آیات محبوب کتاب مقدس از BBN 16

به اشتراک گذاشتن

Izirayeli nɛnyaanan lɛn nə́ pɛ ǹ nɛ: «Á ke le! Wɔ bɛ́ siĩ soɛ̃, wɔ n màn dɔ bii wɔ n kiɛ̃ Ezipti gána nɛ ǹ mɛn waáraa, toa bɛ̀ Dɛnaa na á wɔ dɛ bɛa biikoo kɛ li. Á ke, ka soo ka zaman kɛ tumaa nɛ, ka daa wɔ-n don gɔ́ɔ̃ nɛ, wɔ n die giɛ̃ ka bòo ne!» Dɛnaa pɛ Muizu ni kɛnɛn: «Man die màn-bii boe lon, ma kaa tán ǹ wɔ lɛa. Zaman lɛ á re soe baraabaraa, ǹ nə ǹ lɛawaa gogoon màn-bii goa. A n die n zɛnɛɛ miɛ̃, màn mɛn bɛ́ toɛ, man da ǹ gɔ́ɔ̃ li, ma ga ǹ ganaa, bɛ̀ ǹ tá re tɔ we a kɔnpɛ ka maa boo ne, hinlaa bɛ̀ ǹ ba re tɔ we a kɔnpɛ-n wa.

Don lɛ gɔ́ɔ̃ nɛ, Izirayeli nɛnyaanan zaman lɛ tumaa zùũzùũ si, Muizu laanka Aarɔn ganaa.

Muizu laanka Aarɔn pɛ Izirayeli nɛnyaanan lɛn tumaa nɛ: «Wasamiɛ̃nɛ, Dɛnaa á re siĩ koe ka la ka sɔ̃, a giala, ka zùũzùũ mɛn si a ganaa, á ma. Ka á re doɛ̃ kəni, mà a din lɛ na á soo ka nɛ, á ka bɔ Ezipti gána nɛ. Biɛ̃ baayɛlɛ dɔn, á re màn-bii koe ka la a ka bɔ, ka á re a gugurubaa yii. Muizu laanka Aarɔn pɛ ǹ nɛ: Wɔsɛn mìi á kiɛrɛ ka zùũzùũ si wɔsɛn ganaa. Bɛ̀ ka tá zɛnɛɛ dɔn, ka bie wɔsɛn gialaa wa, ka n Dɛnaa din gialaa.»

«Má Izirayeli nɛnyaanan zùũzùũ sii lɛ ma. A pɛ ǹ nɛ kɛnɛn: Wɔlɔ nyin giɛ̃ biikoo li, ǹ tá re siĩ soɛ̃, baayɛlɛ, ǹ tá re màn bii ǹ kã, ǹ tá re doɛ̃ mà ma din Dɛnaa lɛ nə ǹ Lawa lɛa.»