آیات محبوب کتاب مقدس از प्रकाशितवाक्य 8

به اشتراک گذاشتن

जेस ले उस्स ने सतवीं मोर खोली, ते सोर्ग बिच अधे कैणटे आसतै सन्‍नाटा छाई गीया।

पैले सोर्गदूत ने तुरी फुकी, ते खून कन्ने मिले दे ओलै ते अग्ग पैदा ओई, ते तरती उपर सुट्टी गई; ते तरती दी एक तिहाई जली गई, ते साड़े सैली काह बी जली गई।

जेस ले आऊँ पी दिखया, ते अम्बर दे बिच एक उकाब गी उड़दा ते उच्चे शब्द कन्ने ए आखदे सुनया, “ऊन त्रै सोर्गदूतें दे तुरी दे शब्दें दे कारन, जिंदा फुकना अयें बाकी ऐ, तरती दे रैने आलें उपर ब्सोस बसोरा!”

दुए सोर्गदूत ने तुरी फुकी, ते मनो अग्ग जेया जलदा एक पाड़ समुंद्र बिच सुट्या गीया; ते समुंद्र दा एक तिहाई खून ओई गीया

त्रिये सोर्गदूत ने तुरी फुकी, ते एक बड़ा तारा जेहड़ा मशाल जेया जलदा हा, सोर्ग थमां टूटया, ते नदियें दी एक तिहाई उपर ते पानी दे सोते उपर आई पेया। उस्स तारे दा नां नागदौना ऐ; ते एक तिहाई पानी नागदौना जेया कोड़ा ओई गीया, ते मते सारे मनुक्ख उस्स पानी दे कोड़े ओनें दे कारन मरी गै।

चौथे सोर्गदूत ने तुरी फुकी, ते सूरज दी एक तिहाई, ते चण दी एक तिहाई ते तारें दी एक तिहाई उपर मसीबत आई, इत्थैं तकर के उंदा एक तिहाई अंग न्नेरा ओई गीया ते धयारे दी एक तिहाई च लो नेई रेई, ते उय्यां गै राती च बी।