آیات محبوب کتاب مقدس از طِطُس 3

به اشتراک گذاشتن

پر جد ساڈے نجات دین والے خُدا دی مِہربانی تے بندیاں نال اوہدی مُحبّت دِس پئی۔ تے اوس سانُوں چھڈایا۔ پر راستبازی دے کمّاں دے سببّوں نئیں جیہڑے اساں کِیتے پر اپنی رحمت نال نَوِیں پَیدایش تے نہاؤن تے پاک رُوح دے سانُوں نَوِیاں بناؤن دے وسیلے نال۔ جِہنُوں اوس ساڈے نجات دین والے یِسُوع مسِیح دی راہِیں ساڈے اُتّے چوکھا ڈوہلیا۔ تاں جو اسی اوہدے فضل نال راستباز ٹھہر کے سدا دی زِندگی دی آس وِچ وارث بنیئے۔

اوہناں نُوں یاد دوا پئی حاکماں تے اختیار والیاں دے تابعیاں رہن اوہناں دا حُکم مَنّن تے سارے نیک کمّاں لئی تیار رہن۔ کِسے نُوں بُرا بھلا نا آکھن۔ جھگڑالو نا ہون پر نرم طبیعت ہون تے سارے بندیاں نال حلِیمی دا سلُوک کرن۔

پر بیواقوفی دِیاں حُجتّاں تے شجریاں تے جھگڑیاں تے شریعت دِیاں لڑائِیاں توں پرہیز کر۔ ایس لئی پئی ایہہ بے فائدہ تے تھوتھیاں نیں۔

اِک دو واری نصِیحت کر کے بِدعتی بندے توں وکھرا ہو جا۔