la. Ma á re toɛ ka nɛnyaanan yɛ ǹ bulu bɔ. Ma lɛ kɔ kɔn la mɛn wɔ ka ka nɛ, ma a die bɛ toɛ̃ wa.

Masɛ din Dɛnaa Lawa n kaa Lawa lɛa. Masɛ din ni má ka waa má ka bɔ Ezipti minin kɛn gána nɛ, màn mɛn bɛ́ toɛ, ka baran bɛn bɛ̀rɛn baa doo wa. Ma din ni má Ezipti minin pàã kɛ nya má bɔ ka mìi ni, màn mɛn bɛ́ toɛ, ka dɔn nə goã ka dinin gɔn wìi a lɛa.

Masɛ dinmaa n die giɛ̃ ka bii. Ka tìĩ a re boe ma nyin ni, ma ka tii wa.

Ka baran dìn zɛnaa wa. Ka baran màn nyín hinlaa tíĩ doa wa, ka baran kɔlɔ sɛlɛ ka da tán gána lɛ nɛ, ka bɛ guguru kɔ wa. A giala, masɛ din Dɛnaa Lawa n kaa Lawa lɛa.

Ka n die kaa bɔ don màn zizi bii, bɛ̀ ka a zizi waa, ka a dii kaa a nɛ.

Kaa min sooro á die kaa zɔ́ɔn lɛn min paabiɛ lui, kaa min paabiɛ á die kaa zɔ́ɔn lɛn min duu fù lui. Ka á re kaa zɔ́ɔn lɛn dii, ka ǹ kaa tán.

Ka bɛ́ re màn mɛn yii, ka á re bɛ duwii, yǎa a woe doe rezɛ̃ ma waáraa ganaa. Ka bɛ́ re rezɛ̃ mɛn dɔ yii, ka á re bɛ niɛ̃, yǎa a woe doe *belee diɛ waáraa ganaa. Ka á re màn bii ka kã. Ka á re boe la ka giã kaa gána lɛ nɛ, ka yiri n bǎã goon ne.

Ka á re kaa zɔ́ɔn lɛn kio lui, ka ǹ dɛ, ka ǹ kaa tán.

Masɛ lɛawaan mɛnɛn koa *susu ǹ pii lɛa, ka bɛn tamaa, ka gugurubaa wɔ masɛ a kion kɛa sii ni. Masɛ din ni Dɛnaa Lawa lɛa.