آیات محبوب کتاب مقدس از Iza 1

به اشتراک گذاشتن

Dɛnaa Lawa n pii kɛnɛn: «Ka daa wɔ kɔn ma. Ta kaa sii baraan man nə́ tì kɔ lɔn, ǹ tá re fu koe ka bɔ̀nyaa bɛ́ lɔn. Ta maǹ nə́ tì kɔ lɔn ǹ tá re fu koe ka koara bɛ́ lɔn.

Bɛ̀ ka lɛ kɔ, ka n too kɔ, ka á re gána lɛ a màn sonboren bii.

Ka n daraa sii sonbore zɛnaa ganaa, ka ga peperebaa li. Ka min kakaarɛ doroo, ka bǐɛ̃ zɛnaa nɛ toen ne, ka lɔ giɔɔrɔ a guĩ saa.

Sɛnɛ, bɛ̀ ka n piã, ka woo nyɛɛnɛ ka n gòãn dii ma ganaa, gɔya sa n die ka bɔ̀n biɛ.» Dɛnaa Lawa na á pɛ.

Ka n zoo, ka *gɔ̀ bɔ ka dinin ganaa. Kaa sii bɔbɔnɛɛn kɛn, ka bɛn pii ka ǹ bɔ ma yɔrɔ-a, ka kaa sii baraan kɛn kaa.

Bɛ̀ ka n gɔnɔn goa lon ka á ma nyankoe, man ma yɔrɔ bɔyɛɛ ma bɔ ka la. Ta ka ma nyankɔ lɔn, maa n too koe wa. Ka gɔnɔn man mà lɛa.

Kaa Lawa gɔ ǹ màn ke, ka n susu ka bɛa koe ne. A là banban. A tɛmaa gìĩ kɔɔ̃n ke, bɛ tìĩ bɔ ma nyin ni. A giala, kaa mui dii zɔ́nɔn kɛn bɛ̀ ka ǹ zɛnaa, kaa susu ǹ piin kɛn nɛ, ka kaa zɔ́n dadaraan kɛn nɛ, ka n sii baraan zɛnɛɛ bɛn li. Ma a bɛ sii ma ganaa duduu wa.

Dii tá a dɛnaa doɛ̃, dundun na a màn-bii ǹ goo doɛ̃, ǹ dɛnaa bɛ́ màn-bii koe la ǹ mɛn lɛ nɛ. Sɛnɛ, Izirayeli sɛ a màn kɔ́n doɛ̃ wa, maa zaman kɛ a màn kɔ́n giala miɛ wa.»

Kaa mui dii zɔ́nɔn kɛn tìĩ bɔ ma nyin ni, ka kaa zɔ́n dadaraan kɛn nɛ. Maǹ guguru ma ganaa, má ǹ si ma ganaa ma nɔmaa ǹ nɛ.