آیات محبوب کتاب مقدس از ۲-تِیمُتِھیُس 1

به اشتراک گذاشتن

کیوں جو خُدا سانُوں ڈرن والی رُوح نئیں سگوں طاقت تے پیار تے سُرت دی رُوح دِتّی اے۔

جِس سانُوں نجات دِتّی تے پاک بُلاوے نال بُلایا۔ ساڈے کمّاں دے سببّوں نئیں۔ سگوں اپنے خاص اِرادے تے اوس فضل دے سببّوں جیہڑا مسِیح یِسُوع وِچ ساڈے اُتّے مُڈھوں ای ہویا۔

ایسے سبّب مَیں تینُوں یاد کراناں آں۔ پئی تُوں خُدا دی اوس برکت نُوں بَھکھا جیہڑی تینُوں میرے ہتّھ رکھن نال مِلی۔

سو ساڈے خُداوند دی گواہی توں تے میرے کولوں جیہڑا اوہدا قیدی آں شرم نا کر۔ سگوں اوس خُدا دی قُدرت نال خُوشخبری دی خاطر میرے نال دُکھ سہہ۔

ایسے سبّب مَیں ایہہ دُکھ وی سہنا آں۔ پر شرماؤندا نئیں۔ کیوں جو جِہدے اُتّے مَیں اِیمان لیاندا اے۔ اوہنوں جاننا آں تے مَینُوں یقِین اے پئی اوہ میری امانت دی اوس دِن تِیکر حفاظت کر سکدا اے۔